ຕະຫຼາດຫຸ້ນສິງກະໂປຈະເປີດຈຳໜ່າຍຫຸ້ນເງິນຕາສອງສະກຸນຄືເງິນໂດລາສິງກະໂປກັບເງິນຢວນຈີນຫຸ້ນທຳອິດ
(GMT+08:00) 2013-07-26 11:21:21 cri
ຫຸ້ນກຸ່ມບໍລິສັດຕໍ່ເຮືອຢ່າງຊີກຽງຈຳກັດຈະກາຍເປັນຫຸ້ນທຳອິດທີ່ຊື້ຂາຍກັນດ້ວຍເງິນຕາສອງສະກຸນຄືເງິນໂດລາສິງກະໂປກັບເງິນຢວນຈີນໃນຕະຫຼາດຫຸ້ນສິງກະໂປ.
ກຸ່ມບໍລິສັດຕໍ່ເຮືອຢ່າງຊີກຽງຈຳກັດໄດ້ອອກຖະແຫຼງການວ່າ, ຫຸ້ນສ່ວນຂອງບໍລິສັດນີ້ຈະເລີ່ມຕົ້ນການຊື້ຂາຍກັນດ້ວຍເງິນຕາສອງສະກຸນແຕ່ວັນທີ 5 ສິງຫາໜ້ານີ້ເປັນຕົ້ນໄປ. ສິງກະໂປຫວັງຢາກໄດ້ຄອງສ່ວນແບ່ງຫຼາຍກວ່າເກົ່າຂອງຕະຫຼາດເງິນຢວນທີ່ຕັ້ງຢູ່ນອກແຜ່ນດິນໃຫຍ່ຈີນ.
ການໃຫ້ນັກລົງທຶນໃນຕະຫຼາດຫຸ້ນມີທາງເລືອກສາມາດຊື້ຫຸ້ນທີ່ກຳນົດລາຄາເປັນເງິນຢວນ ເປັນຂີດໝາຍສະແດງໃຫ້ເຫັນວ່າ, ສິງກະໂປໄດ້ມີຄວາມຄືບໜ້າຕື່ມອີກໃນການພັດທະນາຕະຫຼາດເງິນຢວນທີ່ຕັ້ງຢູ່ນອກແຜ່ນດິນໃຫຍ່ຈີນ.
ເຖິງວ່າບາດກ້າວຂອງສິງກະໂປໃນການຍາດແຍ່ງການສ້າງຕັ້ງສູນທຸລະກິດເງິນຢວນທີ່ຕັ້ງຢູ່ນອກແຜ່ນດິນໃຫຍ່ຈີນໄດ້ຊ້າກວ່າຮົງກົງຈີນກໍ່ຕາມ, ແຕ່ທ່ານລີຊຽນລົງ ນາຍົກລັດຖະມົນຕີສິງກະໂປກ່າວໃນເມື່ອມໍ່ໆມານີ້ວ່າ, ສິງກະໂປຈະມີບົດບາດທີ່ສຳຄັນຂອງຕົນ, ແລະຄວາມຕ້ອງການສ່ວນໜຶ່ງໃນຕະຫຼາດຕ້ອງການໃຫ້ສິງກະໂປເປັນຜູ້ສະໜອງ. ສິງກະໂປຫວັງຢາກກາຍເປັນສູນທຸລະກິດເງິນຢວນທີ່ຕັ້ງຢູ່ນອກແຜ່ນດິນໃຫຍ່ຈີນແລະສູນຊຳລະສະສາງບັນຊີດ້ວຍເງິນຢວນທີ່ຮອງຈາກຮົງກົງຈີນ.
ກຸ່ມບໍລິສັດຕໍ່ເຮືອຢ່າງຊີກຽງຈຳກັດໄດ້ອອກຖະແຫຼງການວ່າ, ຫຸ້ນສ່ວນຂອງບໍລິສັດນີ້ຈະເລີ່ມຕົ້ນການຊື້ຂາຍກັນດ້ວຍເງິນຕາສອງສະກຸນແຕ່ວັນທີ 5 ສິງຫາໜ້ານີ້ເປັນຕົ້ນໄປ. ສິງກະໂປຫວັງຢາກໄດ້ຄອງສ່ວນແບ່ງຫຼາຍກວ່າເກົ່າຂອງຕະຫຼາດເງິນຢວນທີ່ຕັ້ງຢູ່ນອກແຜ່ນດິນໃຫຍ່ຈີນ.
ການໃຫ້ນັກລົງທຶນໃນຕະຫຼາດຫຸ້ນມີທາງເລືອກສາມາດຊື້ຫຸ້ນທີ່ກຳນົດລາຄາເປັນເງິນຢວນ ເປັນຂີດໝາຍສະແດງໃຫ້ເຫັນວ່າ, ສິງກະໂປໄດ້ມີຄວາມຄືບໜ້າຕື່ມອີກໃນການພັດທະນາຕະຫຼາດເງິນຢວນທີ່ຕັ້ງຢູ່ນອກແຜ່ນດິນໃຫຍ່ຈີນ.
ເຖິງວ່າບາດກ້າວຂອງສິງກະໂປໃນການຍາດແຍ່ງການສ້າງຕັ້ງສູນທຸລະກິດເງິນຢວນທີ່ຕັ້ງຢູ່ນອກແຜ່ນດິນໃຫຍ່ຈີນໄດ້ຊ້າກວ່າຮົງກົງຈີນກໍ່ຕາມ, ແຕ່ທ່ານລີຊຽນລົງ ນາຍົກລັດຖະມົນຕີສິງກະໂປກ່າວໃນເມື່ອມໍ່ໆມານີ້ວ່າ, ສິງກະໂປຈະມີບົດບາດທີ່ສຳຄັນຂອງຕົນ, ແລະຄວາມຕ້ອງການສ່ວນໜຶ່ງໃນຕະຫຼາດຕ້ອງການໃຫ້ສິງກະໂປເປັນຜູ້ສະໜອງ. ສິງກະໂປຫວັງຢາກກາຍເປັນສູນທຸລະກິດເງິນຢວນທີ່ຕັ້ງຢູ່ນອກແຜ່ນດິນໃຫຍ່ຈີນແລະສູນຊຳລະສະສາງບັນຊີດ້ວຍເງິນຢວນທີ່ຮອງຈາກຮົງກົງຈີນ.
