ການຮ່ວມມືລະຫວ່າງຈີນກັບອາຊຽນໃນການປະຕິບັດຕົວຈິງແລະປະດິດສ້າງໃໝ່ໄດ້ກ້າວຂຶ້ນສູ່ລະດັບໃໝ່
(GMT+08:00) 2013-08-28 19:07:51 cri
ງານວາງສະແດງສິນຄ້າຈີນ-ອາຊຽນຈະຈັດຂຶ້ນຢູ່ນະຄອນນານນິງເຂດປົກຄອງຕົນເອງເຜົ່າຈວ້າງກວາງຊີຂອງຈີນແຕ່ວັນທີ 3 ຫາວັນທີ 6 ກັນຍາໜ້ານີ້. ປີນີ້ແມ່ນຈີນແລະອາຊຽນສ້າງສາຍພົວພັນຄູ່ຮ່ວມມືຍຸດທະສາດຄົບຮອບ10ປີ ແລະງານວາງສະແດງສິນຄ້າຈີນ-ອາຊຽນຈັດຂຶ້ນຄົບຮອບ 10 ປີ. ເວລາໃຫ້ສຳພາດຕໍ່ນັກຂ່າວ, ທ່ານສູນິງໆ ຮອງເລຂາທິການໃຫຍ່ສະພາການຄ້າຈີນ-ອາຊຽນກ່າວວ່າ, ການຮ່ວມມືຕົວຈິງລະຫວ່າງຈີນກັບອາຊຽນກຳລັງກ້າວຂຶ້ນສູ່ລະດັບໃໝ່.
ທ່ານສູນິງໆກ່າວວ່າ, ໃນເກືອບ 10 ປີຜ່ານມາ, ສາຍພົວພັນຄູ່ຮ່ວມມືຍຸດທະສາດລະຫວ່າງຈີນກັບອາຊຽນໄດ້ຂະຫຍາຍຕົວຢ່າງຮອບດ້ານແລະກ້າວສູ່ລວງເລິກ, ສອງຝ່າຍໄດ້ສ້າງກົນໄກຮ່ວມມືດ້ານຕ່າງໆເຊັ່ນດ້ານການເມືອງ, ເສດຖະກິດ, ວິທະຍາສາດເຕັກໂນໂລຊີ, ວັດທະນະທຳ,ການສຶກສາ,ການທ່ອງທ່ຽວແລະການເງິນ, ສິ່ງທີ່ພົ້ນເດັ່ນທີ່ສຸດແມ່ນເຂດການຄ້າເສລີຈີນ-ອາຊຽນໄດ້ສ້າງສຳເລັດ ຊຶ່ງມີຄວາມໝາຍທີ່ສະແດງໃຫ້ເຫັນວ່າບໍ່ພຽງແຕ່ຢູ່ໃນດ້ານເສດຖະກິດຂອງທັງສອງຝ່າຍມີການເຕີບໂຕ, ລະດັບຊີວິດການເປັນຢູ່ຂອງປະຊາຊົນໄດ້ຍົກສູງຂຶ້ນເທົ່ານັ້ນ, ແຕ່ຍັງໄດ້ຊຸກຍູ້ຂະບວນການເຊື່ອມໂຍງເຂົ້າເປັນອັນໜຶ່ງອັນດຽວກັນຂອງພາກພື້ນແຫ່ງນີ້, ແລະຊຸກຍູ້ການຮ່ວມມືລະຫວ່າງຈີນກັບອາຊຽນໃຫ້ຂະຫຍາຍຕົວກ້າວເຂົ້າສູ່ໄລຍະໃໝ່ອີກດ້ວຍ.
ທ່ານສູນິງໆເຫັນວ່າ, ເບິ່ງຈາກດ້ານການຊຸກຍູ້ການກໍ່ສ້າງເຂດການຄ້າເສລີຈີນ-ອາຊຽນໄດ້ກ້າວເຂົ້າສູ່ລວງເລິກ, ການເພີ່ມທະວີການຮ່ວມມືດ້ານຂະແໜງການເປັນທິດຂະຫຍາຍຕົວແຫ່ງການຮ່ວມມືລະຫວ່າງຈີນກັບອາຊຽນໃນອະນາຄົດ, ງານວາງສະແດງສິນຄ້າຈີນ-ອາຊຽນກໍຄວນສ່ອງແສງໃຫ້ເຫັນຂະບວນການໃນດ້ານນີ້. ການຮ່ວມມືດ້ານຂະແໜງການແມ່ນທາງເລືອກທີ່ຕ້ອງເປັນໄປເພື່ອບັນລຸການພັດທະນາຮ່ວມກັນແລະຕ່າງຝ່າຍຕ່າງມີຜົນປະໂຫຍດໃນພາກພື້ນ, ພ້ອມກັນນັ້ນ, ຍັງເປັນຄວາມຕ້ອງການໃນການຍົກສູງກຳລັງການຜະລິດແລະກຳລັງແຂ່ງຂັນໃນຕະຫຼາດສາກົນຂອງພາກພື້ນແຫ່ງນີ້. ເວົ້າສຳລັບການຮ່ວມມືລະຫວ່າງຈີນກັບບັນດາປະເທດອາຊຽນແລ້ວ, ການຮ່ວມມືດ້ານຂະແໜງການແມ່ນມາດຕະການສຳຄັນໃນການນຳໃຊ້ນະໂຍບາຍໃຫ້ສິດທິພິເສດຂອງເຂດການຄ້າເສລີຈີນ-ອາຊຽນ, ຍົກສູງປະສິດທິຜົນແລະລະດັບຂອງການຮ່ວມມືລະຫວ່າງສອງຝ່າຍ, ບັນລຸການຈຸນເຈືອກັນດ້ານທ່າແຮງ, ຊຸກຍູ້ການປັບປຸງໂຄງປະກອບອຸດສາຫະກຳພາຍໃນໃຫ້ດີຂຶ້ນ.
ທ່ານສູນິງໆໃຫ້ຮູ້ວ່າ, ປັດຈຸບັນ, ອາຊຽນກຳລັງປະຕິບັດແຜ່ນແມ່ບົດການເຊື່ອມໂຍງເຂົ້າກັນຂອງອາຊຽນຢ່າງຮອບດ້ານ, ຊຶ່ງໄດ້ອຳນວຍເງື່ອນໄຂທີ່ດີທີ່ສຸດໃຫ້ແກ່ການຮ່ວມມືດ້ານຂະແໜງການລະຫວ່າງຈີນກັບປະເທດຕ່າງໆຂອງອາຊຽນ, ຈີນສາມາດນຳໃຊ້ເງື່ອນໄຂທີ່ດີດັ່ງກ່າວນີ້,ຜ່ານຈາກການປະຕິບັດການເຊື່ອມໂຍງເຂົ້າກັນໃນດ້ານຕ່າງໆເພື່ອຊຸກຍູ້ສອງຝ່າຍໃຫ້ເປີດກວ້າງການຮ່ວມມືດ້ານຂະແໜງການຕ່າງໆ.
ທ່ານສູນິງໆກ່າວວ່າ, ໃນເກືອບ 10 ປີຜ່ານມາ, ສາຍພົວພັນຄູ່ຮ່ວມມືຍຸດທະສາດລະຫວ່າງຈີນກັບອາຊຽນໄດ້ຂະຫຍາຍຕົວຢ່າງຮອບດ້ານແລະກ້າວສູ່ລວງເລິກ, ສອງຝ່າຍໄດ້ສ້າງກົນໄກຮ່ວມມືດ້ານຕ່າງໆເຊັ່ນດ້ານການເມືອງ, ເສດຖະກິດ, ວິທະຍາສາດເຕັກໂນໂລຊີ, ວັດທະນະທຳ,ການສຶກສາ,ການທ່ອງທ່ຽວແລະການເງິນ, ສິ່ງທີ່ພົ້ນເດັ່ນທີ່ສຸດແມ່ນເຂດການຄ້າເສລີຈີນ-ອາຊຽນໄດ້ສ້າງສຳເລັດ ຊຶ່ງມີຄວາມໝາຍທີ່ສະແດງໃຫ້ເຫັນວ່າບໍ່ພຽງແຕ່ຢູ່ໃນດ້ານເສດຖະກິດຂອງທັງສອງຝ່າຍມີການເຕີບໂຕ, ລະດັບຊີວິດການເປັນຢູ່ຂອງປະຊາຊົນໄດ້ຍົກສູງຂຶ້ນເທົ່ານັ້ນ, ແຕ່ຍັງໄດ້ຊຸກຍູ້ຂະບວນການເຊື່ອມໂຍງເຂົ້າເປັນອັນໜຶ່ງອັນດຽວກັນຂອງພາກພື້ນແຫ່ງນີ້, ແລະຊຸກຍູ້ການຮ່ວມມືລະຫວ່າງຈີນກັບອາຊຽນໃຫ້ຂະຫຍາຍຕົວກ້າວເຂົ້າສູ່ໄລຍະໃໝ່ອີກດ້ວຍ.
ທ່ານສູນິງໆເຫັນວ່າ, ເບິ່ງຈາກດ້ານການຊຸກຍູ້ການກໍ່ສ້າງເຂດການຄ້າເສລີຈີນ-ອາຊຽນໄດ້ກ້າວເຂົ້າສູ່ລວງເລິກ, ການເພີ່ມທະວີການຮ່ວມມືດ້ານຂະແໜງການເປັນທິດຂະຫຍາຍຕົວແຫ່ງການຮ່ວມມືລະຫວ່າງຈີນກັບອາຊຽນໃນອະນາຄົດ, ງານວາງສະແດງສິນຄ້າຈີນ-ອາຊຽນກໍຄວນສ່ອງແສງໃຫ້ເຫັນຂະບວນການໃນດ້ານນີ້. ການຮ່ວມມືດ້ານຂະແໜງການແມ່ນທາງເລືອກທີ່ຕ້ອງເປັນໄປເພື່ອບັນລຸການພັດທະນາຮ່ວມກັນແລະຕ່າງຝ່າຍຕ່າງມີຜົນປະໂຫຍດໃນພາກພື້ນ, ພ້ອມກັນນັ້ນ, ຍັງເປັນຄວາມຕ້ອງການໃນການຍົກສູງກຳລັງການຜະລິດແລະກຳລັງແຂ່ງຂັນໃນຕະຫຼາດສາກົນຂອງພາກພື້ນແຫ່ງນີ້. ເວົ້າສຳລັບການຮ່ວມມືລະຫວ່າງຈີນກັບບັນດາປະເທດອາຊຽນແລ້ວ, ການຮ່ວມມືດ້ານຂະແໜງການແມ່ນມາດຕະການສຳຄັນໃນການນຳໃຊ້ນະໂຍບາຍໃຫ້ສິດທິພິເສດຂອງເຂດການຄ້າເສລີຈີນ-ອາຊຽນ, ຍົກສູງປະສິດທິຜົນແລະລະດັບຂອງການຮ່ວມມືລະຫວ່າງສອງຝ່າຍ, ບັນລຸການຈຸນເຈືອກັນດ້ານທ່າແຮງ, ຊຸກຍູ້ການປັບປຸງໂຄງປະກອບອຸດສາຫະກຳພາຍໃນໃຫ້ດີຂຶ້ນ.
ທ່ານສູນິງໆໃຫ້ຮູ້ວ່າ, ປັດຈຸບັນ, ອາຊຽນກຳລັງປະຕິບັດແຜ່ນແມ່ບົດການເຊື່ອມໂຍງເຂົ້າກັນຂອງອາຊຽນຢ່າງຮອບດ້ານ, ຊຶ່ງໄດ້ອຳນວຍເງື່ອນໄຂທີ່ດີທີ່ສຸດໃຫ້ແກ່ການຮ່ວມມືດ້ານຂະແໜງການລະຫວ່າງຈີນກັບປະເທດຕ່າງໆຂອງອາຊຽນ, ຈີນສາມາດນຳໃຊ້ເງື່ອນໄຂທີ່ດີດັ່ງກ່າວນີ້,ຜ່ານຈາກການປະຕິບັດການເຊື່ອມໂຍງເຂົ້າກັນໃນດ້ານຕ່າງໆເພື່ອຊຸກຍູ້ສອງຝ່າຍໃຫ້ເປີດກວ້າງການຮ່ວມມືດ້ານຂະແໜງການຕ່າງໆ.
