ລັດຖະມົນຕີການຕ່າງປະເທດຈີນກ່າວວ່າການພັດທະນາຂອງຈີນເປັນການເສີມສ້າງກຳລັງສັນຕິພາບຂອງໂລກ
(GMT+08:00) 2013-08-20 14:54:46 cri
ວັນທີ 19 ສິງຫານີ້, ຢູ່ນະຄອນຫຼວງອັສທານາຂອງກາຊັກສະຖານ, ທ່ານຫວາງອີ້ ລັດຖະມົນຕີວ່າການກະຊວງການຕ່າງປະເທດຈີນໄດ້ພົບປະເຈລະຈາກັບທ່ານ ເອີລານ ອີດຼີຊົຟ ລັດຖະມົນຕີວ່າການກະຊວງການຕ່າງປະເທດກາຊັກສະຖານ.
ທ່ານຫວາງອີ້ກ່າວວ່າ, ຈີນແມ່ນປະເທດໃຫຍ່ທີ່ກຳລັງພັດທະນາ, ຈີນຈະສຸມກຳລັງຕົ້ນຕໍເຂົ້າໃນການພັດທະນາຂອງຕົນ. ພ້ອມດຽວກັນນັ້ນ, ໃນຖານະເປັນປະເທດສະມາຊິກຖາວອນຂອງສະພາຄວາມໝັ້ນຄົງອົງການສະຫະປະຊາຊາດ, ຈີນໄດ້ຮັບຮູ້ເຖິງພັນທະໜ້າທີ່ສາກົນຂອງຕົນ, ຈີນຍິນດີຫາບແບກພາລະໜ້າທີ່ຂອງຕົນໃນການປົກປັກຮັກສາສັນຕິພາບແລະການພັດທະນາຂອງໂລກ. ການພັດທະນາຂອງຈີນເປັນການເສີມສ້າງກຳລັງສັນຕິພາບຂອງໂລກ. ພວກຂ້າພະເຈົ້າຈະຍຶດຖືຄວາມຍຸດຕິທຳແລະຄວາມເປັນທຳໃນວຽກງານສາກົນ, ປົກປັກຮັກສາວັດຖຸປະສົງຂອງກົດບັດສະຫະປະຊາຊາດແລະຫຼັກການພື້ນຖານຂອງການພົວພັນລະຫວ່າງຊາດ, ພວກຂ້າພະເຈົ້າຈະຊຸກຍູ້ການພົວພັນລະຫວ່າງຊາດໃຫ້ຫັນເປັນແບບປະຊາທິປະໄຕ, ຍຶດໝັ້ນຫຼັກການທີ່ວ່າປະເທດບໍ່ວ່ານ້ອຍໃຫຍ່ລ້ວນແຕ່ສະເໝີພາບກັນ, ພວກຂ້າພະເຈົ້າຈະເດັດດ່ຽວປົກປັກຮັກສາແລະພັດທະນາຜົນປະໂຫຍດທີ່ຊອບດ້ວຍກົດໝາຍຂອງປະເທດພວມພັດທະນາໃຫ້ດີ. ນີ້ກໍເປັນການສະແດງອອກເຖິງບົດບາດຂອງຈີນທີ່ເປັນປະເທດໃຫຍ່ທີ່ມີສີສັນພິເສດ.
ທ່ານອີດຼີຊົຟ ລັດຖະມົນຕີວ່າການກະຊວງການຕ່າງປະເທດກາຊັກສະຖານກ່າວວ່າ, ປະເທດອ້ອມຂ້າງຄອງຄອຍການພັດທະນາເຕີບໂຕຂອງຈີນ, ຫວັງວ່າຈີນຈະເສີມຂະຫຍາຍບົດບາດທີ່ສຳຄັນກວ່າເກົ່າໃນວຽກງານສາກົນແລະພາກພື້ນ.
ທ່ານຫວາງອີ້ກ່າວວ່າ, ຈີນແມ່ນປະເທດໃຫຍ່ທີ່ກຳລັງພັດທະນາ, ຈີນຈະສຸມກຳລັງຕົ້ນຕໍເຂົ້າໃນການພັດທະນາຂອງຕົນ. ພ້ອມດຽວກັນນັ້ນ, ໃນຖານະເປັນປະເທດສະມາຊິກຖາວອນຂອງສະພາຄວາມໝັ້ນຄົງອົງການສະຫະປະຊາຊາດ, ຈີນໄດ້ຮັບຮູ້ເຖິງພັນທະໜ້າທີ່ສາກົນຂອງຕົນ, ຈີນຍິນດີຫາບແບກພາລະໜ້າທີ່ຂອງຕົນໃນການປົກປັກຮັກສາສັນຕິພາບແລະການພັດທະນາຂອງໂລກ. ການພັດທະນາຂອງຈີນເປັນການເສີມສ້າງກຳລັງສັນຕິພາບຂອງໂລກ. ພວກຂ້າພະເຈົ້າຈະຍຶດຖືຄວາມຍຸດຕິທຳແລະຄວາມເປັນທຳໃນວຽກງານສາກົນ, ປົກປັກຮັກສາວັດຖຸປະສົງຂອງກົດບັດສະຫະປະຊາຊາດແລະຫຼັກການພື້ນຖານຂອງການພົວພັນລະຫວ່າງຊາດ, ພວກຂ້າພະເຈົ້າຈະຊຸກຍູ້ການພົວພັນລະຫວ່າງຊາດໃຫ້ຫັນເປັນແບບປະຊາທິປະໄຕ, ຍຶດໝັ້ນຫຼັກການທີ່ວ່າປະເທດບໍ່ວ່ານ້ອຍໃຫຍ່ລ້ວນແຕ່ສະເໝີພາບກັນ, ພວກຂ້າພະເຈົ້າຈະເດັດດ່ຽວປົກປັກຮັກສາແລະພັດທະນາຜົນປະໂຫຍດທີ່ຊອບດ້ວຍກົດໝາຍຂອງປະເທດພວມພັດທະນາໃຫ້ດີ. ນີ້ກໍເປັນການສະແດງອອກເຖິງບົດບາດຂອງຈີນທີ່ເປັນປະເທດໃຫຍ່ທີ່ມີສີສັນພິເສດ.
ທ່ານອີດຼີຊົຟ ລັດຖະມົນຕີວ່າການກະຊວງການຕ່າງປະເທດກາຊັກສະຖານກ່າວວ່າ, ປະເທດອ້ອມຂ້າງຄອງຄອຍການພັດທະນາເຕີບໂຕຂອງຈີນ, ຫວັງວ່າຈີນຈະເສີມຂະຫຍາຍບົດບາດທີ່ສຳຄັນກວ່າເກົ່າໃນວຽກງານສາກົນແລະພາກພື້ນ.
