ກອງກຳປັ່ນທະເລຈີນຕາເວັນອອກຂອງກອງທັບເຮືອຈີນເດີນທາງໄປຝຶກຊ້ອມຢູ່ທະເລໄກທີ່ມະຫາສະໝຸດປາຊີຟິກຕາເວັນຕົກ
(GMT+08:00) 2013-08-27 16:34:23 cri
ກອງກຳປັ່ນທະເລຈີນຕາເວັນອອກຂອງກອງທັບເຮືອຈີນທີ່ປະກອບດ້ວຍກຳປັ່ນ "ຢີ້ຢາງ"ແລະກຳປັ່ນ "ສາງໂຈ່ວ"ໄດ້ອອກຈາກທ່າກຳປັ່ນທະຫານແຫ່ງໜຶ່ງຂອງເມືອງໂຈ່ວຊ່ານແຂວງເຈີ້ຈ່ຽງຂອງຈີນໃນວັນທີ 26 ສິງຫານີ້ເດີນທາງໄປເຂດທະເລມະຫາສະໝຸດປາຊີຟິກຕາເວັນຕົກເພື່ອດຳເນີນການຝຶກຊ້ອມຕາມປົກກະຕິ. ການຝຶກຊ້ອມທາງທະເລໄກໃນຄັ້ງນີ້ເປັນພາກສ່ວນໜຶ່ງຂອງການຊ້ອມຮົບຕາມປົກກະຕິປະຈຳປີຂອງກອງທັບເຮືອຈີນ. ໃນໄລຍະການຝຶກຊ້ອມ, ກອງກຳປັ່ນດັ່ງກ່າວຈະດຳເນີນການຝຶກຊ້ອມໃນດ້ານຕ່າງໆເປັນຕົ້ນແມ່ນກອງກຳປັ່ນປ້ອງກັນການລາດຕະເວນເພື່ອກຽມພ້ອມສູ້ຮົບ, ການບຸກໂຈມຕີແລະການປ້ອງກັນ ສັງລວມຢູ່ທະເລໄກ, ການປະສານເຫຼົ່າລະຫວ່າງກຳປັ່ນແລະເຮືອບິນ, ການປະຕິບັດການທາງການທະຫານທີ່ບໍ່ແມ່ນສົງຄາມແລະອື່ນໆ.
ທ່ານຢຽນເຈີ້ງໝິງ ຜູ້ບັນຊາການກອງກຳປັ່ນດັ່ງກ່າວທັງເປັນຫົວໜ້າກອງຍ່ອຍກຳປັ່ນໂຈມຕີກອງໜຶ່ງຂອງຈີນໃຫ້ຮູ້ວ່າ, ການດຳເນີນການຝຶກຊ້ອມທາງທະເລໄກຊຶ່ງກອງທັບເຮືອປະເທດຕ່າງໆໃນໂລກໄດ້ເຮັດໂດຍທົ່ວໄປ, ແລະຍັງແມ່ນຮູບການຝຶກຊ້ອມປົກກະຕິເພື່ອຍົກສູງຄວາມສາມາດສູ້ຮົບຂອງກອງທັບເຮືອ. ການຝຶກຊ້ອມທາງທະເລໄກຢູ່ມະຫາສະໝຸດສາມາດຍົກສູງຄວາມສາມາດສູ້ຮົບຂອງກອງທັບໃນການສູ້ຮົບທາງທະເລຢ່າງຕໍ່ເນື່ອງແລະການສູ້ຮົບທີ່ຖືລະບົບຂໍ້ມູນຂ່າວສານເປັນພື້ນຖານ.
ນັບແຕ່ຕົ້ນປີນີ້ເປັນຕົ້ນມາ, ກອງທັບເຮືອຈີນໄດ້ຈັດຕັ້ງກອງກຳປັ່ນເດີນທາງໄປເຂດທະເລມະຫາສະໝຸດປາຊີຟິກຕາເວັນຕົກເພື່ອດຳເນີນການຝຶກຊ້ອມມາຫຼາຍເທື່ອແລ້ວ.
ທ່ານຢຽນເຈີ້ງໝິງ ຜູ້ບັນຊາການກອງກຳປັ່ນດັ່ງກ່າວທັງເປັນຫົວໜ້າກອງຍ່ອຍກຳປັ່ນໂຈມຕີກອງໜຶ່ງຂອງຈີນໃຫ້ຮູ້ວ່າ, ການດຳເນີນການຝຶກຊ້ອມທາງທະເລໄກຊຶ່ງກອງທັບເຮືອປະເທດຕ່າງໆໃນໂລກໄດ້ເຮັດໂດຍທົ່ວໄປ, ແລະຍັງແມ່ນຮູບການຝຶກຊ້ອມປົກກະຕິເພື່ອຍົກສູງຄວາມສາມາດສູ້ຮົບຂອງກອງທັບເຮືອ. ການຝຶກຊ້ອມທາງທະເລໄກຢູ່ມະຫາສະໝຸດສາມາດຍົກສູງຄວາມສາມາດສູ້ຮົບຂອງກອງທັບໃນການສູ້ຮົບທາງທະເລຢ່າງຕໍ່ເນື່ອງແລະການສູ້ຮົບທີ່ຖືລະບົບຂໍ້ມູນຂ່າວສານເປັນພື້ນຖານ.
ນັບແຕ່ຕົ້ນປີນີ້ເປັນຕົ້ນມາ, ກອງທັບເຮືອຈີນໄດ້ຈັດຕັ້ງກອງກຳປັ່ນເດີນທາງໄປເຂດທະເລມະຫາສະໝຸດປາຊີຟິກຕາເວັນຕົກເພື່ອດຳເນີນການຝຶກຊ້ອມມາຫຼາຍເທື່ອແລ້ວ.
