ກອງປະຊຸມລັດຖະມົນຕີການຕ່າງປະເທດຈີນ-ອາຊຽນສະໄໝວິສາມັນແມ່ນໂອກາດທີ່ສຳຄັນຂອງສອງຝ່າຍໃນການວາງແຜນການຮ່ວມມືໃນອະນາຄົດ
(GMT+08:00) 2013-08-29 15:09:18 cri
ກອງປະຊຸມລັດຖະມົນຕີການຕ່າງປະເທດຈີນ-ອາຊຽນສະໄໝວິສາມັນໄດ້ຕົກລົງຈັດຂຶ້ນຢູ່ນະຄອນຫຼວງປັກກິ່ງຂອງຈີນໃນວັນທີ 29 ສິງຫານີ້. ປີນີ້ແມ່ນປີສ້າງການພົວພັນຄູ່ຮ່ວມມືຍຸດທະສາດລະຫວ່າງຈີນ-ອາຊຽນຄົບຮອບ 10 ປີ, ຜູ້ຊ່ຽວຊານເຫັນວ່າ, ການຈັດກອງປະຊຸມຄັ້ງນີ້ໄດ້ສະແດງໃຫ້ເຫັນຄວາມຫ້າວຫັນແລະຄວາມເປັນເຈົ້າການຂອງຈີນຢ່າງເຕັມສ່ວນໃນການຂະຫຍາຍການພົວພັນລະຫວ່າງຈີນກັບອາຊຽນ, ກໍ່ແມ່ນໂອກາດທີ່ສຳຄັນໃນການວາງແຜນການຮ່ວມມືໃນອະນາຄົດ ລະຫວ່າງສອງຝ່າຍ.
ທ່ານຢວນຈົ່ງເຈີ, ຮອງຫົວໜ້າສະຖາບັນຄົ້ນຄວ້າບັນຫາສາກົນຈີນກ່າວວ່າ, "ຄວາມໝາຍຂອງກອງປະຊຸມລັດຖະມົນຕີການຕ່າງປະເທດຈີນ-ອາຊຽນສະໄໝວິສາມັນໃນຄັ້ງນີ້ແມ່ນຈີນໃນຖານະເປັນເຈົ້າພາບເຊື້ອເຊີນລັດຖະມົນຕີການຕ່າງປະເທດຂອງບັນດາປະເທດອາຊຽນມາຮ່ວມປະຊຸມ, ໄດ້ສະແດງຄວາມຫ້າວຫັນແລະຄວາມເປັນເຈົ້າການໃນການຂະຫຍາຍການພົວພັນລະຫວ່າງຈີນກັບອາຊຽນ, ແລະສະແດງໃຫ້ເຫັນເຖິງຈີນຍິນດີປຶກສາຫາລືກັບບັນດາປະເທດອາຊຽນກ່ຽວກັບການຮ່ວມມືສອງຝ່າຍແລະບັນຫາທີ່ກ່ຽວຂ້ອງອື່ນໆ."
ທ່ານຢວນຈົ່ງເຈີກ່າວຕື່ມວ່າ, "ໃນຂະນະທີ່ຈີນຂະຫຍາຍການພົວພັນກັບອາຊຽນ, ຈີນກໍ່ມີຄວາມປາຖະໜາມາໂດຍຕະຫຼອດທີ່ຫວັງໃຫ້ການພັດທະນາຂອງຕົນສາມາດນຳມາເຊິ່ງຜົນປະໂຫຍດແກ່ປະເທດອ້ອມຂ້າງ. ບິແບ່ງໝາກຜົນດ້ານການພັດທະນາຮ່ວມ, ໄດ້ສະແດງທ່າທີດ້ວຍຄວາມຈິງໃຈທີ່ສຸດຂອງຈີນ. ການຂະຫຍາຍການພົວພັນລະຫວ່າງຈີນ-ອາຊຽນ, ກໍ່ໄດ້ຊຸກຍູ້ການຮ່ວມມືລະຫວ່າງປະເທດອື່ນໆກັບອາຊຽນ ແລະການຮ່ວມມືລະຫວ່າງບັນດາປະເທດອາຊຽນ."
ທ່ານສີຈ້ຽນໂກ໋, ຫົວໜ້າສູນຄົ້ນຄວ້າອາຊີປາຊີຟິກຂອງກອງທຶນຄົ້ນຄວ້າບັນຫາສາກົນຈີນ, ອະດີດເອກອັກຄະລັດຖະທູດຈີນປະຈຳຫວຽດນາມກ່າວວ່າ, "ກອງປະຊຸມລັດຖະມົນຕີການຕ່າງປະເທດຈີນ-ອາຊຽນສະໄໝວິສາມັນຄັ້ງນີ້ມີຫວັງຈະສາມາດຍົກລະດັບເຂດການຄ້າເສລີຈີນ-ອາຊຽນ, ແລະວາງແຜນການຮ່ວມມືທີ່ແທ້ຈິງແລະລະອຽດກວ່າເກົ່າ."
ກ່ຽວກັບບັນຫາທະເລຈີນໃຕ້, ທ່ານສີຈ້ຽນໂກ໋ກ່າວວ່າ, "ເຖິງວ່າບາງປະເທດອາດຈະກ່າວເຖິງບັນຫາທະເລຈີນໃຕ້, ແຕ່ນີ້ຈະບໍ່ແມ່ນຈຸດໜັກຂອງກອງປະຊຸມລັດຖະມົນຕີການຕ່າງປະເທດສະໄໝວິສາມັນຄັ້ງນີ້." ທ່ານຢວນຈົ່ງເຈີ້ກ່າວວ່າ: "ອາຊຽນນັບມື້ນັບໄດ້ຮັບຮູ້ວ່າ, ບັນຫາທະເລຈີນໃຕ້ພຽງແຕ່ແມ່ນບັນຫາລະຫວ່າງຈີນກັບບາງປະເທດໃນອາຊຽນເທົ່ານັ້ນ, ບໍ່ຄວນໃຫ້ມີຜົນກະທົບຕໍ່ພາກສ່ວນໃຫຍ່ຂອງການພົວພັນລະຫວ່າງອາຊຽນກັບຈີນ. ການພັດທະນາຂອງຈີນແລະອາຊຽນພວມກາຍເປັນເປັນໂອກາດເຊິ່ງກັນແລະກັນ, ມີທ່າອ່ຽງການຮ່ວມມືທີ່ດີ, ສອງຝ່າຍຄວນຖືພາກສ່ວນໃຫຍ່ເປັນຫຼັກ, ກຳຈັດສິ່ງລົບກວນຕ່າງໆ, ດຳເນີນການຮ່ວມມືທີ່ແໜ້ນແຟ້ນກວ່າເກົ່າ." ທ່ານສີຈ້ຽນໂກ໋ກ່າວຕື່ມວ່າ, ປະເທດທີ່ກ່ຽວຂ້ອງຄວນແກ້ໄຂບັນຫາຄວາມຂັດແຍ້ງກັນດ້ານອະທິປະໄຕໂດຍຜ່ານການປຶກສາຫາລືສອງຝ່າຍຫາກບໍ່ແມ່ນຜ່ານເວທີອາຊຽນ.
ທ່ານຢວນຈົ່ງເຈີ, ຮອງຫົວໜ້າສະຖາບັນຄົ້ນຄວ້າບັນຫາສາກົນຈີນກ່າວວ່າ, "ຄວາມໝາຍຂອງກອງປະຊຸມລັດຖະມົນຕີການຕ່າງປະເທດຈີນ-ອາຊຽນສະໄໝວິສາມັນໃນຄັ້ງນີ້ແມ່ນຈີນໃນຖານະເປັນເຈົ້າພາບເຊື້ອເຊີນລັດຖະມົນຕີການຕ່າງປະເທດຂອງບັນດາປະເທດອາຊຽນມາຮ່ວມປະຊຸມ, ໄດ້ສະແດງຄວາມຫ້າວຫັນແລະຄວາມເປັນເຈົ້າການໃນການຂະຫຍາຍການພົວພັນລະຫວ່າງຈີນກັບອາຊຽນ, ແລະສະແດງໃຫ້ເຫັນເຖິງຈີນຍິນດີປຶກສາຫາລືກັບບັນດາປະເທດອາຊຽນກ່ຽວກັບການຮ່ວມມືສອງຝ່າຍແລະບັນຫາທີ່ກ່ຽວຂ້ອງອື່ນໆ."
ທ່ານຢວນຈົ່ງເຈີກ່າວຕື່ມວ່າ, "ໃນຂະນະທີ່ຈີນຂະຫຍາຍການພົວພັນກັບອາຊຽນ, ຈີນກໍ່ມີຄວາມປາຖະໜາມາໂດຍຕະຫຼອດທີ່ຫວັງໃຫ້ການພັດທະນາຂອງຕົນສາມາດນຳມາເຊິ່ງຜົນປະໂຫຍດແກ່ປະເທດອ້ອມຂ້າງ. ບິແບ່ງໝາກຜົນດ້ານການພັດທະນາຮ່ວມ, ໄດ້ສະແດງທ່າທີດ້ວຍຄວາມຈິງໃຈທີ່ສຸດຂອງຈີນ. ການຂະຫຍາຍການພົວພັນລະຫວ່າງຈີນ-ອາຊຽນ, ກໍ່ໄດ້ຊຸກຍູ້ການຮ່ວມມືລະຫວ່າງປະເທດອື່ນໆກັບອາຊຽນ ແລະການຮ່ວມມືລະຫວ່າງບັນດາປະເທດອາຊຽນ."
ທ່ານສີຈ້ຽນໂກ໋, ຫົວໜ້າສູນຄົ້ນຄວ້າອາຊີປາຊີຟິກຂອງກອງທຶນຄົ້ນຄວ້າບັນຫາສາກົນຈີນ, ອະດີດເອກອັກຄະລັດຖະທູດຈີນປະຈຳຫວຽດນາມກ່າວວ່າ, "ກອງປະຊຸມລັດຖະມົນຕີການຕ່າງປະເທດຈີນ-ອາຊຽນສະໄໝວິສາມັນຄັ້ງນີ້ມີຫວັງຈະສາມາດຍົກລະດັບເຂດການຄ້າເສລີຈີນ-ອາຊຽນ, ແລະວາງແຜນການຮ່ວມມືທີ່ແທ້ຈິງແລະລະອຽດກວ່າເກົ່າ."
ກ່ຽວກັບບັນຫາທະເລຈີນໃຕ້, ທ່ານສີຈ້ຽນໂກ໋ກ່າວວ່າ, "ເຖິງວ່າບາງປະເທດອາດຈະກ່າວເຖິງບັນຫາທະເລຈີນໃຕ້, ແຕ່ນີ້ຈະບໍ່ແມ່ນຈຸດໜັກຂອງກອງປະຊຸມລັດຖະມົນຕີການຕ່າງປະເທດສະໄໝວິສາມັນຄັ້ງນີ້." ທ່ານຢວນຈົ່ງເຈີ້ກ່າວວ່າ: "ອາຊຽນນັບມື້ນັບໄດ້ຮັບຮູ້ວ່າ, ບັນຫາທະເລຈີນໃຕ້ພຽງແຕ່ແມ່ນບັນຫາລະຫວ່າງຈີນກັບບາງປະເທດໃນອາຊຽນເທົ່ານັ້ນ, ບໍ່ຄວນໃຫ້ມີຜົນກະທົບຕໍ່ພາກສ່ວນໃຫຍ່ຂອງການພົວພັນລະຫວ່າງອາຊຽນກັບຈີນ. ການພັດທະນາຂອງຈີນແລະອາຊຽນພວມກາຍເປັນເປັນໂອກາດເຊິ່ງກັນແລະກັນ, ມີທ່າອ່ຽງການຮ່ວມມືທີ່ດີ, ສອງຝ່າຍຄວນຖືພາກສ່ວນໃຫຍ່ເປັນຫຼັກ, ກຳຈັດສິ່ງລົບກວນຕ່າງໆ, ດຳເນີນການຮ່ວມມືທີ່ແໜ້ນແຟ້ນກວ່າເກົ່າ." ທ່ານສີຈ້ຽນໂກ໋ກ່າວຕື່ມວ່າ, ປະເທດທີ່ກ່ຽວຂ້ອງຄວນແກ້ໄຂບັນຫາຄວາມຂັດແຍ້ງກັນດ້ານອະທິປະໄຕໂດຍຜ່ານການປຶກສາຫາລືສອງຝ່າຍຫາກບໍ່ແມ່ນຜ່ານເວທີອາຊຽນ.
