ກອງປະຊຸມສຸດຍອດ G20 ຄັ້ງທີ 8 ອັດລົງແລ້ວ
ຕາມຂ່າວ CRI: ວັນທີ 6 ກັນຍານີ້, ກອງປະຊຸມສຸດຍອດ G20 ຄັ້ງທີ 8 ໄດ້ອັດລົງແລ້ວຢູ່ ແຊັງ ປີເຕີສບອກ. ຜູ່ນຳບັນດາປະເທດທີ່ເຂົ້າຮ່ວມກອງປະຊຸມໄດ້ຜ່ານແຜນດຳເນີນງານເຊັນປີເຕີເບີກຢ່າງເປັນເອກະສັນກັນ, ກ່າວວ່າຈະອອກແຮງສຸດຂີດຮັບປະກັນການເຕີບໂຕຂອງເສດຖະກິດ, ສ້າງອາຊີບຕຳແໜ່ງຫຼາຍກວ່າເກົ່າ.
ໃນກອງປະຊຸມຂ່າວຫຼັງກອງປະຊຸມສຸດຍອດ, ທ່ານປູຕິນ ປະທານາທິບໍດີຣັດເຊຍກ່າວວ່າ, ການຮັບຮອງເອົາແຜນດຳເນີນງານເຊັນປີກເຕີເບີກແມ່ນຜົນສຳເລັດອັນໜຶ່ງທີ່ສຳຄັດທີ່ສຸດທີ່ໄດ້ຣັບໃນກອງປະຊຸມສຸດຍອດເທື່ອນີ້ໄດ້ຮັບ. ທ່ານກ່າວວ່າ:
"ແຜນດຳເນີນງານສະບັບນີ້ໄດ້ຕົກລົງເປົ້າໝາຍໄລຍະກາງໃຫ້ແຕ່ລະປະເທດໃນການຫຼຸດຂຸມການເງິນ, ແລະດຳເນີນການປະຕິຮູບອົງປະກອບຮອບດ້ານ. ມາດຕະການເຫຼົ່ານີ້ຄວນເພີ່ມທະວີຄວາມເຊື່ອໝັ້ນອງຕະຫຼາດການທະນາຄານຕໍ່ແຜນດຳເນີນງານຂອງພວກເຮົາ, ໃນຂະນະດຽວກັນເຮັດໃຫ້ນັກລົງທຶນຫຼາຍກວ່າເກົ່າລົງທຶນໃນການພັດທະນາຂອງເສດຖະກິດຕົວຈິງ."
ນອກນີ້, ທ່ານປູຕິນຍັງກ່າວວ່າ, ກອງປະຊຸມສຸດຍອດເທື່ອນີ້ໄດ້ກ້າວເຖິງຂັ້ນເປັນເອກະສັນກັນກ່ຽວກັບບັນຫາຕ່າງໆຄືປະຕິຮູບນະໂຍບາຍເກັບພາສີ, ຮ່ວມປ້ອງກັນການກະທຳທີ່ໜີພາສີ, ສະໜັບສະໜູນການພັດທະນາຂອງປະເທດທີ່ມີລາຍໄດ້ຕ່ຳເປັນຕົ້ນ. ກອງປະຊຸມສຸດຍອດຄັ້ງນີ້ຍັງສະຫຼຸບວຽກງານຂອງຕົນເປັນເທື່ອທຳອິດໃນປະຫວັດສາດຂອງ G20, ແລະປະກາດບົດລາຍງານປະຕິບັດໜ້າທີ່. ພາຍຫຼັງກອງປະຊຸມສຸດຍອດສິ້ນສຸດລົງແລ້ວໄດ້ປະກາດ " ຖະແຫຼງການຮ່ວມຂອງຜູ່ນຳປະເທດສະມາຊິກ G20".
