ທ່ານຮຸນແຊັນຮຽກຮ້ອງບັນດາປະເທດອາຊຽນຮ່ວມກັນຍົກສູງສະຫວັດດີການສັງຄົມຂອງປະຊາຊົນໃນພາກພື້ນ
ຕາມຂ່າວສານຊິນຮວາ: ວັນທີ 6 ກັນຍານີ້, ທ່ານຮຸນແຊັນ ນາຍົກລັດຖະມົນຕີກຳປູເຈຍກ່າວຢູ່ຊຽມລຽບ ຕົວເມືອງທ່ອງທ່ຽວທີ່ມີຊື່ສຽງຂອງກຳປູເຈຍວ່າ, 10 ປະເທດອາຊຽນຄວນເພີ່ມທະວີການຮ່ວມມືກັບຈີນ ຍີ່ປຸ່ນແລະສ.ເກົາຫຼີ, ເອົາໃຈໃສ່ກຸມຄົນທີ່ຢູ່ໃນທ່ານອ່ອນແອຮ່ວມກັນ, ຊຸກຍູ້ພາລະກິດສະຫວັດດີການສັງຄົມປະຊາຊົນພາຍໃນພາກພື້ນໃຫ້ມີການພັດທະນາແລະຍົກລະດັບສູງຂຶ້ນຢ່າງບໍ່ຢຸດຢັ້ງ.
ໃນກອງປະຊຸມລັດຖະມົນຕີສະຫວັດດີການສັງຄົມແລະການພັດທະນາອາຊຽນຄັ້ງທີ8ແລະກອງປະຊຸມລັດຖະມົນຕີສະຫວັດດີການສັງຄົມແລະການພັດທະນາອາຊຽນບອກ 3( ຈີນ ຍີ່ປຸ່ນ ສ.ເກົາຫຼີ) ທີ່ຈັດຂຶ້ນໃນມື້ດຽວກັນ, ທ່ານຮຸນແຊັນໄດ້ກ່າວວ່າ, ການເພີ່ມທະວີການຮ່ວມມືລະຫວ່າງລັດຖະມົນຕີສະຫວັດດີການສັງຄົມແລະການພັດທະນາຂອງອາຊຽນແມ່ນຊ່ອງທາງທີ່ມີຜົນສັກສິດທີ່ສຸດໃນການແກ້ໄຂບັນຫາທີ່ປະສົບພົບພໍ້ໃນການພັດທະນາສະຫວັດດີການສັງຄົມຂອງອາຊຽນ, ການເພີ່ມທະວີການຮ່ວມມືກັບຈີນ ຍີ່ປຸ່ນແລະສ.ເກົາຫຼີໃນດ້ານນີ້ຈະຊຸກຍູ້ ພາລະກິດສະຫວັດດີການສັງຄົມຂອງບັນດາປະເທດໃນພາກພື້ນຕື່ມອີກ.
ທ່ານຮຸນແຊັນກ່າວວ່າ, ບັນດາປະເທດໃນພາກພື້ນນີ້ຄວນເອົາໃນໃສ່ແລະແກ້ໄຂບັນຫາຕ່າງໆທີ່ປະສົບພົບພໍ້ໃນການພັດທະນາສັງຄົມ, ໂດຍສະເພາະແມ່ນກຸ່ມຄົນທີ່ຢູ່ໃນທ່າອ່ອນແອໃນສັງຄົມລວມທັງຄົນທຸກຈົນທີ່ຖືກຜົນກະທົບງ່າຍໆໃນການພັດທະນາຢ່າງວ່ອງໄວຂອງເສດຖະກິດ.
