ນາຍົກລັດຖະມົນຕີຈີນພົບປະກັບຜູ້ນຳປະເທດອາຊຽນ
(GMT+08:00) 2013-09-03 10:40:33 cri
ວັນທີ 2 ກັນຍານີ້, ຢູ່ນະຄອນນານນິງເຂດປົກຄອງຕົນເອງເຜົ່າຈວ້າງກວາງຊີຂອງຈີນ, ທ່ານລີເຄີ້ສຽງ ນາຍົກລັດຖະມົນຕີຈີນໄດ້ພົບປະກັບຜູ້ນຳປະເທດອາຊຽນທີ່ເດີນທາງມາເຂົ້າຮ່ວມງານວາງສະແດງສິນຄ້າຈີນ-ອາຊຽນຄັ້ງທີ 10 ແລະກອງປະຊຸມສຸດຍອດການຄ້າແລະການລົງທຶນຈີນ-ອາຊຽນຄັ້ງທີ 10 ຄືທ່ານເທັນເຊັນ ປະທານາທິບໍດີມຽນມາ, ທ່ານຮຸນແຊນ ນາຍົກລັດຖະມົນຕີກຳປູເຈຍ, ທ່ານທອງສິງທຳມະວົງ ນາຍົກລັດຖະມົນຕີລາວ, ທ່ານນາງຍິ່ງລັກຊິນນະວັດ ນາຍົກລັດຖະມົນຕີໄທ, ທ່ານຫວຽນເຕິນຢຸງ ນາຍົກລັດຖະມົນຕີຫວຽດນາມແລະທ່ານເທວຈີເຮັນ ຮອງນາຍົກລັດຖະມົນຕີສິງກະໂປ.
ທ່ານນາຍົກລັດຖະມົນຕີລີເຄີ້ສຽງກ່າວວ່າ: ການເພີ່ມທະວີການຮ່ວມມືຍຸດທະສາດກັບອາຊຽນຕື່ມອີກແມ່ນນະໂຍບາຍທີ່ເດັດດ່ຽວໜຽວແໜ້ນຂອງຄະນະລັດຖະບານຈີນຊຸດໃໝ່. ພວກຂ້າພະເຈົ້າຍິນດີຮ່ວມກັບບັນດາປະເທດໃນອາຊຽນກຳແໜ້ນໂອກາດ, ສ້າງເຂດການຄ້າເສລີຈີນອາຊຽນໃຫ້ມີລະດັບສູງຂຶ້ນ, ສ້າງເວທີການລົງທຶນແລະລະດົມທຶນເພື່ອການກໍ່ສ້າງພື້ນຖານໂຄງລ່າງຂອງອາຊີ, ຕັ້ງໜ້າດຳເນີນການຮ່ວມມືທາງທະເລ, ແກ້ໄຂຄວາມຂັດແຍ້ງກັນຢ່າງເໝາະສົມ, ຊຸກຍູ້ການພົວພັນລະຫວ່າງຈີນກັບອາຊຽນໃຫ້ໄດ້ຮັບການພັດທະນາຫຼາຍກວ່າເກົ່າໃນທົດສະວັດຕໍ່ໄປ.
ຜູ້ນຳປະເທດອາຊຽນກ່າວເປັນສຽງດຽວກັນວ່າ, ການພົວພັນລະຫວ່າງອາຊຽນກັບຈີນມີການພັດທະນາຢ່າງຮອບດ້ານຊຶ່ງເປັນກຳລັງອັນແຂງແຮງໃນການຊຸກຍູ້ໃຫ້ພາກພື້ນນີ້ມີສັນຕິພາບ,ສະຖຽນລະພາບແລະຄວາມຈະເລີນຮຸ່ງເຮືອງ. ຈີນແມ່ນບ້ານໃກ້ເຮືອນຄຽງທີ່ມີໄມຕີຈິດມິດຕະພາບແລະຄູ່ຮ່ວມມືທີ່ຈິງໃຈຂອງປະເທດອາຊຽນ, ປະເທດອາຊຽນຍິນດີຮ່ວມມືກັບຈີນ,ທຳຄວາມພະຍາຍາມໃນການຊຸກຍູ້ໃຫ້ການພົວພັນລະຫວ່າງສອງຝ່າຍກ້າວຂຶ້ນສູ່ລະດັບສູງກວ່າເກົ່າ.
ທ່ານນາຍົກລັດຖະມົນຕີລີເຄີ້ສຽງກ່າວວ່າ: ການເພີ່ມທະວີການຮ່ວມມືຍຸດທະສາດກັບອາຊຽນຕື່ມອີກແມ່ນນະໂຍບາຍທີ່ເດັດດ່ຽວໜຽວແໜ້ນຂອງຄະນະລັດຖະບານຈີນຊຸດໃໝ່. ພວກຂ້າພະເຈົ້າຍິນດີຮ່ວມກັບບັນດາປະເທດໃນອາຊຽນກຳແໜ້ນໂອກາດ, ສ້າງເຂດການຄ້າເສລີຈີນອາຊຽນໃຫ້ມີລະດັບສູງຂຶ້ນ, ສ້າງເວທີການລົງທຶນແລະລະດົມທຶນເພື່ອການກໍ່ສ້າງພື້ນຖານໂຄງລ່າງຂອງອາຊີ, ຕັ້ງໜ້າດຳເນີນການຮ່ວມມືທາງທະເລ, ແກ້ໄຂຄວາມຂັດແຍ້ງກັນຢ່າງເໝາະສົມ, ຊຸກຍູ້ການພົວພັນລະຫວ່າງຈີນກັບອາຊຽນໃຫ້ໄດ້ຮັບການພັດທະນາຫຼາຍກວ່າເກົ່າໃນທົດສະວັດຕໍ່ໄປ.
ຜູ້ນຳປະເທດອາຊຽນກ່າວເປັນສຽງດຽວກັນວ່າ, ການພົວພັນລະຫວ່າງອາຊຽນກັບຈີນມີການພັດທະນາຢ່າງຮອບດ້ານຊຶ່ງເປັນກຳລັງອັນແຂງແຮງໃນການຊຸກຍູ້ໃຫ້ພາກພື້ນນີ້ມີສັນຕິພາບ,ສະຖຽນລະພາບແລະຄວາມຈະເລີນຮຸ່ງເຮືອງ. ຈີນແມ່ນບ້ານໃກ້ເຮືອນຄຽງທີ່ມີໄມຕີຈິດມິດຕະພາບແລະຄູ່ຮ່ວມມືທີ່ຈິງໃຈຂອງປະເທດອາຊຽນ, ປະເທດອາຊຽນຍິນດີຮ່ວມມືກັບຈີນ,ທຳຄວາມພະຍາຍາມໃນການຊຸກຍູ້ໃຫ້ການພົວພັນລະຫວ່າງສອງຝ່າຍກ້າວຂຶ້ນສູ່ລະດັບສູງກວ່າເກົ່າ.
