ຟີລິບປິນເກີດການແຫ່ຂະບວນປະທ້ວງຕໍ່ຕ້ານການສໍ້ລາດບັງຫຼວງຂອງເຈົ້າໜ້າທີ່ລັດຖະບານຢ່າງຂະໜາດໃຫຍ່
(GMT+08:00) 2013-08-27 15:28:43 cri
ໜັງສືພິມລຽນເຮີຈາວປ້າວຂອງສິງກະໂປລາຍງານວ່າ: ວັນທີ 26 ສິງຫານີ້, ຢູ່ຟີລິບປິນໄດ້ເກີດການແຫ່ຂະບວນປະທ້ວງຕໍ່ຕ້ານການສໍ້ລາດບັງຫຼວງຂອງເຈົ້າໜ້າທີ່ລັດຖະບານທີ່ມີຜູ້ເຂົ້າຮ່ວມນັບແສນຄົນ, "ກຸ່ມເສື້ອຂາວ"ທີ່ມີອາລົມຄຽດແຄ້ນຢູ່ແຫ່ງຕ່າງໆຂອງຟີລິບປິນໄດ້ອອກສູ່ຖະໜົນເພື່ອປະທ້ວງອັນທີ່ວ່າ "ການເມືອງຖັງຊີ້ນໝູ"ມີຢູ່ທົ່ວທີບ, ຮຽກຮ້ອງໃຫ້ລັດຖະບານຟີລິບປິນລົງໂທດເຈົ້າໜ້າທີ່ທີ່ສໍ້ລາດບັງຫຼວງໂດຍຍັກຍອກເງິນຄັງນັ້ນຢ່າງເຂັ້ມງວດ.
ຝ່າຍຈັດຕັ້ງການປະທ້ວງກ່າວວ່າ, ປະຊາຊົນທີ່ເຂົ້າຮ່ວມມການປະທ້ວງມີເຖິງ 4 ແສນຄົນ. ແຕ່ເຈົ້າໜ້າທີ່ຕຳຫຼວດຄາດຄະເນວ່າ, ຈຳນວນຜູ້ປະທ້ວງມີປະມານ 6 ໝື່ນ ຫາ 7 ໝື່ນຄົນ, ຫຼາຍທີ່ສຸດກໍ່ມີພຽງແຕ່ 1 ແສນຄົນເທົ່ານັ້ນ.
ນີ້ແມ່ນການປະທ້ວງຕໍ່ລັດຖະບານຟີລິບປິນທີ່ມີຂະໜາດໃຫຍ່ທີ່ສຸດນັບແຕ່ທ່ານເບນິກໂນ ອາກີໂນ 3 ຂຶ້ນດຳລົງຕຳແໜ່ງປະທານາທິບໍດີໃນປີ 2010 ເປັນຕົ້ນມາ. ທ່ານເບນິກໂນ ອາກີໂນ 3 ໄດ້ຮັບໄຊຊະນະໃນການເລືອກຕັ້ງທົ່ວໄປໃນປີ 2010 ດ້ວຍຄຳຂວັນທີ່ວ່າ "ຕໍ່ຕ້ານການສໍ້ລາດບັງຫຼວງ". ວັນທີ 26 ສິງຫານີ້, ທ່ານເບນິກໂນ ອາກີໂນ 3 ໄດ້ກ່າວຄຳປາໄສໂດຍໃຫ້ຄຳໝັ້ນສັນຍາວ່າຈະລົງໂທດເຈົ້າໜ້າທີ່ທີ່ຍັກຍອກເງິນຊ່ວຍເຫຼືອດ້ານການພັດທະນາຂອງລັດຖະບານ. ໃນອາທິດທີ່ຜ່ານມານີ້, ທ່ານເບນິກໂນ ອາກີໂນ 3 ໄດ້ປະກາດຢຸດການເບີກງົບປະມານດັ່ງກ່າວ, ແລະໃຫ້ຄຳໝັ້ນສັນຍາວ່າຈະດຳເນີນການປະຕິຮູບຕໍ່ກົດລະບຽບໃນການໃຊ້ຈ່າຍຂອງໂຄງການຕ່າງໆຂອງລັດຖະບານ.
ຝ່າຍຈັດຕັ້ງການປະທ້ວງກ່າວວ່າ, ປະຊາຊົນທີ່ເຂົ້າຮ່ວມມການປະທ້ວງມີເຖິງ 4 ແສນຄົນ. ແຕ່ເຈົ້າໜ້າທີ່ຕຳຫຼວດຄາດຄະເນວ່າ, ຈຳນວນຜູ້ປະທ້ວງມີປະມານ 6 ໝື່ນ ຫາ 7 ໝື່ນຄົນ, ຫຼາຍທີ່ສຸດກໍ່ມີພຽງແຕ່ 1 ແສນຄົນເທົ່ານັ້ນ.
ນີ້ແມ່ນການປະທ້ວງຕໍ່ລັດຖະບານຟີລິບປິນທີ່ມີຂະໜາດໃຫຍ່ທີ່ສຸດນັບແຕ່ທ່ານເບນິກໂນ ອາກີໂນ 3 ຂຶ້ນດຳລົງຕຳແໜ່ງປະທານາທິບໍດີໃນປີ 2010 ເປັນຕົ້ນມາ. ທ່ານເບນິກໂນ ອາກີໂນ 3 ໄດ້ຮັບໄຊຊະນະໃນການເລືອກຕັ້ງທົ່ວໄປໃນປີ 2010 ດ້ວຍຄຳຂວັນທີ່ວ່າ "ຕໍ່ຕ້ານການສໍ້ລາດບັງຫຼວງ". ວັນທີ 26 ສິງຫານີ້, ທ່ານເບນິກໂນ ອາກີໂນ 3 ໄດ້ກ່າວຄຳປາໄສໂດຍໃຫ້ຄຳໝັ້ນສັນຍາວ່າຈະລົງໂທດເຈົ້າໜ້າທີ່ທີ່ຍັກຍອກເງິນຊ່ວຍເຫຼືອດ້ານການພັດທະນາຂອງລັດຖະບານ. ໃນອາທິດທີ່ຜ່ານມານີ້, ທ່ານເບນິກໂນ ອາກີໂນ 3 ໄດ້ປະກາດຢຸດການເບີກງົບປະມານດັ່ງກ່າວ, ແລະໃຫ້ຄຳໝັ້ນສັນຍາວ່າຈະດຳເນີນການປະຕິຮູບຕໍ່ກົດລະບຽບໃນການໃຊ້ຈ່າຍຂອງໂຄງການຕ່າງໆຂອງລັດຖະບານ.
