ສອງກອງທັບເຮືອຈີນອາເມລິກາຈັດການຊ້ອມຮົບຮ່ວມຕ້ານໂຈນສະຫຼັດຢູ່ເຂດທະເລອ່າວອາເດັນ
(GMT+08:00) 2013-08-26 16:39:14 cri
ວັນທີ 24 ຫາວັນທີ 25ສິງຫານີ້, ກອງກຳປັ່ນປ້ອງກັນການເດີນເຮືອຊຸດທີ 14 ຂອງກອງທັບເຮືອຈີນແລະກຳປັ່ນຕໍ່ຕ້ານທີ່ຕິດຕັ້ງລູກສອນໄຟນຳວິຖີທີ່ມີຊື່ວ່າ "Mason"ຂອງກອງທັບເຮືອອາເມລິກາທີ່ກຳລັງປະຕິບັດໜ້າທີ່ຢູ່ເຂດທະເລອ່າວອາເດັນໄດ້ຈັດການຝຶກຊ້ອມຮ່ວມຕ້ານໂຈນສະຫຼັດທາງທະເລລະຫວ່າງຈີນກັບອາເມລິກາ.
ການຝຶກຊ້ອມເທື່ອນີ້ໄດ້ດຳເນີນເປັນເວລາ 2 ວັນ, ຝ່າຍຈີນໄດ້ສົ່ງກຳປັ່ນຕໍ່ຕ້ານທີ່ຕິດຕັ້ງລູກສອນໄຟນຳວິຖີ "ຮາບິນ", ກຳປັ່ນລຳລຽງສັງລວມ "ເວີຍຊ່ານຫູ", ຍົນເຮລິກົບແຕ ລຳໜຶ່ງ, ເຮືອຮົບນ້ອຍ 4 ລຳແລະທະຫານກອງຕີພິເສດຈຳນວນໜຶ່ງເຂົ້າຮ່ວມໃນການຝຶກຊ້ອມໃນຄັ້ງນີ້.ສ່ວນຝ່າຍອາເມລິກາໄດ້ສົ່ງກຳປັ່ນຕໍ່ຕ້ານທີ່ຕິດຕັ້ງລູກສອນໄຟນຳວິຖີ"Mason", ຍົນເຮລິກົບແຕ ລຳໜຶ່ງ, ແລະທະຫານກອງຕີພິເສດຈຳນວນໜຶ່ງເຂົ້າຮ່ວມການຝຶກຊ້ອມ.
ການຝຶກຊ້ອມໃນຄັ້ງນີ້ໄດ້ດຳເນີນໄປໂດຍມີເຈົ້າໜ້າທີ່ບັນຊາການຂອງສອງຝ່າຍຜັດປ່ຽນກັນປະຕິບັດການບັນຊາການໃນການຝຶກຊ້ອມ 10 ດ້ານຄືສັບປ່ຽນກຳລັງລະຫວ່າງກຳປັ່ນສອງຝ່າຍ, ການເຄື່ອນໄຫວຂອງກອງກຳປັ່ນ, ການຍິງດ້ວຍອາວຸດເບົາ, ການຍິງຈາກກຳປັ່ນ ສູ່ທະເລ, ຍົນເຮລິກົບແຕຂອງສອງຝ່າຍໄດ້ປ່ຽນກັນລົງຈອດຢູ່ກຳປັ່ນຂອງອີກຝ່າຍໜຶ່ງ, ຮ່ວມກັນກວດກາແລະຈັບກຸມໂຈນສະຫຼັດ, ຍົນເຮລິກົບແຕຕິດຕາມເປົ້າໝາຍທາງທະເລໃນຍາມກາງຄືນ,ແລະການໃຊ້ກຳລັງອາວຸດຮ່ວມກັນໃນການຊ່ວຍເຫຼືອກຳປັ່ນການຄ້າທີ່ຖືກປຸ້ນຈີ້.
ການຝຶກຊ້ອມເທື່ອນີ້ແມ່ນເທື່ອທີສອງທີ່ກອງກຳປັ່ນປ້ອງກັນການເດີນເຮືອຂອງກອງທັບເຮືອຈີນຮ່ວມກັບກອງທັບເຮືອຕ່າງປະເທດຈັດການຝຶກຊ້ອມຮ່ວມຕ້ານໂຈນສະຫຼັດທາງທະເລ ນັບແຕ່ກອງທັບເຮືອຈີນເດີນທາງໄປປະຕິບັດໜ້າທີ່ປ້ອງປັນການເດີນເຮືອຢູ່ອ່າວອາເດັນແລະເຂດທະເລໂຊມາລີເປັນຕົ້ນມາ.
ການຝຶກຊ້ອມເທື່ອນີ້ໄດ້ດຳເນີນເປັນເວລາ 2 ວັນ, ຝ່າຍຈີນໄດ້ສົ່ງກຳປັ່ນຕໍ່ຕ້ານທີ່ຕິດຕັ້ງລູກສອນໄຟນຳວິຖີ "ຮາບິນ", ກຳປັ່ນລຳລຽງສັງລວມ "ເວີຍຊ່ານຫູ", ຍົນເຮລິກົບແຕ ລຳໜຶ່ງ, ເຮືອຮົບນ້ອຍ 4 ລຳແລະທະຫານກອງຕີພິເສດຈຳນວນໜຶ່ງເຂົ້າຮ່ວມໃນການຝຶກຊ້ອມໃນຄັ້ງນີ້.ສ່ວນຝ່າຍອາເມລິກາໄດ້ສົ່ງກຳປັ່ນຕໍ່ຕ້ານທີ່ຕິດຕັ້ງລູກສອນໄຟນຳວິຖີ"Mason", ຍົນເຮລິກົບແຕ ລຳໜຶ່ງ, ແລະທະຫານກອງຕີພິເສດຈຳນວນໜຶ່ງເຂົ້າຮ່ວມການຝຶກຊ້ອມ.
ການຝຶກຊ້ອມໃນຄັ້ງນີ້ໄດ້ດຳເນີນໄປໂດຍມີເຈົ້າໜ້າທີ່ບັນຊາການຂອງສອງຝ່າຍຜັດປ່ຽນກັນປະຕິບັດການບັນຊາການໃນການຝຶກຊ້ອມ 10 ດ້ານຄືສັບປ່ຽນກຳລັງລະຫວ່າງກຳປັ່ນສອງຝ່າຍ, ການເຄື່ອນໄຫວຂອງກອງກຳປັ່ນ, ການຍິງດ້ວຍອາວຸດເບົາ, ການຍິງຈາກກຳປັ່ນ ສູ່ທະເລ, ຍົນເຮລິກົບແຕຂອງສອງຝ່າຍໄດ້ປ່ຽນກັນລົງຈອດຢູ່ກຳປັ່ນຂອງອີກຝ່າຍໜຶ່ງ, ຮ່ວມກັນກວດກາແລະຈັບກຸມໂຈນສະຫຼັດ, ຍົນເຮລິກົບແຕຕິດຕາມເປົ້າໝາຍທາງທະເລໃນຍາມກາງຄືນ,ແລະການໃຊ້ກຳລັງອາວຸດຮ່ວມກັນໃນການຊ່ວຍເຫຼືອກຳປັ່ນການຄ້າທີ່ຖືກປຸ້ນຈີ້.
ການຝຶກຊ້ອມເທື່ອນີ້ແມ່ນເທື່ອທີສອງທີ່ກອງກຳປັ່ນປ້ອງກັນການເດີນເຮືອຂອງກອງທັບເຮືອຈີນຮ່ວມກັບກອງທັບເຮືອຕ່າງປະເທດຈັດການຝຶກຊ້ອມຮ່ວມຕ້ານໂຈນສະຫຼັດທາງທະເລ ນັບແຕ່ກອງທັບເຮືອຈີນເດີນທາງໄປປະຕິບັດໜ້າທີ່ປ້ອງປັນການເດີນເຮືອຢູ່ອ່າວອາເດັນແລະເຂດທະເລໂຊມາລີເປັນຕົ້ນມາ.
