ທ່ານລິວຈ້ຽນຊ່າວ ເອກອັກຄະລັດຖະທູດຈີນປະຈຳອິນໂດເນເຊຍອວຍພອນວັນເອກະລາດອິໂດເນເຊຍຄົບຮອບ 68ປີ
ວັນທີ17 ສິງຫານີ້, ທ່ານລິວຈ້ຽນຊ່າວ ເອກອັກຄະລັດຖະທູດຈີນປະຈຳອິນໂດເນເຊຍສະແດງຄວາມອວຍພອນຢ່າງສຸດອົກສຸດໃຈຕໍ່ສາທາລະນະລັດອິນໂດເນເຊຍປະກາດເປັນເອກະລາດຄົບຮອບ 68 ປີໂດຍຜ່ານໂທລະພາບແຫ່ງຊາດອິນໂດເນເຊຍ.
ໃນເວລາໃຫ້ສຳພາບຕໍ່ໂທລະພາບແຫ່ງຊາດອິນໂດເນເຊຍ, ທ່ານລິວຈ້ຽນຊ່າວກ່າວວ່າ, ວັນທີ17 ສິງຫາປີ 1945, ປະຊາຊົນອິນໂດເນເຊຍໄດ້ເປັນເອກະລາດ. ໃນ 68ປີທີ່ຜ່ານມາ, ອິນໂດເນເຊຍໄດ້ຮັບຜົນສຳເລັດການສ້າງສາອັນຍິ່ງໃຫຍ່, ໂດຍສະເພາະແມ່ນພາຍຫຼັງປ່ຽນແບບໃນປີ 1998, ສັງຄົມສະຫງົບດີ, ຊົນເຜົ່າປອງດອງກັນ, ເສດຖະກິດພັດທະນາ, ປະຊາຊົນມີຄວາມສຸກ, ຖານະແລະບົດບາດໃນວຽກງານພາກພື້ນແລະສາກົນໄດ້ຍົກສູງຂຶ້ນຢ່າງເດັ່ນຊັດ.
ທ່ານລິວຈ້ຽນຊ່າວກ່າວວ່າ, ປະຊາກອນຂອງຈີນກັບອິນໂດເນເຊຍລວມໃສ່ກັນແລ້ວມີ 1 ຕື້ 600 ລ້ານຄົນ, ກວມປະມານ 25% ຂອງທົ່ວໂລກ. ປະຊາຊົນສອງຊາດຄວາມຝັນຮ່ວມກັນ, ກໍ່ແມ່ນສະແຫວງຫາຊີວິດທີ່ມີຄວາມສຸກດີງາມ. ປະຊາຊົນຈີນຍິນດີບັນລຸຄວາມຝັນຮ່ວມກັບປະຊາຊົນອິນໂດເນເຊຍ. ອວຍພອນຈີນກັບອິນໂດເນເຊຍຈະເລີນຮຸ່ງເຮືອງແລະມັ່ງຄັ່ງເຂັ້ມແຂງກວ່າເກົ່າ. ອວຍພອນໃຫ້ມິດຕະພາບລະຫວ່າງປະຊາຊົນຈີນແລະອິນໂດເນເຊຍຈົ່ງຊົ່ວກາລະນານ.
