ຊ່ຽວຊານດ້ານເສດຖະກິດຂອງກຸ່ມທະນາຄານສວິສເຫັນວ່າ, ຢູ່ເບື້ອງຫຼັງຂອງເສດຖະກິດຈີນເຕີບໂຕຊ້າລົງນັ້ນແມ່ນການຫັນປ່ຽນຮູບການພັດທະນາຢ່າງມີຄວາມໝາຍເລິກເຊິ່ງຍາວໄກ
(GMT+08:00) 2013-08-13 16:47:46 cri
ໜັງສືພິມເຢິນມິນຢື້ປ້າວຂອງຈີນສະບັບວັນທີ 13 ສິງຫານີ້ໄດ້ລົງພິມບົດຄວາມຂອງທ່ານຈອດຈ໌ ມັກນັສ ທີ່ປຶກສາດ້ານເສດຖະກິດອິດສະຫຼະລະດັບສູງຂອງກຸ່ມທະນາຄານສວິສປະຈຳລອນດອນໂດຍຂຽນວ່າ, ຢູ່ເບື້ອງຫຼັງທີ່ເສດຖະກິດຈີນເຕີບໂຕຊ້າລົງນັ້ນແມ່ນການຫັນປ່ຽນຮູບການພັດທະນາຢ່າງມີຄວາມໝາຍເລິກເຊິ່ງຍາວໄກ, ຄືຫັນໄປສູ່ການເຕີບໂຕຢ່າງດຸນດ່ຽງ, ນີ້ຈະເພີ່ມພະລັງແຮງຊຸກຍູ້ໃຫ້ເສດຖະກິດຈີນເຕີບໂຕຂຶ້ນແລະເຮັດໃຫ້ເສດຖະກິດທົ່ວໂລກໄດ້ຮັບຜົນປະໂຫຍດນຳ.
ບົດຄວາມຂອງທ່ານມັກນັສໄດ້ຂຽນວ່າ, ພາຍຫຼັງໄດ້ເຕີບໃຫຍ່ຂະຫຍາຍຕົວຢ່າງວ່ອງໄວໃນລະດັບຫຼາຍກວ່າ10%ເປັນເວລາຫຼາຍປີຜ່ານມາແລ້ວ, ການເຕີບໂຕດ້ານເສດຖະກິດຂອງຈີນໄດ້ຊ້າລົງມັນບໍ່ແມ່ນເລື່ອງທີ່ບໍ່ດີແຕ່ຢ່າງໃດ, ຄວາມຈິງແລ້ວ, ນີ້ໄດ້ເຮັດໃຫ້ເສດຖະກິດໄດ້ມີການພັດທະນາຢ່າງມີຄວາມຍືນຍົງຫຼາຍກວ່າ, ແລະເຮັດໃຫ້ຄວາມຕ້ອງການລວມເຕີບໂຕຢ່າງໜັກແໜ້ນກວ່າເກົ່າ. ນີ້ບໍ່ພຽງແຕ່ເຮັດໃຫ້ຈີນໄດ້ຮັບຜົນປະໂຫຍດເທົ່ານັ້ນ, ແລະຍັງຈະເຮັດໃຫ້ທົ່ວໂລກໄດ້ຮັບຜົນປະໂຫຍດນຳອີກ, ເພາະວ່າ ຄວາມຕ້ອງການດ້ານການນຳເຂົ້າສິນຄ້າຂອງຈີນຈະເພີ່ມຫຼາຍຂຶ້ນກວ່າເກົ່າ, ສະພາບໃໝ່ແຫ່ງການນຳເຂົ້າສິນຄ້າແລະການບໍລິການທີ່ຊຸກຍູ້ຈາກຄວາມຕ້ອງການໃນຂົງເຂດບໍລິໂພກທີ່ມີຄວາມສຳຄັນຫຼາຍກວ່າເກົ່ານັ້ນກຳລັງຈໍ່ຕົວຂຶ້ນຢູ່ຈີນ.
ບົດຄວາມຂອງທ່ານມັກນັສໄດ້ຂຽນວ່າ, ພາຍຫຼັງໄດ້ເຕີບໃຫຍ່ຂະຫຍາຍຕົວຢ່າງວ່ອງໄວໃນລະດັບຫຼາຍກວ່າ10%ເປັນເວລາຫຼາຍປີຜ່ານມາແລ້ວ, ການເຕີບໂຕດ້ານເສດຖະກິດຂອງຈີນໄດ້ຊ້າລົງມັນບໍ່ແມ່ນເລື່ອງທີ່ບໍ່ດີແຕ່ຢ່າງໃດ, ຄວາມຈິງແລ້ວ, ນີ້ໄດ້ເຮັດໃຫ້ເສດຖະກິດໄດ້ມີການພັດທະນາຢ່າງມີຄວາມຍືນຍົງຫຼາຍກວ່າ, ແລະເຮັດໃຫ້ຄວາມຕ້ອງການລວມເຕີບໂຕຢ່າງໜັກແໜ້ນກວ່າເກົ່າ. ນີ້ບໍ່ພຽງແຕ່ເຮັດໃຫ້ຈີນໄດ້ຮັບຜົນປະໂຫຍດເທົ່ານັ້ນ, ແລະຍັງຈະເຮັດໃຫ້ທົ່ວໂລກໄດ້ຮັບຜົນປະໂຫຍດນຳອີກ, ເພາະວ່າ ຄວາມຕ້ອງການດ້ານການນຳເຂົ້າສິນຄ້າຂອງຈີນຈະເພີ່ມຫຼາຍຂຶ້ນກວ່າເກົ່າ, ສະພາບໃໝ່ແຫ່ງການນຳເຂົ້າສິນຄ້າແລະການບໍລິການທີ່ຊຸກຍູ້ຈາກຄວາມຕ້ອງການໃນຂົງເຂດບໍລິໂພກທີ່ມີຄວາມສຳຄັນຫຼາຍກວ່າເກົ່ານັ້ນກຳລັງຈໍ່ຕົວຂຶ້ນຢູ່ຈີນ.
