ເຜີຍແຜ່ບັນຊີລາຍຊື່ຜະລິດຕະພັນຍີ່ຫຼໍ້ທີ່ມີຊື່ສຽງຂອງຈີນແລະອາຊຽນສະບັບທີ2
ວັນທີ 30 ກໍລະກົດນີ້, ຢູ່ນະຄອນຫຼວງປັກກິ່ງຂອງຈີນ,ສະພາການຄ້າຈີນ-ອາຊຽນໄດ້ເຜີຍແຜ່ບັນຊີລາຍຊື່ຜະລິດຕະພັນຍີ່ຫໍ້ທີ່ມີຊື່ສຽງຂອງຈີນແລະອາຊຽນສະບັບທີສອງຊຶ່ງບັນຊີລາຍຊື່ສະບັບນີ້ໄດ້ກວມເອົາຜະລິດຕະພັນຍີ່ຫໍ້ທີ່ມີຊື່ສຽງຈຳນວນ100ຍີ່ຫໍ້ຂອງທັງສອງຝ່າຍ. ໃນນັ້ນ, ບັນຊີລາຍຊື່ຜະລິດຕະພັນຍີ່ຫໍ້ທີ່ມີຊື່ສຽງທີ່ປະເທດອາຊຽນແນະນຳໃຫ້ຈີນນັ້ນໄດ້ກວມເອົາຍີ່ຫໍ້ທີ່ມີຊື່ສຽງຂອງປະເທດອາຊຽນຈຳນວນຫຼວງຫຼາຍຊຶ່ງໃນນັ້ນມີກາເຟ,ອາຫານແລະຜະລິດຕະພັນກະສິກຳເປັນຕົວແທນ.
ທ່ານສູນິງໆ ຮອງເລຂາທິການສະພາການຄ້າຈີນ-ອາຊຽນກ່າວວ່າ, ກິດຈະກຳຈີນແລະອາຊຽນແນະນຳຜະລິດຕະພັນຫຍີ່ຫໍ້ທີ່ມີຊື່ສຽງເຊິ່ງກັນແລະກັນແມ່ນມີຈຸດປະສົງເພື່ອປັບປຸງໂຄງປະກອບການຄ້າຂອງສອງຝ່າຍໃຫ້ດີຂຶ້ນຕື່ມອີກ, ຊຸກຍູ້ໃຫ້ປະເທດຕ່າງໆໃນພາກພື້ນນີ້ປັບປຸງແລະສັບຊ້ອນໂຄງປະກອບອຸດສາຫະກຳໃຫ້ດີຂຶ້ນ. ໃນຊຸມປີມໍ່ໆມານີ້, ເຂດການຄ້າເສລີຈີນ-ອາຊຽນໄດ້ຂະຫຍາຍຕົວແລະໄດ້ຮັບການປັບປຸງໃຫ້ສົມບູນຂຶ້ນນັ້ນກໍ່ໄດ້ສ້າງເງື່ອນໄຂທີ່ດີໃຫ້ແກ່ວິສາຫະກິດສອງຝ່າຍສາມາດດຳເນີນການຮ່ວມມືກັນຢ່າງແໜ້ນແຟ້ນເພື່ອຮ່ວມກັນພັດທະນາຍີ່ຫໍ້ທີ່ມີຊື່ສຽງໃນລະດັບສາກົນ.
