ປະທານປະເທດຈີນພົບປະເຈລະຈາກັບປະທານາທິບໍດີອຸສເບກີສະຖານ
(GMT+08:00) 2013-09-09 16:37:54 cri
ທ່ານສີຈິ້ນຜິງ ປະທານປະເທດຈີນໄດ້ພົບປະເຈລະຈາກັບທ່ານອັບດູການີເຢວິສ ຄາຣີມົຟ ປະທານາທິບໍດີອຸສເບກີສະຖານໃນວັນທີ 9 ກັນຍານີ້ທີ່ນະຄອນຫຼວງຕັສເກັນຂອງອຸສເບກີສະຖານ, ໂດຍໄດ້ລົງເລິກແລກປ່ຽນຄວາມເຫັນກ່ຽວກັບການພັດທະນາແລະລົງເລິກການພົວພັນລະຫວ່າງສອງປະເທດແລະບັນຫາໃນສາກົນແລະພາກພື້ນທີ່ສອງຝ່າຍໄດ້ສົນໃຈຮ່ວມກັນ.
ທ່ານສີຈິ້ນຜິງໄດ້ເດີນທາງໄປເຖິງນະຄອນຫຼວງຕັສເກັນໃນຕອນແລງວັນທີ 8ກັນຍານີ້ຊຶ່ງເປັນການເລີ່ມຕົ້ນການຢ້ຽມຢາມທາງລັດຖະກິດຕໍ່ອຸສເບກີສະຖານທີ່ເປັນປະເທດອາຊີກາງ. ຕາມໄດ້ຊາບ, ພາຍຫຼັງພົບປະເຈລະຈາກັນແລ້ວ, ປະມຸກລັດສອງປະເທດຍັງຈະລົງນາມເອກະສານການເມືອງທີ່ສຳຄັນ, ແລະເຂົ້າຮ່ວມພິທີລົງນາມເອກະສານຮ່ວມມືລະຫວ່າງສອງປະເທດ, ຫຼັງຈາກນັ້ນຈະຮ່ວມກັນຖະແຫຼງຂ່າວຕໍ່ສື່ມວນຊົນອີກດ້ວຍ.
ອຸສເບກີສະຖານແມ່ນປະເທດທີ 3 ໃນການຢ້ຽມຢາມອາຊີກາງຂອງທ່ານປະທານສີຈິ້ນຜິງໃນຄັ້ງນີ້.