ທ່ານສີຈິ້ນຜິງກ່າວປາຖະກະຖາກ່ຽວກັບຫົວຂໍ້ການຄ້າໃນກອງປະຊຸມສຸດຍອດ G20 ຄັ້ງທີ 8
(GMT+08:00) 2013-09-07 13:47:26 cri
ວັນທີ 6 ກັນຍານີ້, ກອງປະຊຸມ ສຸດຍອດ G20 ຄັ້ງທີ ສືບຕໍ່ດຳເນີນຢູ່ແຊັງບີເຕີສບວກຂອງຣັດຊເຍ, ທ່ານສີຈິ້ນຜິງ ປະທານປະເທດຈີນໄດ້ກ່າວປາຖະກະຖາກ່ຽວກັບຫົວຂໍ້ເສດຖະກິດ.
ທ່ານສີຈິ້ນຜິງຊີ້ອອກວ່າ, ມູນຄ່າການຄ້າຂອງ G20 ກວມ 80% ຂອງລວມຍອດມູນຄ່າການຄ້າໃນທົ່ວໂລກ, ສະນັ້ນ,G20 ຄວນມີຄວາມວິຕົກກັງວົນ, ແບກຫາບຫນ້າທີ່ຮັບຜິດຊອບ, ຊຸກຍູ້ໃຫ້ການຄ້າໃນທົ່ວໂລກມີການພັດທະນາຮອບໃຫມ່.
ທ່ານສີຈິ້ນຜິງກ່າວເນັ້ນວ່າ, ອັນທີ 1 ຕ້ອງຄັດຄ້ານລັກທິປົກປ້ອງການຄ້າ, ປົກປັກຮັກສາແລະພັດທະນາເສດຖະກິດໂລກແບບເປີດປະຕູ.ອັນທີ 2, ຕ້ອງເພີ່ມທະວີລະບົບການຄ້າຫລາຍຝ່າຍ, ຊຸກຍູ້ການເຈລະຈາຮອບໂດຮາ.ອັນທີ 3 ຕ້ອງສ້າງຕ່ອງໂສ້ມູູນຄ່າໃນທົ່ວໂລກໃຫ້ສົມບູນຄົບຖ້ວນ, ສ້າງຕະຫລາດໃຫຍ່ໃນຂອບເຂດໂລກທີ່ເປັນເອກະພາບກັນ.
ທ່ານກ່າວເນັ້ນວ່າ, ວັດຖຸປະສົງຂອງຍຸດທະສາດການຄ້າຈີນແມ່ນ:ຕ່າງຝ່າຍຕ່າງໄດ້ຮັບຜົນປະໂຫຍດ, ຫລາຍສິນຄ້າຫລາຍຊ່ອງທາງທີ່ສະຫມ່ຳສະເຫມີກັນ.ພວກຂ້າພະເຈົ້າຈະສືບຕໍ່ຍຶດຫມັ້ນສົ່ງເສີມໃຫ້ການຄ້າສົ່ງອອກຢ່າງຫມັ້ນທ່ຽງແລະເພີ່ມການຄ້ານຳເຂົ້າຢູ່ໃນຖານະສຳຄັນເຊັ່ນກັນ, ເພີ່ມທະວີການປະສານງານກັນລະຫວ່າງນະໂບາຍການຄ້າກັບນະໂຍບາຍອຸດສາຫະກຳ, ເລັ່ງລັດເປີດປະຕູທາງດ້ານຂະແຫນງການບໍລິການ, ຊຸກຍູ້ການຄ້າກັບຕ່າງປະເທດພັດທະນາຢ່າງກ້ຳເກິ່ງກັນ, ເພື່ອເຊື່ອມໂຍງເຂົ້າຕ່ອງໂສ້ມູນຄ່າທົ່ວໂລກ.ພວກຂ້າພະເຈົ້າຍິນດີຮ່ວມກັບສະມາຊິກ G20 ສືບຕໍ່ທຳຄວາມພະຍາຍາມ, ເພີ່ມທະວີການຄ້າສາກົນຢ່າງເສລີ, ຍຶດຫມັ້ນປົກປັກຮັກສາແລະພັດທະນາເສດຖະກິດໂລກແບບເປີດປະຕູ.
