ເຂດການຄ້າເສລີຈີນ-ອາຊຽນໄດ້ສ້າງໂອກາດການຄ້າຢ່າງຫຼວງຫຼາຍໃຫ້ແກ່ວິສາຫະກິດທັງສອງຝ່າຍໃນການຮ່ວມມືແບບຊ່ວຍຊູຍູ້ໜູນກັນ
(GMT+08:00) 2013-09-04 12:47:40 cri
ວັນທີ 3 ກັນຍານີ້, ທ່ານເລເລືອງມິງ ເລຂາທິການໃຫຍ່ອາຊຽນໄດ້ກ່າວໃນພິທີໄຂງານວາງສະແດງສິນຄ້າຈີນ-ອາຊຽນຄັ້ງທີ 10 ວ່າ, ໃນໄລຍະ 10 ປີຜ່ານມາ, ພາຍໃຕ້ຂອບການພົວພັນຄູ່ຮ່ວມມືຍຸດທະສາດລະຫວ່າງຈີນກັບອາຊຽນ, ງານວາງສະແດງສິນຄ້າຈີນ-ອາຊຽນໄດ້ຊຸກຍູ້ການກໍ່ສ້າງເຂດການຄ້າເສລີຈີນ-ອາຊຽນຢ່າງສຳເລັດຜົນ, ຊຶ່ງໄດ້ສ້າງໂອກາດຈຳນວນຫຼວງຫຼາຍໃຫ້ແກ່ການຮ່ວມມືດ້ານເສດຖະກິດການຄ້າລະຫວ່າງສອງຝ່າຍ.
ທ່ານເລເລືອງມິງກ່າວວ່າ, ເຂດການຄ້າເສລີຈີນ-ອາຊຽນໄດ້ສ້າງໂອກາດການຄ້າຢ່າງຫຼວງຫຼາຍໃຫ້ແກ່ການຮ່ວມມືແບບຊ່ວຍຊູຍູ້ໜູນກັນລະຫວ່າງບໍລິສັດຂອງສອງຝ່າຍ. ເຂດການຄ້າເສລີຈີນ-ອາຊຽນມີຕະຫຼາດການບໍລິໂພກທີ່ໃຫຍ່ທີ່ສຸດຂອງໂລກ,ຄືມີຜູ້ບໍລິໂພກເຖິງ 1ຕື້ 950 ລ້ານຄົນ. ລວມຍອດGDPໃນປີ2012ຜ່ານມາໄດ້ມີເຖິງ 1ໝື່ນ527ຕື້ໂດລາ. ບັນດາປະເທດສະມາຊິກອາຊຽນແລະຈີນລ້ວນແຕ່ມີເຕັກໂນໂລຊີແລະຊັບພະຍາກອນທີ່ອຸດົມສົມບູນ, ສອງຝ່າຍສາມາດຮ່ວມກັນນຳໃຊ້ຊັບພະຍາກອນເຫຼົ່ານີ້ໃຫ້ຫັນເປັນກຳລັງຕົ້ນຕໍຕົວຈິງ, ເພື່ອເຮັດໃຫ້ວິສາຫະກິດຂອງປະເທດຕົນສາມາດມີການພັດທະນາຢ່າງມີຊີວິດຊີວາໃນຕະຫຼາດພາກພື້ນແຫ່ງນີ້ກໍ່ຄືຕະຫຼາດທົ່ວໂລກ. ເນື່ອງໃນໂອກາດທີ່ຈີນແລະອາຊຽນສ້າງສາຍພົວພັນຄູ່ຮ່ວມມືຍຸດທະສາດຄົບຮອບ 10 ປີ, ສອງຝ່າຍຄວນພະຍາຍາມນຳໃຊ້ໂອກາດໃຫ້ໄດ້ຮັບປະສິດທິຜົນຫຼາຍທີ່ສຸດ, ເຮັດໃຫ້ການຮ່ວມມືດ້ານເສດຖະກິດການຄ້າລະຫວ່າງສອງຝ່າຍກ້າວຂຶ້ນສູ່ລະດັບໃໝ່.
ທ່ານເລເລືອງມິງກ່າວວ່າ, ເຂດການຄ້າເສລີຈີນ-ອາຊຽນໄດ້ສ້າງໂອກາດການຄ້າຢ່າງຫຼວງຫຼາຍໃຫ້ແກ່ການຮ່ວມມືແບບຊ່ວຍຊູຍູ້ໜູນກັນລະຫວ່າງບໍລິສັດຂອງສອງຝ່າຍ. ເຂດການຄ້າເສລີຈີນ-ອາຊຽນມີຕະຫຼາດການບໍລິໂພກທີ່ໃຫຍ່ທີ່ສຸດຂອງໂລກ,ຄືມີຜູ້ບໍລິໂພກເຖິງ 1ຕື້ 950 ລ້ານຄົນ. ລວມຍອດGDPໃນປີ2012ຜ່ານມາໄດ້ມີເຖິງ 1ໝື່ນ527ຕື້ໂດລາ. ບັນດາປະເທດສະມາຊິກອາຊຽນແລະຈີນລ້ວນແຕ່ມີເຕັກໂນໂລຊີແລະຊັບພະຍາກອນທີ່ອຸດົມສົມບູນ, ສອງຝ່າຍສາມາດຮ່ວມກັນນຳໃຊ້ຊັບພະຍາກອນເຫຼົ່ານີ້ໃຫ້ຫັນເປັນກຳລັງຕົ້ນຕໍຕົວຈິງ, ເພື່ອເຮັດໃຫ້ວິສາຫະກິດຂອງປະເທດຕົນສາມາດມີການພັດທະນາຢ່າງມີຊີວິດຊີວາໃນຕະຫຼາດພາກພື້ນແຫ່ງນີ້ກໍ່ຄືຕະຫຼາດທົ່ວໂລກ. ເນື່ອງໃນໂອກາດທີ່ຈີນແລະອາຊຽນສ້າງສາຍພົວພັນຄູ່ຮ່ວມມືຍຸດທະສາດຄົບຮອບ 10 ປີ, ສອງຝ່າຍຄວນພະຍາຍາມນຳໃຊ້ໂອກາດໃຫ້ໄດ້ຮັບປະສິດທິຜົນຫຼາຍທີ່ສຸດ, ເຮັດໃຫ້ການຮ່ວມມືດ້ານເສດຖະກິດການຄ້າລະຫວ່າງສອງຝ່າຍກ້າວຂຶ້ນສູ່ລະດັບໃໝ່.
