ກະຊວງການຕ່າງປະເທດຈີນກ່າວຢ້ຳວ່າການແກ້ໄຂບັນຫາຊີຣີດ້ວຍວິທີທາງການເມືອງແມ່ນທາງອອກພຽງທາງດຽວທີ່ຈະບັນລຸຜົນເປັນຈິງໄດ້
(GMT+08:00) 2013-09-05 14:37:02 cri
ໃນງານຖະແຫຼງຂ່າວທີ່ຈັດຂຶ້ນໃນວັນທີ 4 ກັນຍານີ້, ທ່ານຫົງເຫຼີຍ, ໂຄສົກກະຊວງການຕ່າງປະເທດຈີນກ່າວວ່າ, ຈີນກ່າວຢ້ຳວ່າການແກ້ໄຂບັນຫາຊີຣີດ້ວຍວິທີທາງການເມືອງແມ່ນທາງອອກພຽງທາງດຽວທີ່ຈະບັນລຸຜົນເປັນຈິງໄດ້.
ທ່ານຫົງເຫຼີຍກ່າວວ່າ, ພວກຂ້າພະເຈົ້າໄດ້ກ່າວຢ້ຳຫຼາຍເທື່ອແລ້ວວ່າ, ຈີນເຫັນວ່າການແກ້ໄຂບັນຫາຊີຣີດ້ວຍວິທີທາງການເມືອງແມ່ນທາງອອກພຽງທາງດຽວທີ່ຈະສາມາດບັນລຸຜົນເປັນຈິງໄດ້. ພວກຂ້າພະເຈົ້າເປັນຫ່ວງທີ່ສຸດຕໍ່ປະເທດທີ່ກ່ຽວຂ້ອງອາດຈະປະຕິບັດການເຄື່ອນໄຫວການທະຫານແຕ່ຝ່າຍດຽວ. ຈີນສະໜັບສະໜູນອົງການສະຫະປະຊາຊາດດຳເນີນການກວດກາທີ່ເປັນອິດສະຫຼະ, ຍຸດຕິທຳ, ພາວະວິໄສແລະເປັນແບບວິຊາການ. ຝ່າຍຕ່າງໆຄວນສ້າງເງື່ອນໄຂທີ່ດີໃຫ້ແກ່ໜ່ວຍກວດກາໃນການດຳເນີນວຽກງານຂອງຕົນ, ແລະລໍຖ້າຜົນການກວດກາຂອງອົງການສະຫະປະຊາຊາດ, ແລະບໍ່ຄວນສະຫຼຸບເຫດການກ່ອນ. ປະຊາຄົມໂລກຈະໃຊ້ມາດຕະການໃດໆລ້ວນແຕ່ຄວນປະຕິບັດຕາມຈຸດປະສົງຂອງ "ກົດບັດອົງການສະຫະປະຊາຊາດ" ແລະຫຼັກມາດຖານພື້ນຖານຂອງການພົວພັນສາກົນ, ຫຼີກເວັ້ນບໍ່ໃຫ້ບັນຫາຊີຣີສັບສົນຂຶ້ນກວ່າເກົ່າ, ຫຼີກເວັ້ນການສ້າງຄວາມຫາຍານະຫຼາຍກວ່າເກົ່າຕໍ່ເຂດຕາເວັນອອກກາງ.
ທ່ານຫົງເຫຼີຍກ່າວວ່າ, ພວກຂ້າພະເຈົ້າໄດ້ກ່າວຢ້ຳຫຼາຍເທື່ອແລ້ວວ່າ, ຈີນເຫັນວ່າການແກ້ໄຂບັນຫາຊີຣີດ້ວຍວິທີທາງການເມືອງແມ່ນທາງອອກພຽງທາງດຽວທີ່ຈະສາມາດບັນລຸຜົນເປັນຈິງໄດ້. ພວກຂ້າພະເຈົ້າເປັນຫ່ວງທີ່ສຸດຕໍ່ປະເທດທີ່ກ່ຽວຂ້ອງອາດຈະປະຕິບັດການເຄື່ອນໄຫວການທະຫານແຕ່ຝ່າຍດຽວ. ຈີນສະໜັບສະໜູນອົງການສະຫະປະຊາຊາດດຳເນີນການກວດກາທີ່ເປັນອິດສະຫຼະ, ຍຸດຕິທຳ, ພາວະວິໄສແລະເປັນແບບວິຊາການ. ຝ່າຍຕ່າງໆຄວນສ້າງເງື່ອນໄຂທີ່ດີໃຫ້ແກ່ໜ່ວຍກວດກາໃນການດຳເນີນວຽກງານຂອງຕົນ, ແລະລໍຖ້າຜົນການກວດກາຂອງອົງການສະຫະປະຊາຊາດ, ແລະບໍ່ຄວນສະຫຼຸບເຫດການກ່ອນ. ປະຊາຄົມໂລກຈະໃຊ້ມາດຕະການໃດໆລ້ວນແຕ່ຄວນປະຕິບັດຕາມຈຸດປະສົງຂອງ "ກົດບັດອົງການສະຫະປະຊາຊາດ" ແລະຫຼັກມາດຖານພື້ນຖານຂອງການພົວພັນສາກົນ, ຫຼີກເວັ້ນບໍ່ໃຫ້ບັນຫາຊີຣີສັບສົນຂຶ້ນກວ່າເກົ່າ, ຫຼີກເວັ້ນການສ້າງຄວາມຫາຍານະຫຼາຍກວ່າເກົ່າຕໍ່ເຂດຕາເວັນອອກກາງ.
