ທ່ານຟຼາດີມີ ປູຕິນ ປະທານາທິບໍດີຣັດເຊຍຕ້ອນຮັບການເຂົ້າພົບທ່ານຢາງເຈຍຊີ
ຕາມຂ່າວສານຊິນຮວາ: ວັນທີ16 ສິງຫານີ້, ທ່ານປູຕິນ ປະທານາທິບໍດີຣັດເຊຍໄດ້ຕ້ອນຮັບການເຂົ້າພົບຂອງທ່ານຢາງເຈຍຊີ ທີ່ເປິກສາແຫ່ງລັດຈີນຢູ່ໂຊຈີ.
ທ່ານປູຕິນກ່າວວ່າ, ຂ້າພະເຈົ້າກັບທ່ານປະທານຊີຈີ້ນພິງໄດ້ຕົກລົງກັນຢ່າງເປັນເອກະສັນກັນ, ຈະອອກແຮງສຸດຂີດຊຸກຍູ້ການພົວພັນລະຫວ່າງຣັດເຊຍກັບຈີນຂຶ້ນສູ່ລະດັບສູງກວ່າເກົ່າ. ຝ່າຍຣັດເຊຍມີຄວາມປະຖາໜາແລະຄວາມໝັ້ນໃຈພ້ອມກັບຝ່າຍຈີນ, ຈັດຕັ້ງປະຕິບັດແຜນການຂະຫຍາຍການພົວພັນສອງປະເທດຢ່າງຮອບດ້ານ, ຮັກສາໃຫ້ຜູ້ນຳຂັ້ນສູງໄປມາຫາສູ່ກັນຢ່າງສະໜິດແໜ້ນ, ລົງເລິກການຮ່ວມມືທີ່ຕິດແທດຕົວຈິງ, ເພີ່ມທະວີການສື່ສານແລະປະສານງານໃນວຽກງານສາກົນ, ຮ່ວມກັນຮັກສາສັນຕິພາບແລະສະຖຽນລະພາບຂອງໂລກແລະພາກພື້ນ.
ທ່ານຢາງເຈຍຊີກ່າວວ່າ, ເດືອນມີນາປີນີ້, ທ່ານປະທານຊີຈີ້ນພິງໄດ້ຢ້ຽມຢາມຣັດເຊຍທາງລັດຖະກິດຢ່າງສຳເລັດຜົນ, ໄດ້ຮ່ວມກັນກັບທ່ານປະທານາທິບໍດີປູຕິນວາງທິດການຂະຫຍາຍຕົວຂອງໃຫຍ່ທີ່ການພົວພັນລະຫວ່າງສອງປະເທດ, ການພົວພັນລະຫວ່າງຈີນຣັດເຊຍສືບຕໍ່ຂະຫຍາຍຕົວຢ່າງຮອບດ້ານ. ຝ່າຍຈີນເອົາໃຈໃສ່ໃນລະດັບສູງນຳທ່ານປະທານຊີຈີ້ນພິງເຂົ້າຮ່ວມກອງປະຊຸມສຸດຍອດG20 ທີ່ ເຊັນ ປີເຕີເປີກແລະຈະພົບປະເຈລະຈາກັບທ່ານປະທານາທິບໍດີຟູຕິນ, ເຊື່ອວ່າພາຍໃຕ້ການນຳພາຂອງປະມຸກລັດທັງສອງປະເທດ, ການພົວພັນໝູ່ຄູ່ປະສານງານຍຸດທະສາດຮອບດ້ານຈີນຣັດເຊຍຍ່ອມຈະຂະຫຍາຍຕົວໄປໜ້າຢ່າງບໍ່ຢຸດຢັ້ງ.
