ລັດຖະມົນຕີຊ່ວຍວ່າການກະຊວງປ້ອງກັນປະເທດອິນໂດເນເຊຍກ່າວວ່າ ການຮ່ວມມືໃນຂົງເຂດວຽກງານປ້ອງກັນປະເທດລະຫວ່າງອິນໂດເນເຊຍ-ຈີນທີ່ມີທ່າອ່ຽງທີ່ດີນັ້ນ ຄວນໄດ້ຮັບການເສີມຂະຫຍາຍຕໍ່ໄປ
(GMT+08:00) 2013-07-24 16:55:22 cri
ຕາມຂ່າວCRI: ຕອນຄ່ຳວັນທີ 23 ກໍລະກົດນີ້, ສະຖານທູດຈີນປະຈຳອິນໂດເນເຊຍໄດ້ຈັດງານລ້ຽງສະເຫຼີມສະຫຼອງວັນສ້າງຕັ້ງກອງທັບປົດປ່ອຍປະຊາຊົນຈີນຄົບຮອບ 86 ປີ. ໃນເວລາກ່າວຄຳປາໄສໃນງານລ້ຽງຄັ້ງນີ້,ທ່ານສຈາຟຼີ ສຈາມໂຊດດິນ ລັດຖະມົນຕີຊ່ວຍວ່າການກະຊວງປ້ອງກັນປະເທດອິນໂດເນເຊຍກ່າວວ່າ: ໃນຊຸມປີຜ່ານມານີ້, ການຮ່ວມມືໃນຂົງເຂດວຽກງານປ້ອງກັນປະເທດລະຫວ່າງອິນໂດເນເຊຍ-ຈີນໄດ້ມີຄວາມຄືບໜ້າຫຼາຍ, ອິນໂດເນເຊຍຫວັງວ່າຈະສາມາດຮັກສາທ່າອ່ຽງການພັດທະນາທີ່ດີແບບນີ້ຢ່າງຕໍ່ເນື່ອງ. ຂໍອວຍພອນໃຫ້ການພົວພັນລະຫວ່າງສອງກອງທັບອິນໂດເນເຊຍແລະຈີນຈົ່ງໄດ້ຮັບການເສີມຂະຫຍາຍຢ່າງໝັ້ນຄົງຂະໜົ່ງແກ່ນ, ແລະມີລັກສະນະປະດິດສ້າງຫຼາຍກວ່າເກົ່າ, ເພື່ອປະກອບສ່ວນອັນໃຫຍ່ຫຼວງເຂົ້າໃນຂະບວນສັນຕິພາບຂອງໂລກແລະສະຖຽນລະພາບຂອງພາກພື້ນ.
