ລັດຖະມົນຕີກະຊວງປ້ອງກັນປະເທດອາເມລິກາເຂົ້າຢ້ຽມຄຳນັບປະທານາທິບໍດີອິນໂດເນເຊຍ
(GMT+08:00) 2013-08-27 15:27:50 cri
ພາຍຫຼັງໄດ້ສຳເລັດການຢ້ຽມຢາມມະເລເຊຍໃນວັນທີ 26 ສິງຫານີ້ແລ້ວ, ທ່ານຊັກ ຮາເກວ, ລັດຖະມົນຕີວ່າການກະຊວງປ້ອງກັນປະເທດອາເມລິກາທີ່ພວມຢ້ຽມຢາມອາຊີຕາເວັນອອກສຽງໃຕ້ໄດ້ເດີນທາງໄປຢ້ຽມຢາມອິນໂດເນເຊຍ. ໃນການພົບປະກັບທ່ານຊຸຊີໂລ ບຳບັງຢຸດໂຮໂຢໂນ, ປະທານາທິບໍດີອິນໂດເນເຊຍ, ທ່ານຊັກ ຮາເກວໄດ້ກ່າວຢ້ຳຍຸດທະສາດ "ການສ້າງຄວາມດຸ່ນດ່ຽງອີກຄັ້ງໃໝ່"ຢູ່ອາຊີປາຊີຟິກຂອງອາເມລິກາ, ແລະໄດ້ເນັ້ນໜັກຄວາມສຳຄັນຂອງພາກພື້ນອາຊີປາຊີຟິກທີ່ມີຕໍ່ອາເມລິກາ.
ມື້ດຽວກັນ, ທ່ານຊັກ ຮາເກວຍັງໄດ້ພົບປະເຈລະຈາກັບທ່ານພູໂນໂມ ຢຸສກຽນໂທໂຣ, ລັດຖະມົນຕີວ່າການກະຊວງປ້ອງກັນປະເທດອິນໂດເນເຊຍ. ກະຊວງປ້ອງກັນປະເທດອິນໂດເນເຊຍໄດ້ອອກຖະແຫຼງການໂດຍກ່າວວ່າ, ຫົວຂໍ້ສຳຄັນທີ່ລັດຖະມົນຕີວ່າການກະຊວງປ້ອງກັນປະເທດຂອງສອງປະເທດປຶກສາຫາລືກັນນັ້ນໄດ້ກ່ຽວພັນເຖິງວຽກງານຄວາມປອດໄພຂອງພາກພື້ນແລະຂອງໂລກ, ບັນຫາຕ້ານການກໍ່ການຮ້າຍແລະການຈັດຊື້ອາວຸດຍຸດໂທປະກອນນຳອາເມລິກາຂອງອິນໂດເນເຊຍ.
ມື້ດຽວກັນ, ທ່ານຊັກ ຮາເກວເຜີຍໃຫ້ຮູ້ວ່າ, ອາເມລິກາຈະຂາຍຍົນເຮຣີກົບແຕສູ້ຮົບອາປາເຊ 8 ລຳໃຫ້ແກ່ອິນໂດເນເຊຍ. ຂ່າວແຈ້ງວ່າ, ຍອດມູນຄ່າການຂາຍຍົນງວດນີ້ມີປະມານ 500 ລ້ານໂດລາ. ໃນໄລຍະ 30 ປີທີ່ທ່ານຮາຈີ ໂມຮາມັດ ຊຸຮາໂທ, ອະດີດປະທານາທິບໍດີອິນໂດເນເຊຍກຳອຳນາດ, ອາເມລິກາໄດ້ງົດການຮ່ວມມືດ້ານການທະຫານກັບອິນໂດເນເຊຍແລະບໍ່ຂາຍອາວຸດໃຫ້ແກ່ອິນໂດເນເຊຍ, ຈົນຮອດປີ 2005, ການພົວພັນດ້ານການທະຫານລະຫວ່າງສອງປະເທດຈຶ່ງໄດ້ຟື້ນຟູຄືນໃໝ່.
ມື້ດຽວກັນ, ທ່ານຊັກ ຮາເກວຍັງໄດ້ພົບປະເຈລະຈາກັບທ່ານພູໂນໂມ ຢຸສກຽນໂທໂຣ, ລັດຖະມົນຕີວ່າການກະຊວງປ້ອງກັນປະເທດອິນໂດເນເຊຍ. ກະຊວງປ້ອງກັນປະເທດອິນໂດເນເຊຍໄດ້ອອກຖະແຫຼງການໂດຍກ່າວວ່າ, ຫົວຂໍ້ສຳຄັນທີ່ລັດຖະມົນຕີວ່າການກະຊວງປ້ອງກັນປະເທດຂອງສອງປະເທດປຶກສາຫາລືກັນນັ້ນໄດ້ກ່ຽວພັນເຖິງວຽກງານຄວາມປອດໄພຂອງພາກພື້ນແລະຂອງໂລກ, ບັນຫາຕ້ານການກໍ່ການຮ້າຍແລະການຈັດຊື້ອາວຸດຍຸດໂທປະກອນນຳອາເມລິກາຂອງອິນໂດເນເຊຍ.
ມື້ດຽວກັນ, ທ່ານຊັກ ຮາເກວເຜີຍໃຫ້ຮູ້ວ່າ, ອາເມລິກາຈະຂາຍຍົນເຮຣີກົບແຕສູ້ຮົບອາປາເຊ 8 ລຳໃຫ້ແກ່ອິນໂດເນເຊຍ. ຂ່າວແຈ້ງວ່າ, ຍອດມູນຄ່າການຂາຍຍົນງວດນີ້ມີປະມານ 500 ລ້ານໂດລາ. ໃນໄລຍະ 30 ປີທີ່ທ່ານຮາຈີ ໂມຮາມັດ ຊຸຮາໂທ, ອະດີດປະທານາທິບໍດີອິນໂດເນເຊຍກຳອຳນາດ, ອາເມລິກາໄດ້ງົດການຮ່ວມມືດ້ານການທະຫານກັບອິນໂດເນເຊຍແລະບໍ່ຂາຍອາວຸດໃຫ້ແກ່ອິນໂດເນເຊຍ, ຈົນຮອດປີ 2005, ການພົວພັນດ້ານການທະຫານລະຫວ່າງສອງປະເທດຈຶ່ງໄດ້ຟື້ນຟູຄືນໃໝ່.
