ຈີນຕັ້ງໜ້າຊຸກຍູ້ການກໍ່ສ້າງທາງລົດໄຟຜ່ານອາຊີ
(GMT+08:00) 2013-09-04 12:49:21 cri
ຢູ່ໃນກອງປະຊຸມສະໄໝວິສາມັນຂອງລັດຖະມົນຕີຄົມມະນາຄົມເພື່ອການເຊື່ອມຕໍ່ກັນລະຫວ່າງຈີນກັບອາຊຽນທີ່ຈັດຂຶ້ນໃນວັນທີ 2 ກັນຍານີ້ຢູ່ນະຄອນນານນິງເຂດປົກຄອງຕົນເອງເຜົ່າຈວ້າງກວາງຊີຈີນ, ທ່ານລູຊຸນຟາງຮອງຜູ້ອຳນວຍການໃຫຍ່ບໍລິສັດແມ່ທາງລົດໄຟຈີນກ່າວວ່າ: ປະຈຸບັນ, ທາງລົດໄຟຜ່ານອາຊີຕອນຢູ່ປະເທດຈີນໄດ້ສ້າງສຳເລັດແລ້ວ 150 ກິໂລແມັດ, ປະມານ 650 ກິໂລແມັດກຳລັງກໍ່ສ້າງຢູ່ແລະກຳລັງປະຕິບັດໂຄງການໄລຍະຕົ້ນປະມານ 700ກິໂລແມັດ.
ທາງລົດໄຟຜ່ານອາຊີສາຍຕາເວັນອອກຕອນຢູ່ປະເທດຈີນຄືແຕ່ນະຄອນຄຸນມິງຜ່ານເມືອງຢູ້ຊີ ເມືອງເມິງຈື້ ໄປເຖິງເມືອງເຮີໂຂວ ລວມທັງໝົດຍາວ377ກິໂລແມັດ. ທາງລົດໄຟຜ່ານອາຊີສາຍກາງຕອນຢູ່ປະເທດຈີນໄດ້ເຊື່ອມຕໍ່ທາງລົດໄຟຄຸນຢູ້ທີ່ສະຖານີຢູ້ຊີນານ, ຜ່ານເມືອງຊື່ມາວ, ຊຽງຮຸ່ງ, ຊ້າງຢຸງ ຮອດ ບໍ່ຫານ ຍາວປະມານ 600ກິໂລແມັດ. ທາງລົດໄຟຜ່ານອາຊີສາຍຕາເວັນຕົກຄືແຕ່ນະຄອນຄຸນມິງ ຜ່ານ ເມືອງກວາງທຸ່ງ, ເມືອງຕ້າລີ, ເມືອງປາວຊ່ານ ຮອດ ເມືອງຢຸ້ຍລີ້ ແລ້ວເຂົ້າສູ່ດິນແດນມຽນມາ, ຊຶ່ງທາງລົດໄຟຕອນນີ້ຍາວປະມານ 600ກິໂລແມັດ.
ທ່ານລູຊຸນຟາງກ່າວວ່າ, ການເລັ່ງລັດກໍ່ສ້າງທາງລົດໄຟສາກົນເພື່ອການເຊື່ອມຕໍ່ກັນລະຫວ່າງປະເທດເຊັ່ນທາງລົດໄຟຜ່ານອາຊີ ຊຶ່ງສາມາດເສີມຂະຫຍາຍທ່າແຮ່ງຂອງທາງລົດໄຟເພື່ອຊຸກຍູ້ການຮ່ວມມືດ້ານເສດຖະກິດຢ່າງເຕັມທີ່, ແລະມີຄວາມໝາຍສຳຄັນຕໍ່ການເປີດປະຕູສູ່ພາຍນອກຕື່ມອີກ, ເພີ່ມທະວີມິດຕະພາບຖານບ້ານໃກ້ເຮືອນຄຽງແລະ ຊຸກຍູ້ການຮ່ວມມືໃນພາກພື້ນ.
ທາງລົດໄຟຜ່ານອາຊີສາຍຕາເວັນອອກຕອນຢູ່ປະເທດຈີນຄືແຕ່ນະຄອນຄຸນມິງຜ່ານເມືອງຢູ້ຊີ ເມືອງເມິງຈື້ ໄປເຖິງເມືອງເຮີໂຂວ ລວມທັງໝົດຍາວ377ກິໂລແມັດ. ທາງລົດໄຟຜ່ານອາຊີສາຍກາງຕອນຢູ່ປະເທດຈີນໄດ້ເຊື່ອມຕໍ່ທາງລົດໄຟຄຸນຢູ້ທີ່ສະຖານີຢູ້ຊີນານ, ຜ່ານເມືອງຊື່ມາວ, ຊຽງຮຸ່ງ, ຊ້າງຢຸງ ຮອດ ບໍ່ຫານ ຍາວປະມານ 600ກິໂລແມັດ. ທາງລົດໄຟຜ່ານອາຊີສາຍຕາເວັນຕົກຄືແຕ່ນະຄອນຄຸນມິງ ຜ່ານ ເມືອງກວາງທຸ່ງ, ເມືອງຕ້າລີ, ເມືອງປາວຊ່ານ ຮອດ ເມືອງຢຸ້ຍລີ້ ແລ້ວເຂົ້າສູ່ດິນແດນມຽນມາ, ຊຶ່ງທາງລົດໄຟຕອນນີ້ຍາວປະມານ 600ກິໂລແມັດ.
ທ່ານລູຊຸນຟາງກ່າວວ່າ, ການເລັ່ງລັດກໍ່ສ້າງທາງລົດໄຟສາກົນເພື່ອການເຊື່ອມຕໍ່ກັນລະຫວ່າງປະເທດເຊັ່ນທາງລົດໄຟຜ່ານອາຊີ ຊຶ່ງສາມາດເສີມຂະຫຍາຍທ່າແຮ່ງຂອງທາງລົດໄຟເພື່ອຊຸກຍູ້ການຮ່ວມມືດ້ານເສດຖະກິດຢ່າງເຕັມທີ່, ແລະມີຄວາມໝາຍສຳຄັນຕໍ່ການເປີດປະຕູສູ່ພາຍນອກຕື່ມອີກ, ເພີ່ມທະວີມິດຕະພາບຖານບ້ານໃກ້ເຮືອນຄຽງແລະ ຊຸກຍູ້ການຮ່ວມມືໃນພາກພື້ນ.
