ປະທານປະເທດຈີນຮຽກຮ້ອງໃຫ້ອອກແຮງກູ້ໄພຢ່າງສຸດຄວາມສາມາດ
(GMT+08:00) 2013-07-23 09:46:40 cri
ຕາມຂ່າວສານຊິນຮວາ, ເວລາ7ໂມງ45ນາທີຂອງວັນທີ22ກໍລະກົດນີ້ຕາມເວລາປັກກິ່ງ, ຢູ່ນະຄອນຕິ້ງຊີ່ແຂວງກ່ານຊູ້ຂອງຈີນໄດ້ເກີດໄພແຜ່ນດິນໄຫວຂັ້ນ6,6ລິກເຕີ. ສະຖິຕິຫຼ້າສຸດສະແດງໃຫ້ເຫັນວ່າ, ໄພແຜ່ນດິນໄຫວຄັ້ງນີ້ໄດ້ເຮັດໃຫ້89ຄົນເສຍຊີວິດ, 515ຄົນໄດ້ຮັບບາດເຈັບ. ປະຈຸບັນ, ການສຳຫຼວດສະພາບປະສົບໄພຍັງພວມດຳເນີນຕໍ່ໄປ.
ທ່ານສີຈິ້ນຜິງ ເລຂາທິການໃຫຍ່ສູນກາງພັກກອມມູນິດຈີນ, ປະທານປະເທດ, ປະທານຄະນະກຳມະການການທະຫານສູນກາງຈີນ ໄດ້ເອົາໃຈໃສ່ໃນລະດັບສູງຕໍ່ເລື່ອງນີ້, ໂດຍທ່ານໄດ້ຮຽກຮ້ອງໃຫ້ແຂວງກ່ານຊູ້ແລະພາກສ່ວນທີ່ກ່ຽວຂ້ອງ ຈັດວາງກຳລັງຝ່າຍຕ່າງໆ, ອອກແຮງກູ້ໄພຢ່າງສຸດຄວາມສາມາດ, ປະຈຸບັນ, ຕ້ອງຖືການກອບກູ້ປະຊາຊົນເປັນໜ້າທີ່ອັນດັບໜຶ່ງ, ພະຍາຍາມສຸດຂີດເພື່ອຫຼຸດຈຳນວນຜູ້ເສຍຊີວິດແລະຜູ້ໄດ້ຮັບບາດເຈັບໃຫ້ໜ້ອຍລົງ. ຈັດວາງໃຫ້ປະຊາຊົນໄປຢູ່ບ່ອນປອດໄພໂດຍໄວ ແລະຈັດວາງປະຊາຊົນຜູ້ປະສົບໄພໃຫ້ດີ, ເພີ່ມທະວີການຕິດຕາມໄພສັ່ນສະເທືອນທີ່ອາດຈະເກີດຂຶ້ນຕາມຫຼັງ, ໃຊ້ມາດຕະການປ້ອງກັນບໍ່ໃຫ້ໄພພິບັດອື່ນໆເກີດຂຶ້ນອີກ, ຫຼຸດຄວາມເສຍຫາຍຍ້ອຍໄພແຜ່ນດິນໄຫວໃຫ້ລົງຮອດລະດັບຕ່ຳສຸດ.
ທ່ານຫຼີເຄີ້ຊຽງ ກຳມະການປະຈຳກົມການເມືອງສູນກາງພັກ ນາຍົກລັດຖະມົນຕີຈີນກໍໄດ້ຮຽກຮ້ອງໃຫ້ພາກສ່ວນທີ່ກ່ຽວຂ້ອງປະຕິບັດຕາມກົນໄກຮັບມືຕໍ່ໄພພິບັດແບບສຸກເສີນ, ສົ່ງໜ່ວຍງານແລະຄະນະວິຊາການໄປສູ່ເຂດປະສົບໄພ, ເພື່ອຊີ້ນຳການກູ້ໄພແລະຊ່ວຍດຳເນີນວຽກງານກອບກູ້ທີ່ກ່ຽວຂ້ອງ.
ພາຍຫຼັງເກີດໄພແຜ່ນດິນໄຫວແລ້ວ, ແຂວງກ່ານຊູ້ໄດ້ສົ່ງໜ່ວຍງານໄປຮອດເຂດປະສົບໄພ, ແລະສົ່ງວັດຖຸເຄື່ອງຂອງຕ່າງໆ ເຊັ່ນ: ຕູບຜ້າເຕັ້ນ, ຜ້າຫົ່ມ, ອາຫານ, ນ້ຳດື່ມ ແລະອື່ນໆໄປເຂດປະສົບໄພຢ່າງຮີບດ່ວນ.
ທ່ານສີຈິ້ນຜິງ ເລຂາທິການໃຫຍ່ສູນກາງພັກກອມມູນິດຈີນ, ປະທານປະເທດ, ປະທານຄະນະກຳມະການການທະຫານສູນກາງຈີນ ໄດ້ເອົາໃຈໃສ່ໃນລະດັບສູງຕໍ່ເລື່ອງນີ້, ໂດຍທ່ານໄດ້ຮຽກຮ້ອງໃຫ້ແຂວງກ່ານຊູ້ແລະພາກສ່ວນທີ່ກ່ຽວຂ້ອງ ຈັດວາງກຳລັງຝ່າຍຕ່າງໆ, ອອກແຮງກູ້ໄພຢ່າງສຸດຄວາມສາມາດ, ປະຈຸບັນ, ຕ້ອງຖືການກອບກູ້ປະຊາຊົນເປັນໜ້າທີ່ອັນດັບໜຶ່ງ, ພະຍາຍາມສຸດຂີດເພື່ອຫຼຸດຈຳນວນຜູ້ເສຍຊີວິດແລະຜູ້ໄດ້ຮັບບາດເຈັບໃຫ້ໜ້ອຍລົງ. ຈັດວາງໃຫ້ປະຊາຊົນໄປຢູ່ບ່ອນປອດໄພໂດຍໄວ ແລະຈັດວາງປະຊາຊົນຜູ້ປະສົບໄພໃຫ້ດີ, ເພີ່ມທະວີການຕິດຕາມໄພສັ່ນສະເທືອນທີ່ອາດຈະເກີດຂຶ້ນຕາມຫຼັງ, ໃຊ້ມາດຕະການປ້ອງກັນບໍ່ໃຫ້ໄພພິບັດອື່ນໆເກີດຂຶ້ນອີກ, ຫຼຸດຄວາມເສຍຫາຍຍ້ອຍໄພແຜ່ນດິນໄຫວໃຫ້ລົງຮອດລະດັບຕ່ຳສຸດ.
ທ່ານຫຼີເຄີ້ຊຽງ ກຳມະການປະຈຳກົມການເມືອງສູນກາງພັກ ນາຍົກລັດຖະມົນຕີຈີນກໍໄດ້ຮຽກຮ້ອງໃຫ້ພາກສ່ວນທີ່ກ່ຽວຂ້ອງປະຕິບັດຕາມກົນໄກຮັບມືຕໍ່ໄພພິບັດແບບສຸກເສີນ, ສົ່ງໜ່ວຍງານແລະຄະນະວິຊາການໄປສູ່ເຂດປະສົບໄພ, ເພື່ອຊີ້ນຳການກູ້ໄພແລະຊ່ວຍດຳເນີນວຽກງານກອບກູ້ທີ່ກ່ຽວຂ້ອງ.
ພາຍຫຼັງເກີດໄພແຜ່ນດິນໄຫວແລ້ວ, ແຂວງກ່ານຊູ້ໄດ້ສົ່ງໜ່ວຍງານໄປຮອດເຂດປະສົບໄພ, ແລະສົ່ງວັດຖຸເຄື່ອງຂອງຕ່າງໆ ເຊັ່ນ: ຕູບຜ້າເຕັ້ນ, ຜ້າຫົ່ມ, ອາຫານ, ນ້ຳດື່ມ ແລະອື່ນໆໄປເຂດປະສົບໄພຢ່າງຮີບດ່ວນ.
