ກົມສົ່ງເສີມການຄ້າຂອງກະຊວງການຄ້າມຽນມາທີ່ຫາກໍ່ສ້າງຕັ້ງຂຶ້ນໄດ້ຈັດຕັ້ງຜູ້ປະກອບການໄປເຂົ້າຮ່ວມງານວາງສະແດງສິນຄ້າຈີນ-ອາຊຽນເປັນເທື່ອທຳອິດ
(GMT+08:00) 2013-09-05 13:01:22 cri
ທ່ານໂຕອ໋ອງມິນ ຫົວໜ້າກົມສົ່ງເສີມການຄ້າກະຊວງການຄ້າມຽນມາໄດ້ໃຫ້ສຳພາດຕໍ່ນັກຂ່າວCRIໃນວັນທີ 4 ກັນຍານີ້ ທີ່ນະຄອນນານນິງຂອງຈີນ, ທ່ານກ່າວວ່າ, ປີນີ້ແມ່ນເທື່ອທຳອິດທີ່ກົມສົ່ງເສີມການຄ້າຂອງກະຊວງການຄ້າມຽນມາຈັດຕັ້ງຜູ້ປະກອບການມຽນມາມາຈີນເພື່ອເຂົ້າຮ່ວມງານວາງສະແດງສິນຄ້າຈີນ-ອາຊຽນ. ທ່ານບອກວ່າ: ພາຍໃຕ້ການຈັດຕັ້ງຂອງກົມສົ່ງເສີມການຄ້າ, ລວມທັງໝົດແລ້ວ ມີ 158ຄົນໄດ້ເດີນທາງໄປເຖິງນະຄອນນານນິງດ້ວຍຍົນເຊົ່າເໝົາລຳ. ຂ້າພະເຈົ້າພ້ອມກັບໝູ່ຮ່ວມງານທັງຫຼາຍໄດ້ຮ່ວມກັນປະດັບແລະຈັດວາງສິນຄ້າຂອງຫ້ອງວາງສະແດງ. ຜ່ານຈາກໂອກາດແລະປະສົບການຂອງການເຂົ້າຮ່ວມງານວາງສະແດງໃນຄັ້ງນີ້ສາມາດຮູ້ໄດ້ເຖິງສິ່ງທີ່ເຮົາຕ້ອງການສົ່ງອອກແລະນຳເຂົ້າ, ຊຶ່ງມີຜົນດີຫຼາຍຕໍ່ການພັດທະນາການຄ້າ ແລະນີ້ກໍ່ຄືຈຸດປະສົງຂອງພວກຂ້າພະເຈົ້າໃນການເຂົ້າຮ່ວມງານຄັ້ງນີ້. ຈຳນວນຜູ້ປະກອບການມຽນມາທີ່ຕ້ອງການຈະເຂົ້າຮ່ວມງານວາງສະແດງໄດ້ເພີ່ມຂຶ້ນທຸກປີ, ຫວັງວ່າໃນອະນາຄົດ, ງານວາງສະແດງສິນຄ້າຈີນ-ອາຊຽນຈະອຳນວຍຫ້ອງວາງສະແດງໃຫ້ມຽນມາຫຼາຍຂຶ້ນກວ່າເກົ່າ.
ທ່ານໂຕອ໋ອງມິນພ້ອມຄະນະໄດ້ເດີນທາງໄປເຖິງນະຄອນນານນິງໃນວັນທີ 31 ສິງຫາແລ້ວນີ້, ພາຍຫຼັງງານວາງສະແດງສິນຄ້າຈີນ-ອາຊຽນອັດລົງແລ້ວ, ຄະນະດັ່ງກ່າວນີ້ຈະກັບຄືນນະຄອນຢາງກຸ່ງພ້ອມກັນໃນວັນທີ 7 ກັນຍານີ້.
ທ່ານໂຕອ໋ອງມິນພ້ອມຄະນະໄດ້ເດີນທາງໄປເຖິງນະຄອນນານນິງໃນວັນທີ 31 ສິງຫາແລ້ວນີ້, ພາຍຫຼັງງານວາງສະແດງສິນຄ້າຈີນ-ອາຊຽນອັດລົງແລ້ວ, ຄະນະດັ່ງກ່າວນີ້ຈະກັບຄືນນະຄອນຢາງກຸ່ງພ້ອມກັນໃນວັນທີ 7 ກັນຍານີ້.
