ທ່ານຫຼີເຄີ້ສຽງສະເໜີຂໍ້ລິເລີ່ມ 5 ຂໍ້ກ່ຽວກັບການເພີ່ມທະວີການຮ່ວມມືລະຫວ່າງຈີນ-ອາຊຽນ
(GMT+08:00) 2013-09-04 19:37:35 cri
ຕອນເຊົ້າວັນທີ 3 ກັນຍານີ້, ງານວາງສະແດງສິນຄ້າຈີນ-ອາຊຽນຄັ້ງທີ 10 ແລະກອງປະຊຸມສຸດຍອດການຄ້າແລະການລົງທຶນຈີນ-ອາຊຽນໄດ້ໄຂຂຶ້ນດ້ວຍບັນຍາກາດອັນຄຶກຄື້ນຢູ່ສູນວາງສະແດງສາກົນທີ່ນະຄອນນານນິງເຂດກວາງຊີຈີນ. ທ່ານຫຼີເຄີ້ສຽງ, ນາຍົກລັດຖະມົນຕີຈີນ, ທ່ານເທັນເຊັນ, ປະທານາທິບໍດີມຽນມາ, ທ່ານຮຸນແຊນ, ນາຍົກລັດຖະມົນຕີກຳປູເຈຍ, ທ່ານທອງສິງທຳມະວົງ, ນາຍົກລັດຖະມົນຕີລາວ, ທ່ານນາງຍິ່ງລັກ ຊິນນະວັດ, ນາຍົກລັດຖະມົນຕີໄທ, ທ່ານຫງວຽນເຕິນຢຸງ, ນາຍົກລັດຖະມົນຕີຫວຽດນາມ, ທ່ານເຕວຊີເຮັນ, ຮອງນາຍົກລັດຖະມົນຕີສິງກະໂປ ແລະທ່ານເລເລືອງມິງ,ເລຂາທິການໃຫຍ່ອາຊຽນໄດ້ເຂົ້າຮ່ວມພິທີແລະກ່າວຄຳປາໄສ.
ທ່ານຫຼີເຄີ້ສຽງໄດ້ສະເໜີຂໍ້ລິເລີ່ມ 5 ຂໍ້ກ່ຽວກັບການເພີ່ມທະວີການຮ່ວມມືລະຫວ່າງຈີນ-ອາຊຽນຕື່ມອີກ. ໜຶ່ງແມ່ນຍົກລະດັບເຂດການຄ້າເສລີຈີນ-ອາຊຽນໃຫ້ສູງຂຶ້ນ. ສອງຝ່າຍຄວນຫຼຸດພາສີລົງຕື່ມອີກ, ຕັ້ງໜ້າດຳເນີນການເຈລະຈາກ່ຽວກັບການໃຫ້ຄຳໝັ້ນສັນຍາດ້ານການຄ້າການບໍລິການງວດໃໝ່, ຊຸກຍູ້ການໄຂປະຕູທີ່ມີລັກສະນະທາດແທ້ໃນຂົງເຂດການລົງທຶນ. ສອງແມ່ນເລັ່ງລັດຊຸກຍູ້ການຮ່ວມມືແລະການເຊື່ອມໂຍງເຂົ້າກັນໃນຫຼາຍຂົງເຂດ,ເຊັ່ນ: ທາງຫຼວງ, ທາງລົດໄຟ, ການຂົນສົ່ງທາງນ້ຳ, ການຂົນສົ່ງທາງອາກາດ, ໂທລະຄົມມະນາຄົມ ແລະພະລັງງານເປັນຕົ້ນ. ສາມແມ່ນເພີ່ມທະວີການຮ່ວມມືດ້ານການເງິນ. ສີ່ແມ່ນດຳເນີນການຮ່ວມມືເທິງທະເລ, ໂດຍຈີນໄດ້ລິເລີ່ມໃຫ້ສ້າງ "ການພົວພັນຄູ່ຮ່ວມມືທາງທະເລລະຫວ່າງຈີນ-ອາຊຽນ". ຫ້າແມ່ນເພີ່ມທະວີການແລກປ່ຽນດ້ານວັດທະນະທຳ-ສັງຄົມ.ຈີນໄດ້ລິເລີ່ມໃຫ້ກຳນົດເອົາປີ 2014 ເປັນ "ປີແລກປ່ຽນໄມຕີຈິດມິດຕະພາບລະຫວ່າງຈີນ-ອາຊຽນ".
ທ່ານຫຼີເຄີ້ສຽງໄດ້ສະເໜີຂໍ້ລິເລີ່ມ 5 ຂໍ້ກ່ຽວກັບການເພີ່ມທະວີການຮ່ວມມືລະຫວ່າງຈີນ-ອາຊຽນຕື່ມອີກ. ໜຶ່ງແມ່ນຍົກລະດັບເຂດການຄ້າເສລີຈີນ-ອາຊຽນໃຫ້ສູງຂຶ້ນ. ສອງຝ່າຍຄວນຫຼຸດພາສີລົງຕື່ມອີກ, ຕັ້ງໜ້າດຳເນີນການເຈລະຈາກ່ຽວກັບການໃຫ້ຄຳໝັ້ນສັນຍາດ້ານການຄ້າການບໍລິການງວດໃໝ່, ຊຸກຍູ້ການໄຂປະຕູທີ່ມີລັກສະນະທາດແທ້ໃນຂົງເຂດການລົງທຶນ. ສອງແມ່ນເລັ່ງລັດຊຸກຍູ້ການຮ່ວມມືແລະການເຊື່ອມໂຍງເຂົ້າກັນໃນຫຼາຍຂົງເຂດ,ເຊັ່ນ: ທາງຫຼວງ, ທາງລົດໄຟ, ການຂົນສົ່ງທາງນ້ຳ, ການຂົນສົ່ງທາງອາກາດ, ໂທລະຄົມມະນາຄົມ ແລະພະລັງງານເປັນຕົ້ນ. ສາມແມ່ນເພີ່ມທະວີການຮ່ວມມືດ້ານການເງິນ. ສີ່ແມ່ນດຳເນີນການຮ່ວມມືເທິງທະເລ, ໂດຍຈີນໄດ້ລິເລີ່ມໃຫ້ສ້າງ "ການພົວພັນຄູ່ຮ່ວມມືທາງທະເລລະຫວ່າງຈີນ-ອາຊຽນ". ຫ້າແມ່ນເພີ່ມທະວີການແລກປ່ຽນດ້ານວັດທະນະທຳ-ສັງຄົມ.ຈີນໄດ້ລິເລີ່ມໃຫ້ກຳນົດເອົາປີ 2014 ເປັນ "ປີແລກປ່ຽນໄມຕີຈິດມິດຕະພາບລະຫວ່າງຈີນ-ອາຊຽນ".
