ທ່ານອະພິສິດ ເວດຊາຊີວະ ອະດີດນາຍົກລັດຖະມົນຕີໄທຈະຖືກກ່າວຟ້ອງໃນຂໍ້ຫາລອບຄາດຕະກຳ
(GMT+08:00) 2013-08-07 11:41:42 cri
ກົມສອບສວນຄະດີພິເສດກະຊວງຍຸດຕິທຳໄທປະກາດໃນວັນທີ 6 ສິງຫານີ້ວ່າ, ທ່ານອະພິສິດ ເວດຊາຊີວະ ອະດີດນາຍົກລັດຖະມົນຕີ ແລະທ່ານສຸເທບ ເທືອກສຸບັນ ອະດີດຮອງນາຍົກລັດຖະມົນຕີຖືກສົງໃສໃນການສັ່ງໃຫ້ກອງທັບປາບປາມການໂຮມຊຸມນຸມປະທ້ວງຂອງປະຊາຊົນໃນໄລຍະເຫດການໂຮມຊຸມນຸມປະທ້ວງລັດຖະບານເມື່ອປີ2010 ຊຶ່ງເຮັດໃຫ້ມີປະຊາຊົນເສຍຊີວິດ 6 ຄົນ. ກົມສອບສວນຄະດີພິເສດຈະກ່າວຟ້ອງສອງຄົນດັ່ງກ່າວນີ້ໃນຂໍ້ຫາລອບຄາດຕະກຳ.
ວັນທີ 6 ສິງຫານີ້, ສານອາຍາເຂດໃຕ້ນະຄອນຫຼວງບາງກອກໄດ້ມີຄຳຕັດສິນໂດຍຢືນຢັນວ່າ ຕອນຄ່ຳວັນທີ 19 ພຶດສະພາປີ2010, ປະຊາຊົນຜູ້ບໍ່ມີອາວຸດ 6 ຄົນຖືກທະຫານຍິງເສຍຊີວິດຢູ່ນະຄອນຫຼວງບາງກອກ.
ກ່ຽວກັບຄຳຕັດສິນດັ່ງກ່າວຂອງສານອາຍາ, ເຈົ້າໜ້າທີ່ຮັບຜິດຊອບກົມສອບສວນຄະດີພິເສດກະຊວງຍຸດຕິທຳໄທກ່າວວ່າ, ກົມສອບສວນຄະດີພິເສດຈະກ່າວຟ້ອງທ່ານອະພິສິດແລະທ່ານສຸເທບໃນຂໍ້ຫາລອບຄາດຕະກຳ, ແຕ່ຈະບໍ່ກ່າວຟ້ອງທະຫານ,ເພາະວ່າທະຫານພຽງແຕ່ປະຕິບັດຕາມຄຳສັ່ງເທົ່ານັ້ນ.
ທ່ານອະພິສິດແລະທ່ານສຸເທບລ້ວນແຕ່ໄດ້ປະຕິເສດຂໍ້ກ່າວຫາດັ່ງກ່າວນີ້.
ວັນທີ 6 ສິງຫານີ້, ສານອາຍາເຂດໃຕ້ນະຄອນຫຼວງບາງກອກໄດ້ມີຄຳຕັດສິນໂດຍຢືນຢັນວ່າ ຕອນຄ່ຳວັນທີ 19 ພຶດສະພາປີ2010, ປະຊາຊົນຜູ້ບໍ່ມີອາວຸດ 6 ຄົນຖືກທະຫານຍິງເສຍຊີວິດຢູ່ນະຄອນຫຼວງບາງກອກ.
ກ່ຽວກັບຄຳຕັດສິນດັ່ງກ່າວຂອງສານອາຍາ, ເຈົ້າໜ້າທີ່ຮັບຜິດຊອບກົມສອບສວນຄະດີພິເສດກະຊວງຍຸດຕິທຳໄທກ່າວວ່າ, ກົມສອບສວນຄະດີພິເສດຈະກ່າວຟ້ອງທ່ານອະພິສິດແລະທ່ານສຸເທບໃນຂໍ້ຫາລອບຄາດຕະກຳ, ແຕ່ຈະບໍ່ກ່າວຟ້ອງທະຫານ,ເພາະວ່າທະຫານພຽງແຕ່ປະຕິບັດຕາມຄຳສັ່ງເທົ່ານັ້ນ.
ທ່ານອະພິສິດແລະທ່ານສຸເທບລ້ວນແຕ່ໄດ້ປະຕິເສດຂໍ້ກ່າວຫາດັ່ງກ່າວນີ້.
