ທ່ານຫວາງອີ້ສົນທະນາຜ່ານທາງໂທລະສັບກັບຝ່າຍຕ່າງໆທີ່ກ່ຽວຂ້ອງກ່ຽວກັບສະຖານະການຊີຣີ
(GMT+08:00) 2013-08-30 15:20:36 cri
ຕາມຂ່າວCRI: ວັນທີ 29 ສິງຫານີ້, ທ່ານຫວາງອີ້, ລັດຖະມົນຕີວ່າການກະຊວງການຕ່າງປະເທດຈີນໄດ້ສົນທະນາຜ່ານທາງໂທລະສັບກັບທ່ານບັນກີມູນ, ເລຂາທິການໃຫຍ່ສະຫະປະຊາຊາດ, ທ່ານກີວໂດ ເວີສເທີເວວເລ, ລັດຖະມົນຕີວ່າການກະຊວງການຕ່າງປະເທດເຢຍລະມັນ, ແລະທ່ານນາບິວ ອາຣາບີ, ເລຂາທິການໃຫຍ່ສັນນິບາດອາຣັບກ່ຽວກັບສະຖານະການຢູ່ຊີຣີ.
ໃນເວລາສົນທະນາຜ່ານທາງໂທລະສັບກັບທ່ານບັນກີມູນ, ເລຂາທິການໃຫຍ່ອົງການສະຫະປະຊາຊາດ, ທ່ານຫວາງອີ້ກ່າວເນັ້ນວ່າ, ໜ່ວຍກວດກາອາວຸດເຄມີຂອງສະຫະປະຊາຊາດພວມດຳເນີນການກວດກາຢູ່ຊີຣີ, ຈີນເດັດດ່ຽວສະໜັບສະໜູນໜ່ວຍກວດກາດຳເນີນການກວດກາທີ່ເປັນອິດສະຫຼະ, ຍຸດຕິທຳ, ພາວະວິໄສແລະດ້ວຍວິຊາສະເພາະພາຍໃຕ້ສະພາບທີ່ບໍ່ມີຄວາມກົດດັນຈາກພາຍນອກແລະບໍ່ມີສິ່ງລົບກວນໃດໆ. ຝ່າຍຕ່າງໆຄວນສ້າງເງື່ອນໄຂໃຫ້ແກ່ໜ່ວຍກວດກາໃນການດຳເນີນວຽກງານ. ກ່ອນຈະສາມາດສືບສວນຫາຄວາມຈິງໄດ້, ຝ່າຍຕ່າງໆຄວນຫຼີກເວັ້ນການຄາດເດົາຜົນລ່ວງໜ້າ, ຍິ່ງບໍ່ຄວນບັງຄັບແລະຊຸກຍູ້ໃຫ້ສະພາຄວາມໝັ້ນຄົງ ສປຊໃຊ້ການກະທຳ.
ທ່ານບັນກີມູນໄດ້ສະແດງຄວາມຍ້ອງຍໍຕໍ່ທ່າທີທີ່ມີຄວາມຮັບຜິດຊອບຂອງຈີນ, ແລະກ່າວວ່າຄວນຍຶດໝັ້ນແກ້ໄຂບັນຫາຊີຣີດ້ວຍວິທີທາງການເມືອງ, ຍິນດີຮັກສາການຕິດຕໍ່ພົວພັນກັບຈີນກ່ຽວກັບບັນຫາທີ່ກ່ຽວຂ້ອງ.
ໃນເວລາສົນທະນາຜ່ານທາງໂທລະສັບກັບທ່ານກີວໂດ ເວີສເທີເວວເລ, ລັດຖະມົນຕີວ່າການກະຊວງການຕ່າງປະເທດເຢຍລະມັນ, ແລະທ່ານນາບິວ ອາຣາບີ, ເລຂາທິການໃຫຍ່ສັນນິບາດອາຣັບ, ທ່ານຫວາງອີ້ກ່າວເນັ້ນວ່າ, ຈີນຄັດຄ້ານຝ່າຍໃດໆທີ່ໃຊ້ອາວຸດເຄມີ, ຖ້າຝ່າຍໃດໃຊ້ແລ້ວຝ່າຍນັ້ນກໍ່ຕ້ອງຮັບຜິດຊອບ. ທ່ານຫວາງອີ້ກ່າວຢ້ຳວ່າ, ໃນບັນຫາກ່ຽວກັບສົງຄາມແລະສັນຕິພາບ, ຝ່າຍຕ່າງໆຄວນຮັກສາຄວາມອົດທົນແລະພາວະວິໄສ. ການແກ້ໄຂບັນຫາຊີຣີໂດຍຜ່ານຊອງທາງການເມືອງຍັງຄົງແມ່ນທາງອອກຕົວຈິງພຽງໜຶ່ງດຽວ.
ທ່ານກີວໂດ ເວີສເທີເວວເລກ່າວວ່າ, ການແກ້ໄຂບັນຫາໂດຍຜ່ານຊ່ອງທາງການເມືອງມີຄວາມສຳຄັນທີ່ສຸດ, ແລະຄວນໃຫ້ຄວາມສຳຄັນຕໍ່ບັນຫາໃນປະຈຸບັນ, ຫວັງວ່າຈະສາມາດຮັກສາການຕິດຕໍ່ພົວພັນກັບຈີນໄວ້ໄດ້.
ທ່ານນາບິວ ອາຣາບີກ່າວວ່າ, ສັນນິບາດອາຣັບຍຶດໝັ້ນໃນຫຼັກການເພື່ອແກ້ໄຂບັນຫາຊີຣີດ້ວຍວິທີທາງການເມືອງ, ຫວັງວ່າຈະສາມາດແກ້ໄຂບັນຫາໃນປະຈຸບັນໂດຍຜ່ານສະພາຄວາມໝັ້ນຄົງອົງການສະຫະປະຊາຊາດ.
ໃນເວລາສົນທະນາຜ່ານທາງໂທລະສັບກັບທ່ານບັນກີມູນ, ເລຂາທິການໃຫຍ່ອົງການສະຫະປະຊາຊາດ, ທ່ານຫວາງອີ້ກ່າວເນັ້ນວ່າ, ໜ່ວຍກວດກາອາວຸດເຄມີຂອງສະຫະປະຊາຊາດພວມດຳເນີນການກວດກາຢູ່ຊີຣີ, ຈີນເດັດດ່ຽວສະໜັບສະໜູນໜ່ວຍກວດກາດຳເນີນການກວດກາທີ່ເປັນອິດສະຫຼະ, ຍຸດຕິທຳ, ພາວະວິໄສແລະດ້ວຍວິຊາສະເພາະພາຍໃຕ້ສະພາບທີ່ບໍ່ມີຄວາມກົດດັນຈາກພາຍນອກແລະບໍ່ມີສິ່ງລົບກວນໃດໆ. ຝ່າຍຕ່າງໆຄວນສ້າງເງື່ອນໄຂໃຫ້ແກ່ໜ່ວຍກວດກາໃນການດຳເນີນວຽກງານ. ກ່ອນຈະສາມາດສືບສວນຫາຄວາມຈິງໄດ້, ຝ່າຍຕ່າງໆຄວນຫຼີກເວັ້ນການຄາດເດົາຜົນລ່ວງໜ້າ, ຍິ່ງບໍ່ຄວນບັງຄັບແລະຊຸກຍູ້ໃຫ້ສະພາຄວາມໝັ້ນຄົງ ສປຊໃຊ້ການກະທຳ.
ທ່ານບັນກີມູນໄດ້ສະແດງຄວາມຍ້ອງຍໍຕໍ່ທ່າທີທີ່ມີຄວາມຮັບຜິດຊອບຂອງຈີນ, ແລະກ່າວວ່າຄວນຍຶດໝັ້ນແກ້ໄຂບັນຫາຊີຣີດ້ວຍວິທີທາງການເມືອງ, ຍິນດີຮັກສາການຕິດຕໍ່ພົວພັນກັບຈີນກ່ຽວກັບບັນຫາທີ່ກ່ຽວຂ້ອງ.
ໃນເວລາສົນທະນາຜ່ານທາງໂທລະສັບກັບທ່ານກີວໂດ ເວີສເທີເວວເລ, ລັດຖະມົນຕີວ່າການກະຊວງການຕ່າງປະເທດເຢຍລະມັນ, ແລະທ່ານນາບິວ ອາຣາບີ, ເລຂາທິການໃຫຍ່ສັນນິບາດອາຣັບ, ທ່ານຫວາງອີ້ກ່າວເນັ້ນວ່າ, ຈີນຄັດຄ້ານຝ່າຍໃດໆທີ່ໃຊ້ອາວຸດເຄມີ, ຖ້າຝ່າຍໃດໃຊ້ແລ້ວຝ່າຍນັ້ນກໍ່ຕ້ອງຮັບຜິດຊອບ. ທ່ານຫວາງອີ້ກ່າວຢ້ຳວ່າ, ໃນບັນຫາກ່ຽວກັບສົງຄາມແລະສັນຕິພາບ, ຝ່າຍຕ່າງໆຄວນຮັກສາຄວາມອົດທົນແລະພາວະວິໄສ. ການແກ້ໄຂບັນຫາຊີຣີໂດຍຜ່ານຊອງທາງການເມືອງຍັງຄົງແມ່ນທາງອອກຕົວຈິງພຽງໜຶ່ງດຽວ.
ທ່ານກີວໂດ ເວີສເທີເວວເລກ່າວວ່າ, ການແກ້ໄຂບັນຫາໂດຍຜ່ານຊ່ອງທາງການເມືອງມີຄວາມສຳຄັນທີ່ສຸດ, ແລະຄວນໃຫ້ຄວາມສຳຄັນຕໍ່ບັນຫາໃນປະຈຸບັນ, ຫວັງວ່າຈະສາມາດຮັກສາການຕິດຕໍ່ພົວພັນກັບຈີນໄວ້ໄດ້.
ທ່ານນາບິວ ອາຣາບີກ່າວວ່າ, ສັນນິບາດອາຣັບຍຶດໝັ້ນໃນຫຼັກການເພື່ອແກ້ໄຂບັນຫາຊີຣີດ້ວຍວິທີທາງການເມືອງ, ຫວັງວ່າຈະສາມາດແກ້ໄຂບັນຫາໃນປະຈຸບັນໂດຍຜ່ານສະພາຄວາມໝັ້ນຄົງອົງການສະຫະປະຊາຊາດ.
