ກອງປະຊຸມສະໄໝວິສາມັນຂອງລັດຖະມົນຕີການຕ່າງປະເທດຈີນ-ອາຊຽນຈັດຂຶ້ນຢູ່ນະຄອນຫຼວງປັກກິ່ງ
(GMT+08:00) 2013-08-29 19:19:05 cri
ເພື່ອສະເຫຼີມສະຫຼອງຈີນແລະອາຊຽນສ້າງສາຍພົວພັນຄູ່ຮ່ວມມືຍຸດທະສາດຄົບຮອບ 10 ປີ, ກອງປະຊຸມສະໄໝວິສາມັນຂອງລັດຖະມົນຕີການຕ່າງປະເທດຈີນ-ອາຊຽນໄດ້ຈັດຂຶ້ນໃນວັນທີ 29 ສິງຫານີ້ຢູ່ນະຄອນຫຼວງປັກກິ່ງຂອງຈີນໂດຍຢູ່ພາຍໃນຫົວຂໍ້ວ່າ, ຍຶດໝັ້ນມິດຕະພາບຖານບ້ານໃກ້ເຮືອນຄຽງ, ສຸມໃສ່ການພັດທະນາແລະການຮ່ວມມື. ລັດຖະມົນຕີການຕ່າງປະເທດຂອງຈີນແລະ10ປະເທດອາຊຽນໄດ້ລົງເລິກແລກປ່ຽນຄວາມເຫັນກ່ຽວກັບການລົງເລິກການພົວພັນລະຫວ່າງຈີນກັບອາຊຽນ, ສ້າງແຜນພັດທະນາການພົວພັນສອງຝ່າຍໃນອະນາຄົດແລະໄດ້ບັນລຸຄວາມຮັບຮູ້ທີ່ເປັນເອກກະສັນກັນຫຼາຍຢ່າງ.
ທ່ານຫວາງອີ້ ລັດຖະມົນຕີວ່າການກະຊວງການຕ່າງປະເທດຈີນກ່າວວ່າ, ການພັດທະນາການພົວພັນໃນອະນາຄົດລະຫວ່າງຈີນກັບອາຊຽນຄວນສຸມໃສ່ການຊຸກຍູ້ການເຊື່ອມໂຍງເຂົ້າກັນດ້ານເສດຖະກິດໃນພາກພື້ນຕື່ມອີກ, ຮ່ວມກັນປົກປັກຮັກສາທ່າອ່ຽງຂະຫຍາຍຕົວດ້ານເສດຖະກິດຂອງພາກພື້ນແຫ່ງນີ້. ກ່ຽວກັບບັນຫາທະເລຈີນໃຕ້ທີ່ໄດ້ຮັບຄວາມສົນໃຈຢ່າງຫຼວງຫຼາຍຈາກພາຍນອກ, ລັດຖະມົນຕີວ່າການກະຊວງການຕ່າງປະເທດຈີນແລະປະເທດອາຊຽນຕ່າງໆເປັນເອກະສັນກັນເຫັນດີວ່າຈະຄວບຄຸມຄວາມຂັດແຍ້ງແລະເພີ່ມທະວີການຮ່ວມມືກັນ.
ທີ່ປະຊຸມຍັງປະກາດວ່າ, ກອງປະຊຸມເຈົ້າໜ້າທີ່ອາວຸໂສຄັ້ງທີ 6 ແລະກອງປະຊຸມໜ່ວຍງານປະສົມຄັ້ງທີ 9 ກ່ຽວກັບການຜັນຂະຫຍາຍຖະແຫຼງການວ່າດ້ວຍການປະພຶດຂອງຝ່າຍຕ່າງໆຢູ່ທະເລຈີນໃຕ້ ຈະຈັດຂຶ້ນຢູ່ນະຄອນຊູໂຈ່ວຂອງຈີນແຕ່ວັນທີ 14ຫາ ວັນທີ 15ກັນຍາໜ້ານີ້. ຊຶ່ງກອງປະຊຸມດັ່ງກ່າວນີ້ຈະປຶກສາຫາລືກ່ຽວກັບການຈັດຕັ້ງປະຕິບັດຖະແຫຼງການວ່າດ້ວຍການປະພຶດຂອງຝ່າຍຕ່າງໆຢູ່ທະເລຈີນໃຕ້ຢ່າງຮອບດ້ານແລະມີປະສິດທິຜົນ, ການເພີ່ມທະວີການຮ່ວມມືຕົວຈິງທາງທະເລ, ແລະຍັງຈະປຶກສາຫາລືກ່ຽວກັບຫຼັກການປະພຶດຢູ່ທະເລຈີນໃຕ້ ພາຍໃຕ້ຂອບຜັນຂະຫຍາຍຖະແຫຼງການດັ່ງກ່າວນີ້.
ທ່ານຫວາງອີ້ ລັດຖະມົນຕີວ່າການກະຊວງການຕ່າງປະເທດຈີນກ່າວວ່າ, ການພັດທະນາການພົວພັນໃນອະນາຄົດລະຫວ່າງຈີນກັບອາຊຽນຄວນສຸມໃສ່ການຊຸກຍູ້ການເຊື່ອມໂຍງເຂົ້າກັນດ້ານເສດຖະກິດໃນພາກພື້ນຕື່ມອີກ, ຮ່ວມກັນປົກປັກຮັກສາທ່າອ່ຽງຂະຫຍາຍຕົວດ້ານເສດຖະກິດຂອງພາກພື້ນແຫ່ງນີ້. ກ່ຽວກັບບັນຫາທະເລຈີນໃຕ້ທີ່ໄດ້ຮັບຄວາມສົນໃຈຢ່າງຫຼວງຫຼາຍຈາກພາຍນອກ, ລັດຖະມົນຕີວ່າການກະຊວງການຕ່າງປະເທດຈີນແລະປະເທດອາຊຽນຕ່າງໆເປັນເອກະສັນກັນເຫັນດີວ່າຈະຄວບຄຸມຄວາມຂັດແຍ້ງແລະເພີ່ມທະວີການຮ່ວມມືກັນ.
ທີ່ປະຊຸມຍັງປະກາດວ່າ, ກອງປະຊຸມເຈົ້າໜ້າທີ່ອາວຸໂສຄັ້ງທີ 6 ແລະກອງປະຊຸມໜ່ວຍງານປະສົມຄັ້ງທີ 9 ກ່ຽວກັບການຜັນຂະຫຍາຍຖະແຫຼງການວ່າດ້ວຍການປະພຶດຂອງຝ່າຍຕ່າງໆຢູ່ທະເລຈີນໃຕ້ ຈະຈັດຂຶ້ນຢູ່ນະຄອນຊູໂຈ່ວຂອງຈີນແຕ່ວັນທີ 14ຫາ ວັນທີ 15ກັນຍາໜ້ານີ້. ຊຶ່ງກອງປະຊຸມດັ່ງກ່າວນີ້ຈະປຶກສາຫາລືກ່ຽວກັບການຈັດຕັ້ງປະຕິບັດຖະແຫຼງການວ່າດ້ວຍການປະພຶດຂອງຝ່າຍຕ່າງໆຢູ່ທະເລຈີນໃຕ້ຢ່າງຮອບດ້ານແລະມີປະສິດທິຜົນ, ການເພີ່ມທະວີການຮ່ວມມືຕົວຈິງທາງທະເລ, ແລະຍັງຈະປຶກສາຫາລືກ່ຽວກັບຫຼັກການປະພຶດຢູ່ທະເລຈີນໃຕ້ ພາຍໃຕ້ຂອບຜັນຂະຫຍາຍຖະແຫຼງການດັ່ງກ່າວນີ້.
