ແຜ່ນດິນໄຫວຂັ້ນ 5,9 ລິກເທີສ້າງຜົນກະທົບອັນໜັກໜ່ວງຕໍ່ກິ່ງແຂວງຕີຊີ້ງແຂວງຢຸນນານ
(GMT+08:00) 2013-09-01 13:51:14 cri
ວັນທີ 31 ສິງຫາແລ້ວນີ້,ຢູ່ເຂດແດນຕໍ່ແດນລະຫວ່າງເມືອງຊຽງກຼີລາ,ເມືອງເຕີຊີ່ນ ກິ່ງແຂວງຕີຊີ້ງແຂວງຢຸນນານກັບເມືອງເຕີຢົງແຂວງເສສວນຈີນໄດ້ເກີດໄພແຜ່ນດິນໄຫວຂັ້ນ 5,9 ລິກເທີ.ມາຮອດປະຈຸບັນ,ໄດ້ມີ 3 ຄົນເສຍຊີວິດ,ອີກ 36 ຄົນໄດ້ຮັບບາດເຈັບ,ເຮືອນປະຊາຊົນຫຼາຍຫຼັງໄດ້ພັງທະລາຍ,ສິ່ງກໍ່ສ້າງພື້ນຖານໂຄງລ່າງດ້ານຄົມມະນາຄົມ,ໄຟຟ້າແລະການສື່ສານໄດ້ຖືກທຳລາຍຢ່າງໜັກໜ່ວງ. ປະຈຸບັນ,ເຂດປະສົບໄພກຳລັງອອກແຮງສຸດຂີດເພື່ອຕ້ານໄພກູ້ໄພ.
ພາຍຫຼັງໄດ້ເກີດໄພແຜ່ນດິນໄຫວ,ແຂວງຢຸນນານໄດ້ເລີ່ມຕົ້ນການຮັບມືໄພແຜ່ນດິນໄຫວລະດັບ 3 ຢ່າງຮີບດ່ວນ.ພະແນກການປົກຄອງແລະປະຊາສົງເຄາະແຂວງຢຸນນານໄດ້ເບີກວັດຖຸຊ່ວຍເຫຼືອເຊັ່ນຕູ້ຜ້າເຕັນ,ຕຽງແລະເຄື່ອງປູຕຽງເປັນຕົ້ນສົ່ງໄປສູ່ເຂດປະສົບໄພກິ່ງແຂວງ ຕີຊີ້ງ.
ປະຈຸບັນ,ຜູ້ໄດ້ຮັບບາດເຈັບໃນໄພແຜ່ນດິນໄຫວໄດ້ຖືກສົ່ງໄປປິ່ວປົວຢູ່ໂຮງໝໍ,ມີ 4 ຄົນໄດ້ຮັບບາດເຈັບໜັກ,ແຕ່ບໍ່ເຖິງຄວາມອັນຕະລາຍທີ່ຈະເສຍຊີວິດ.ພະແນກສາທາລະນະສຸກແຂວງຢຸນນານໄດ້ສົ່ງໜ່ວຍປິ່ນປົວແລະໜ່ວຍປ້ອງກັນພະຍາດໄປສູ່ເຂດປະສົບໄພ,ຢາດັບເຊື້ອແລະອຸປະກອນຕ່າງໆກໍ່ໄດ້ຖືກສົ່ງໄປຮອດແລ້ວ,ຕໍ່ມາຈະດຳເນີນວຽກງານດັບເຊື້ອແລະປ້ອງກັນພະຍາດຢ່າງຮອບດ້ານຢູ່ບ່ອນຢູ່ຊົ່ວຄາວຂອງຜູ້ປະສົບໄພແລະແຫ່ງອື່ນໆຂອງເຂດປະສົບໄພ.
ພາຍຫຼັງໄດ້ເກີດໄພແຜ່ນດິນໄຫວ,ແຂວງຢຸນນານໄດ້ເລີ່ມຕົ້ນການຮັບມືໄພແຜ່ນດິນໄຫວລະດັບ 3 ຢ່າງຮີບດ່ວນ.ພະແນກການປົກຄອງແລະປະຊາສົງເຄາະແຂວງຢຸນນານໄດ້ເບີກວັດຖຸຊ່ວຍເຫຼືອເຊັ່ນຕູ້ຜ້າເຕັນ,ຕຽງແລະເຄື່ອງປູຕຽງເປັນຕົ້ນສົ່ງໄປສູ່ເຂດປະສົບໄພກິ່ງແຂວງ ຕີຊີ້ງ.
ປະຈຸບັນ,ຜູ້ໄດ້ຮັບບາດເຈັບໃນໄພແຜ່ນດິນໄຫວໄດ້ຖືກສົ່ງໄປປິ່ວປົວຢູ່ໂຮງໝໍ,ມີ 4 ຄົນໄດ້ຮັບບາດເຈັບໜັກ,ແຕ່ບໍ່ເຖິງຄວາມອັນຕະລາຍທີ່ຈະເສຍຊີວິດ.ພະແນກສາທາລະນະສຸກແຂວງຢຸນນານໄດ້ສົ່ງໜ່ວຍປິ່ນປົວແລະໜ່ວຍປ້ອງກັນພະຍາດໄປສູ່ເຂດປະສົບໄພ,ຢາດັບເຊື້ອແລະອຸປະກອນຕ່າງໆກໍ່ໄດ້ຖືກສົ່ງໄປຮອດແລ້ວ,ຕໍ່ມາຈະດຳເນີນວຽກງານດັບເຊື້ອແລະປ້ອງກັນພະຍາດຢ່າງຮອບດ້ານຢູ່ບ່ອນຢູ່ຊົ່ວຄາວຂອງຜູ້ປະສົບໄພແລະແຫ່ງອື່ນໆຂອງເຂດປະສົບໄພ.
