ເຫດການນ້ຳມັນດິບຮົ່ວໄຫຼລົງທະເລຂອງໄທເຮັດໃຫ້ສິ່ງທີ່ມີຊີວິດໃນທະເລຕາຍໄປຈຳນວນຫຼວງຫຼາຍ
(GMT+08:00) 2013-08-09 12:33:47 cri
ຕາມສື່ມວນຊົນໄທລາຍງານໃນວັນທີ 8 ສິງຫານີ້ວ່າ, ພາຍຫຼັງຫຼາຍອົງການຂອງໄທໄດ້ສຳຫຼວດກວດກາເຂດທະເລທີ່ໃກ້ສະຖານທີ່ເກີດເຫດນ້ຳມັນດິບຮົ່ວໄຫຼໃນເມື່ອມໍ່ໆມານີ້ແລ້ວພົບວ່າ, ຫີນປະກາລັງທີ່ຢູ່ເຂດທະເລຕື້ນໃນຂອບເຂດກວ້າງຂວາງໄດ້ຖືກປົນເປື້ອນຈາກນ້ຳມັນດິບທີ່ຮົ່ວໄຫຼລົງທະເລ,ສິ່ງທີ່ມີຊີວິດໃນທະເລໄດ້ຕາຍໄປແລ້ວ10%ຫາ20%.
ຕາມບົດລາຍງານສະບັບໜຶ່ງຂອງກົມຊັບພະຍາກອນທະເລແລະຫີນປະກາລັງກະຊວງຊັບພະຍາກອນທຳມະຊາດແລະສິ່ງແວດລ້ອມໄທໃຫ້ຮູ້ວ່າ, ນ້ຳມັນດິບທີ່ຮົ່ວໄຫຼລົງທະເລເມື່ອໄຫຼໄປເຖິງຝັ່ງທາງທິດຕາເວັນຕົກຂອງເກາະສະເມັດແລ້ວ, ອົງການດັ່ງກ່າວໄດ້ຮຽກໂຮມຊ່ຽວຊານຕ່າງໆປະກອບສ້າງຕັ້ງໜ່ວຍສຳຫຼວດແລ້ວເດີນທາງໄປກວດກາສະພາບຂອງຫີນປະກາລັງຈຳນວນ11ແຫ່ງທີ່ຢູ່ເຂດທະເລຕື້ນບໍລິເວນອ້ອມແອ້ມເກາະສະເມັດ. ຕາມຜົນການກວດກາໃນເບື້ອງຕົ້ນສະແດງໃຫ້ເຫັນວ່າ, ເຂດທະເລຕື້ນສ່ວນໃຫຍ່ໄດ້ຖືກມົນລະພິດຈາກນ້ຳມັນດິບທີ່ຮົ່ວໄຫຼແລ້ວ, ສິ່ງທີ່ມີຊີວິດໃນທະເລຈຳນວນ10%ຫາ20%ໂດຍສະເພາະແມ່ນປູ, ຫອຍທະເລແລະອື່ນໆໄດ້ຕາຍໄປຈຳນວນຫຼວງຫຼາຍ. ຕາມບົດລາຍງານຂຽນວ່າ, ພາຍໃນ1ປີຕໍ່ໜ້ານີ້, ໜ່ວຍສຳຫຼວດດັ່ງກ່າວຍັງຈະເຝົ້າຕິດຕາມເຂດທະເລນີ້ຢ່າງຕໍ່ເນື່ອງເພື່ອວິເຄາະຜົນສະທ້ອນໄລຍະກາງແລະຍາວຂອງເຫດການນ້ຳມັນດິບຮົ່ວໄຫຼທີ່ມີຕໍ່ລະບົບນິເວດທາງທະເລ.
ຕາມບົດລາຍງານສະບັບໜຶ່ງຂອງກົມຊັບພະຍາກອນທະເລແລະຫີນປະກາລັງກະຊວງຊັບພະຍາກອນທຳມະຊາດແລະສິ່ງແວດລ້ອມໄທໃຫ້ຮູ້ວ່າ, ນ້ຳມັນດິບທີ່ຮົ່ວໄຫຼລົງທະເລເມື່ອໄຫຼໄປເຖິງຝັ່ງທາງທິດຕາເວັນຕົກຂອງເກາະສະເມັດແລ້ວ, ອົງການດັ່ງກ່າວໄດ້ຮຽກໂຮມຊ່ຽວຊານຕ່າງໆປະກອບສ້າງຕັ້ງໜ່ວຍສຳຫຼວດແລ້ວເດີນທາງໄປກວດກາສະພາບຂອງຫີນປະກາລັງຈຳນວນ11ແຫ່ງທີ່ຢູ່ເຂດທະເລຕື້ນບໍລິເວນອ້ອມແອ້ມເກາະສະເມັດ. ຕາມຜົນການກວດກາໃນເບື້ອງຕົ້ນສະແດງໃຫ້ເຫັນວ່າ, ເຂດທະເລຕື້ນສ່ວນໃຫຍ່ໄດ້ຖືກມົນລະພິດຈາກນ້ຳມັນດິບທີ່ຮົ່ວໄຫຼແລ້ວ, ສິ່ງທີ່ມີຊີວິດໃນທະເລຈຳນວນ10%ຫາ20%ໂດຍສະເພາະແມ່ນປູ, ຫອຍທະເລແລະອື່ນໆໄດ້ຕາຍໄປຈຳນວນຫຼວງຫຼາຍ. ຕາມບົດລາຍງານຂຽນວ່າ, ພາຍໃນ1ປີຕໍ່ໜ້ານີ້, ໜ່ວຍສຳຫຼວດດັ່ງກ່າວຍັງຈະເຝົ້າຕິດຕາມເຂດທະເລນີ້ຢ່າງຕໍ່ເນື່ອງເພື່ອວິເຄາະຜົນສະທ້ອນໄລຍະກາງແລະຍາວຂອງເຫດການນ້ຳມັນດິບຮົ່ວໄຫຼທີ່ມີຕໍ່ລະບົບນິເວດທາງທະເລ.
