ກອງກຳປັ່ນຕຳຫຼວດທະເລຈີນລາດຕະເວນຢູ່ໃນນ່ານທະເລອ້ອມແອ້ມເກາະດ້ຽວຢູ
ຕາມຂ່າວສານຈີນ: ວັນທີ7 ກັນຍານີ້, ກົມທະເລແຫ່ງຊາດຈີນກ່າວວ່າ, ວັນທີ6 ກັນຍານີ້, ກອງກຳປັ່ນຕຳຫຼວດທະເລຈີນໄດ້ລາດຕະເວນຢູ່ໃນນ່ານທະເລອ້ອມແອມເກາະດ້ຽວຢູ.
ຕັ້ງແຕ່ຍີ່ປຸ່ນ "ຊື້ເກາະ" ຢ່າງຜິດກົດໝາຍໃນເດືອນກັນຍາປີກາຍນີ້ເປັນຕົ້ນມາ, ຂໍ້ພິພາດກ່ຽວກັບອະທິປະໄຕເກາະດ້ຽວຢູໄດ້ກາຍເປັນສາເຫດສຳຄັນອັນໜຶ່ງທີ່ເຮັດໃຫ້ການພົວພັນລະຫວ່າງຈີນຍີ່ປຸ່ນເຄັ່ງຕຶງຂຶ້ນ. ຕາມຂ່າວຈາກກະຊວງການຕ່າງປະເທດຈີນ, ໃນວັນທີ 5 ກັນຍານີ້, ກ່ອນຈັດກອງປະຊຸມສຸດຍອດ G20 ຄັ້ງທີ 8, ທ່ານສີຈີ້ນຜິງ ປະທານປະເທດຈີນໄດ້ລົມກັນກັບທ່ານ ຊິນໂຈ ອາເບ ນາຍົກລັດຖະມົນຕີຍີ່ປຸ່ນເປັນເວລາອັນສັ້ນໆ.
ທ່ານສີຈີ້ນພິງໄດ້ບັນລະຍາຍຫຼັກໝັ້ນຫຼັກການຂອງຝ່າຍຈີນ, ຊີ້ອອກວ່າຫວ່າງມໍ່ໆນີ້ການພົວພັນລະຫວ່າງຈີນຍີ່ປຸ່ນພວມປະສົບພົບພໍ້ຄວາມຫຍຸ້ງຍາກອັນໜັກໜວງ, ນີ້ແມ່ນຝ່າຍຈີນບໍ່ຍິນດີໄດ້ເຫັນ. ບົນຈິດໃຈທີ່ກ້າປະເຊີນປະຫວັດສາດ, ຫັນໜ້າໄປສູ່ອະນາຄົດ, ຝ່າຍຍີ່ປຸ່ນແກ້ໄຂບັນຫາທີ່ສະດຸ້ງໄວ້ຄືເກາະດ້ຽວຢູ , ປະຫວັດສາດເປັນຕົ້ນ, ສະແຫວງຫາວິທີທີ່ຄຸ້ມຄອງຄວາມເຫັນທີ່ແຕກຕ່າງກັນແລະແກ້ໄຂບັນຫາຢ່າງເໝາະສົມ.
ທ່ານຊິນໂຈ ອາເບກ່າວວ່າ, ມີຄວາມຫວັງຫຼາຍຢາກພົບທ່ານປະທານສີຈີ້ນພິງຢູ່ແຫ່ງນີ້, ຂ້າພະເຈົ້າຫວັງຢ່າງແຮງກ້າຢາກປົວແປງການພົວພັນລະຫວ່າງຍີ່ປຸ່ນຈີນ.
