ມະເລເຊຍແລະຟີລິບປິນເລີ່ມຍົກຍ້າຍປະຊາຊົນຂອງຕົນອອກຈາກເອຢິບ
(GMT+08:00) 2013-08-21 11:52:54 cri
ເນື່ອງຈາກວ່າ ສະຖານະການຢູ່ເອຢິບຮ້າຍແຮງລົງຢ່າງຕໍ່ເນື່ອງ, ວັນທີ 20 ສິງຫານີ້,ມະເລເຊຍແລະຟີລິບປິນໄດ້ປະກາດຂໍ້ຕົກລົງທີ່ຈະຍົກຍ້າຍປະຊາຊົນຂອງຕົນອອກຈາກເອຢິບໂດຍໄວ.
ວັນທີ 20 ສິງຫານີ້, ທ່ານນາຈິບ ນາຍົກລັດຖະມົນຕີມະເລເຊຍກ່າວວ່າ, ທ່ານໂມຮາເມັດດາຈູດີນ ເລຂາທິການສະພາຄວາມໝັ້ນຄົງແຫ່ງຊາດມະເລເຊຍທີ່ກຳລັງຢູ່ນະຄອນຫຼວງຂອງເອຢິບໃນປະຈຸບັນໄດ້ລາຍງານຕໍ່ທ່ານວ່າ, ສະຖານະການຢູ່ເອຢິບໃນປະຈຸບັນຍັງບໍ່ຈະແຈ້ງເທື່ອ,ໃນອະນາຄົດອາດຈະອັນຕະລາຍກວ່ານີ້ກໍ່ເປັນໄດ້, ທ່ານໂມຮາເມັດ ດາຈູດີນໄດ້ປຶກສາຫາລືກັບທ່ານທັນສະຣີ ມູຮີວດີນ ຮອງນາຍົກລັດຖະມົນຕີມະເລເຊຍແລ້ວ ແລະໄດ້ຕົກລົງຮັບເອົາຂໍ້ສະເໜີຈາກສະພາຄວາມໝັ້ນຄົງແຫ່ງຊາດ,ໂດຍຈະຍົກຍ້າຍນັກສຶກສາຈຳນວນ3300ຄົນທີ່ຍັງຢູ່ເອຢິບໃນປະຈຸບັນອອກຈາກປະເທດນີ້. ທ່ານຍັງໄດ້ເຊີນຊວນໃຫ້ປະຊາຊົນມະເລເຊຍທີ່ຢູ່ເອຢິບຄວນກັບຄືນປະເທດດ້ວຍຕົນເອງ.
ນອກນີ້, ທ່ານອັນເບີດ ເດວ ໂຣຊາຣີໂອ ລັດຖະມົນຕີວ່າການກະຊວງການຕ່າງປະເທດຟີລິບປິນກໍ່ໄດ້ປະກາດໃນວັນທີ 20 ສິງຫານີ້ເຊັ່ນກັນວ່າ, ຟີລິບປິນຕົກລົງບັງຄັບໃນການຍົກຍ້າຍປະຊາຊົນຟີລິບປິນ 6000ຄົນອອກຈາກເອຢິບ. ທ່ານກ່າວວ່າ, ເຈົ້າໜ້າທີ່ຟີລິບປິນໄດ້ຈັດຕັ້ງໜ່ວຍງານພິເສດຢູ່ນະຄອນຫຼວງເລີແກຂອງເອຢິບເພື່ອເລັ່ງລັດການຍົກຍ້າຍປະຊາຊົນອອກຈາກປະເທດນີ້ໂດຍໄວ.
ວັນທີ 20 ສິງຫານີ້, ທ່ານນາຈິບ ນາຍົກລັດຖະມົນຕີມະເລເຊຍກ່າວວ່າ, ທ່ານໂມຮາເມັດດາຈູດີນ ເລຂາທິການສະພາຄວາມໝັ້ນຄົງແຫ່ງຊາດມະເລເຊຍທີ່ກຳລັງຢູ່ນະຄອນຫຼວງຂອງເອຢິບໃນປະຈຸບັນໄດ້ລາຍງານຕໍ່ທ່ານວ່າ, ສະຖານະການຢູ່ເອຢິບໃນປະຈຸບັນຍັງບໍ່ຈະແຈ້ງເທື່ອ,ໃນອະນາຄົດອາດຈະອັນຕະລາຍກວ່ານີ້ກໍ່ເປັນໄດ້, ທ່ານໂມຮາເມັດ ດາຈູດີນໄດ້ປຶກສາຫາລືກັບທ່ານທັນສະຣີ ມູຮີວດີນ ຮອງນາຍົກລັດຖະມົນຕີມະເລເຊຍແລ້ວ ແລະໄດ້ຕົກລົງຮັບເອົາຂໍ້ສະເໜີຈາກສະພາຄວາມໝັ້ນຄົງແຫ່ງຊາດ,ໂດຍຈະຍົກຍ້າຍນັກສຶກສາຈຳນວນ3300ຄົນທີ່ຍັງຢູ່ເອຢິບໃນປະຈຸບັນອອກຈາກປະເທດນີ້. ທ່ານຍັງໄດ້ເຊີນຊວນໃຫ້ປະຊາຊົນມະເລເຊຍທີ່ຢູ່ເອຢິບຄວນກັບຄືນປະເທດດ້ວຍຕົນເອງ.
ນອກນີ້, ທ່ານອັນເບີດ ເດວ ໂຣຊາຣີໂອ ລັດຖະມົນຕີວ່າການກະຊວງການຕ່າງປະເທດຟີລິບປິນກໍ່ໄດ້ປະກາດໃນວັນທີ 20 ສິງຫານີ້ເຊັ່ນກັນວ່າ, ຟີລິບປິນຕົກລົງບັງຄັບໃນການຍົກຍ້າຍປະຊາຊົນຟີລິບປິນ 6000ຄົນອອກຈາກເອຢິບ. ທ່ານກ່າວວ່າ, ເຈົ້າໜ້າທີ່ຟີລິບປິນໄດ້ຈັດຕັ້ງໜ່ວຍງານພິເສດຢູ່ນະຄອນຫຼວງເລີແກຂອງເອຢິບເພື່ອເລັ່ງລັດການຍົກຍ້າຍປະຊາຊົນອອກຈາກປະເທດນີ້ໂດຍໄວ.
