ນາຍົກຈີນກ່າວວ່າ ການຮ່ວມມືລະຫວ່າງຈີນກັບອາຊຽນຍ່ອມຈະມີອະນາຄົດທີ່ດີງາມ
(GMT+08:00) 2013-09-05 12:26:11 cri
ວັນທີ 3 ກັນຍານີ້, ທ່ານຫຼີເຄີ້ສຽງ ນາຍົກລັດຖະມົນຕີຈີນໄດ້ຢ້ຽມຢາມຫໍວາງສະແດງຂອງງານວາງສະແດງສິນຄ້າຈີນ-ອາຊຽນແລະພົບປະໂອ້ລົມກັບພະນັກງານແລະປະຊາຊົນເຂດປົກຄອງຕົນເອງເຜົ່າຈວ້າງກວາງຊີ ທີ່ນະຄອນນານນິງ. ທ່ານກ່າວວ່າ: ຈີນກັບອາຊຽນເປັນມະຫາຄອບຄົວ, ຈີນກັບປະເທດອາຊຽນມີວັດທະນະທຳທີ່ຄ້າຍຄືກັນ, ມີຄວາມປາຖະໜາຮ່ວມເພື່ອການພັດທະນາ, ການຮ່ວມມືລະຫວ່າງສອງຝ່າຍຍ່ອມຈະມີອະນາຄົດທີ່ດີງາມ.
ໃນໂອກາດຢ້ຽມຊົມຫໍວາງສະແດງ, ທ່ານຫຼີເຄີ້ສຽງກ່າວວ່າ: ເຂດກວາງຊີຕ້ອງກຳແໜ້ນໂອກາດສຳຄັນທີ່ການຮ່ວມມືລະຫວ່າງຈີນກັບອາຊຽນກຳລັງກ້າວເຂົ້າສູ່ "ທົດສະວັດເພັດພອຍອັນລ້ຳຄ່າ", ເຊື່ອມຕໍ່ຢ່າງໃກ້ຊິດກັບອາຊຽນທີ່ເປັນຕະຫຼາດໃຫຍ່ກວມປະຊາກອນ 600 ລ້ານຄົນ,ເສີມຂະຫຍາຍທ່າແຮງພິເສດໃນດ້ານທີ່ຕັ້ງພູມີພາກເຂດກວາງຊີທີ່ເປັນທາງຜ່ານໃຫຍ່ທີ່ສຳຄັນສຳລັບເຂດພາກຕາເວັນຕົກສຽງໃຕ້,ເຂດພາກກາງແລະພາກໃຕ້ຂອງຈີນອອກສູ່ທະເລນັ້ນຢ່າງເຕັມທີ່, ພະຍາຍາມສ້າງເສົາຄ້ຳຍຸດທະສາດທີ່ຊຸກຍູ້ການພັດທະນາເຂດພາກກາງຂອງຈີນ. ທ່ານຫຼີເຄີ້ສຽງກ່າວວ່າ, ທັງສອງຝ່າຍຈີນແລະອາຊຽນຕ້ອງເລັງໃສ່ຄວາມຕ້ອງການຕົວຈິງຂອງກັນແລະກັນ, ຊຸກຍູ້ການປະດິດສ້າງດ້ານວິທະຍາສາດເຕັກໂນໂລຊີຢ່າງບໍ່ຢຸດຢັ້ງ,ສົ່ງເສີມການນຳໃຊ້ຜະລິດຕະພັນ, ເຮັດແນວນີ້, ການຮ່ວມມືລະຫວ່າງສອງຝ່າຍຈິ່ງຈະມີອະນາຄົດກວ້າງຂວາງກວ່າເກົ່າ.
ໃນໂອກາດຢ້ຽມຊົມຫໍວາງສະແດງ, ທ່ານຫຼີເຄີ້ສຽງກ່າວວ່າ: ເຂດກວາງຊີຕ້ອງກຳແໜ້ນໂອກາດສຳຄັນທີ່ການຮ່ວມມືລະຫວ່າງຈີນກັບອາຊຽນກຳລັງກ້າວເຂົ້າສູ່ "ທົດສະວັດເພັດພອຍອັນລ້ຳຄ່າ", ເຊື່ອມຕໍ່ຢ່າງໃກ້ຊິດກັບອາຊຽນທີ່ເປັນຕະຫຼາດໃຫຍ່ກວມປະຊາກອນ 600 ລ້ານຄົນ,ເສີມຂະຫຍາຍທ່າແຮງພິເສດໃນດ້ານທີ່ຕັ້ງພູມີພາກເຂດກວາງຊີທີ່ເປັນທາງຜ່ານໃຫຍ່ທີ່ສຳຄັນສຳລັບເຂດພາກຕາເວັນຕົກສຽງໃຕ້,ເຂດພາກກາງແລະພາກໃຕ້ຂອງຈີນອອກສູ່ທະເລນັ້ນຢ່າງເຕັມທີ່, ພະຍາຍາມສ້າງເສົາຄ້ຳຍຸດທະສາດທີ່ຊຸກຍູ້ການພັດທະນາເຂດພາກກາງຂອງຈີນ. ທ່ານຫຼີເຄີ້ສຽງກ່າວວ່າ, ທັງສອງຝ່າຍຈີນແລະອາຊຽນຕ້ອງເລັງໃສ່ຄວາມຕ້ອງການຕົວຈິງຂອງກັນແລະກັນ, ຊຸກຍູ້ການປະດິດສ້າງດ້ານວິທະຍາສາດເຕັກໂນໂລຊີຢ່າງບໍ່ຢຸດຢັ້ງ,ສົ່ງເສີມການນຳໃຊ້ຜະລິດຕະພັນ, ເຮັດແນວນີ້, ການຮ່ວມມືລະຫວ່າງສອງຝ່າຍຈິ່ງຈະມີອະນາຄົດກວ້າງຂວາງກວ່າເກົ່າ.
