ເວທີປຶກສາຫາລືຂັ້ນສູງລະຫວ່າງຈີນ-ອາຊຽນວາດມະໂນພາບແຜນການທີ່ຍິ່ງໃຫຍ່ແຫ່ງການພັດທະນາໃນ10ປີຕໍ່ໜ້າ
(GMT+08:00) 2013-08-05 11:50:04 cri
ເວທີປຶກສາຫາລືຂັ້ນສູງຈີນ-ອາຊຽນໄດ້ຈັດຂຶ້ນໃນວັນທີ 2ສິງຫານີ້ຢູ່ນະຄອນຫຼວງບາງກອກຂອງໄທ. ທ່ານ ສຸລາພົງ ໂຕວິຈັກໄຊກູນ ຮອງນາຍົກລັດຖະມົນຕີທັງເປັນລັດຖະມົນຕີວ່າການກະຊວງການຕ່າງປະເທດໄທ ທີ່ເປັນປະເທດປະສານງານການພົວພັນຈີນກັບອາຊຽນກ່າວໃນພິທີໄຂງານວ່າ, ໃນທົດສະວັດຄັ້ງຕໍ່ໄປ, ຄວາມໄວ້ເນື້ອເຊື່ອໃຈດ້ານການເມືອງ, ການຮ່ວມມືດ້ານເສດຖະກິດການຄ້າພ້ອມດ້ວຍການແລກປ່ຽນດ້ານວັດທະນະທຳລະຫວ່າງຈີນກັບອາຊຽນຈະເສີມຂະຫຍາຍບົດບາດສຳຄັນໃນການຊຸກຍູ້ໃຫ້ພາກພື້ນແຫ່ງນີ້ມີສັນຕິພາບແລະສະຖຽນລະພາບ, ແລະສ້າງພາກພື້ນແຫ່ງນີ້ໃຫ້ເປັນຫົວຈັກຕົ້ນຕໍໃນການຊຸກຍູ້ການເຕີບໂຕດ້ານເສດຖະກິດຂອງໂລກ.
ກ່ຽວກັບການເພີ່ມທະວີການຂະຫຍາຍຕົວຂອງການພົວພັນລະຫວ່າງຈີນກັບອາຊຽນ, ທ່ານຫວາງອີ້ ລັດຖະມົນຕີວ່າການກະຊວງການຕ່າງປະເທດຈີນທີ່ໄດ້ເຂົ້າຮ່ວມກອງປະຊຸມໃນຄັ້ງນີ້ກ່າວວ່າ, ຈີນໄດ້ຖືອາຊຽນເປັນທິດສຳຄັນອັນດັບໜຶ່ງແລະທິດບູລິມະສິດໃນດ້ານວຽກງານການຕ່າງປະເທດຂອງຈີນມາໂດຍຕະຫຼອດ. ເມື່ອຫວນຄືນ10ປີທີ່ຜ່ານມານີ້, ພື້ນຖານສຳຄັນທີ່ສຸດແຫ່ງການພັດທະນາການພົວພັນຈີນ-ອາຊຽນແມ່ນພວກເຮົາໄດ້ຮ່ວມກັນປົກປັກຮັກສາສັນຕິພາບແລະສະຖຽນລະພາບຂອງພາກພື້ນ, ຄວາມຮັບຮູ້ທີ່ເປັນເອກະສັນກັນທີ່ສຳຄັນທີ່ສຸດແມ່ນພວກເຮົາຍິນດີຜ່ານການຮ່ວມມືເພື່ອເລັ່ງລັດບັນລຸການພັດທະນາຮ່ວມກັນ, ບົດຮຽນທີ່ສຳຄັນທີ່ສຸດແມ່ນຍຶດໝັ້ນໃນ "ຮູບແບບອາຊີ"ແລະ "ຮູບແບບອາຊຽນ" ຢ່າງສະໝີຕົ້ນສະເໝີປາຍ, ຜ່ານຈາກການປຶກສາຫາລືກັນຢ່າງມີໄມຕີຈິດມະຕິດພາບແລະການສົນທະນາຢ່າງສະເໝີພາບເພື່ອແກ້ໄຂຄວາມຂັດແຍ່ງກັນ.
ມັນບໍ່ສາມາດປະຕິເສດໄດ້ວ່າ, ໃນຂະບວນການພັດທະນາການພົວພັນລະຫວ່າງຈີນກັບອາຊຽນກໍ່ມີປັດໄຈທີ່ບໍ່ແນ່ນອນແຝງຊ້ອນຢູ່. ແຕ່ວ່າ ຜູ້ທີ່ເຂົ້າຮ່ວມກອງປະຊຸມລ້ວນແຕ່ເຫັນວ່າ, ນີ້ຈະບໍ່ກະທົບເຖິງສະພາບລວມແຫ່ງການພົວພັນລະຫວ່າງສອງຝ່າຍ. ທ່ານສຸລາພົງ ໂຕວິຈັກໄຊກູນ ຮອງນາຍົກລັດຖະມົນຕີທັງເປັນລັດຖະມົນຕີວ່າການກະຊວງການຕ່າງປະເທດໄທກ່າວວ່າ, ເຖິງວ່າຈີນກັບບາງປະເທດອາຊຽນກຳລັງປະເຊີນກັບຄວາມຂັດແຍ່ງກັນດ້ານນ່ານທະເລກໍ່ຕາມ, ແຕ່ວ່າການປົກປັກຮັກສາສະພາບແວດລ້ອມພາຍນອກຂອງສັນຕິພາບແມ່ນເປົ້າໝາຍຮ່ວມຂອງສອງຝ່າຍ.
ຫົວໜ້າສູນຄົ້ນຄວ້າອາຊຽນຂອງມະຫາວິທະຍາໄລທຳມະສາດຂອງໄທກ່າວວ່າ, ບັນຫາທະເລຈີນໃຕ້ຍາກທີ່ຈະໃຫ້ຄົນລຸ້ນໜຶ່ງແກ້ໄຂໃຫ້ໄດ້, ມັນສາມາດໃຫ້ຄົນລຸ້ນຫຼັງແກ້ໄຂ, ແຕ່ຄວນພະຍາຍາມຊອກຫາວິທີແກ້ໄຂໃຫ້ໄດ້, ບໍ່ຄວນໃຫ້ຄວາມຂັດແຍ່ງແຜ່ຂະຫຍາຍກວ້າງອອກ,ແລະທຳລາຍການຮ່ວມມືລະຫວ່າງຈີນກັບອາຊຽນແລະຄວາມຮູ້ສຶກທີ່ດີລະຫວ່າງສອງຝ່າຍທີ່ມີຢູ່ແລ້ວ.
ເລຂາວຽກງານແຫ່ງລັດຂອງກະຊວງການຕ່າງປະເທດແລະການຮ່ວມມືສາກົນຂອງກຳປູເຈຍກ່າວວ່າ, ເຖິງວ່າບັນຫາທະເລຈີນໃຕ້ມີຄວາມລະອຽດອ່ອນແລະຄວາມສັບສົນ, ຝ່າຍຕ່າງໆຍັງມີຄວາມເຂົ້າໃຈຜິດໃນບັນຫາຈຳນວນໜຶ່ງກໍ່ຕາມ, ແຕ່ຫວັງວ່າບັນຫາທະເລຈີນໃຕ້ຈະບໍ່ກະທົບເຖິງຂະບວນການຮ່ວມມືລະຫວ່າງຈີນກັບອາຊຽນ.
ກ່ຽວກັບການເພີ່ມທະວີການຂະຫຍາຍຕົວຂອງການພົວພັນລະຫວ່າງຈີນກັບອາຊຽນ, ທ່ານຫວາງອີ້ ລັດຖະມົນຕີວ່າການກະຊວງການຕ່າງປະເທດຈີນທີ່ໄດ້ເຂົ້າຮ່ວມກອງປະຊຸມໃນຄັ້ງນີ້ກ່າວວ່າ, ຈີນໄດ້ຖືອາຊຽນເປັນທິດສຳຄັນອັນດັບໜຶ່ງແລະທິດບູລິມະສິດໃນດ້ານວຽກງານການຕ່າງປະເທດຂອງຈີນມາໂດຍຕະຫຼອດ. ເມື່ອຫວນຄືນ10ປີທີ່ຜ່ານມານີ້, ພື້ນຖານສຳຄັນທີ່ສຸດແຫ່ງການພັດທະນາການພົວພັນຈີນ-ອາຊຽນແມ່ນພວກເຮົາໄດ້ຮ່ວມກັນປົກປັກຮັກສາສັນຕິພາບແລະສະຖຽນລະພາບຂອງພາກພື້ນ, ຄວາມຮັບຮູ້ທີ່ເປັນເອກະສັນກັນທີ່ສຳຄັນທີ່ສຸດແມ່ນພວກເຮົາຍິນດີຜ່ານການຮ່ວມມືເພື່ອເລັ່ງລັດບັນລຸການພັດທະນາຮ່ວມກັນ, ບົດຮຽນທີ່ສຳຄັນທີ່ສຸດແມ່ນຍຶດໝັ້ນໃນ "ຮູບແບບອາຊີ"ແລະ "ຮູບແບບອາຊຽນ" ຢ່າງສະໝີຕົ້ນສະເໝີປາຍ, ຜ່ານຈາກການປຶກສາຫາລືກັນຢ່າງມີໄມຕີຈິດມະຕິດພາບແລະການສົນທະນາຢ່າງສະເໝີພາບເພື່ອແກ້ໄຂຄວາມຂັດແຍ່ງກັນ.
ມັນບໍ່ສາມາດປະຕິເສດໄດ້ວ່າ, ໃນຂະບວນການພັດທະນາການພົວພັນລະຫວ່າງຈີນກັບອາຊຽນກໍ່ມີປັດໄຈທີ່ບໍ່ແນ່ນອນແຝງຊ້ອນຢູ່. ແຕ່ວ່າ ຜູ້ທີ່ເຂົ້າຮ່ວມກອງປະຊຸມລ້ວນແຕ່ເຫັນວ່າ, ນີ້ຈະບໍ່ກະທົບເຖິງສະພາບລວມແຫ່ງການພົວພັນລະຫວ່າງສອງຝ່າຍ. ທ່ານສຸລາພົງ ໂຕວິຈັກໄຊກູນ ຮອງນາຍົກລັດຖະມົນຕີທັງເປັນລັດຖະມົນຕີວ່າການກະຊວງການຕ່າງປະເທດໄທກ່າວວ່າ, ເຖິງວ່າຈີນກັບບາງປະເທດອາຊຽນກຳລັງປະເຊີນກັບຄວາມຂັດແຍ່ງກັນດ້ານນ່ານທະເລກໍ່ຕາມ, ແຕ່ວ່າການປົກປັກຮັກສາສະພາບແວດລ້ອມພາຍນອກຂອງສັນຕິພາບແມ່ນເປົ້າໝາຍຮ່ວມຂອງສອງຝ່າຍ.
ຫົວໜ້າສູນຄົ້ນຄວ້າອາຊຽນຂອງມະຫາວິທະຍາໄລທຳມະສາດຂອງໄທກ່າວວ່າ, ບັນຫາທະເລຈີນໃຕ້ຍາກທີ່ຈະໃຫ້ຄົນລຸ້ນໜຶ່ງແກ້ໄຂໃຫ້ໄດ້, ມັນສາມາດໃຫ້ຄົນລຸ້ນຫຼັງແກ້ໄຂ, ແຕ່ຄວນພະຍາຍາມຊອກຫາວິທີແກ້ໄຂໃຫ້ໄດ້, ບໍ່ຄວນໃຫ້ຄວາມຂັດແຍ່ງແຜ່ຂະຫຍາຍກວ້າງອອກ,ແລະທຳລາຍການຮ່ວມມືລະຫວ່າງຈີນກັບອາຊຽນແລະຄວາມຮູ້ສຶກທີ່ດີລະຫວ່າງສອງຝ່າຍທີ່ມີຢູ່ແລ້ວ.
ເລຂາວຽກງານແຫ່ງລັດຂອງກະຊວງການຕ່າງປະເທດແລະການຮ່ວມມືສາກົນຂອງກຳປູເຈຍກ່າວວ່າ, ເຖິງວ່າບັນຫາທະເລຈີນໃຕ້ມີຄວາມລະອຽດອ່ອນແລະຄວາມສັບສົນ, ຝ່າຍຕ່າງໆຍັງມີຄວາມເຂົ້າໃຈຜິດໃນບັນຫາຈຳນວນໜຶ່ງກໍ່ຕາມ, ແຕ່ຫວັງວ່າບັນຫາທະເລຈີນໃຕ້ຈະບໍ່ກະທົບເຖິງຂະບວນການຮ່ວມມືລະຫວ່າງຈີນກັບອາຊຽນ.
