ປະລິມານການຜະລິດລົດຍົນຂອງໄທໃນປີ2012ໄດ້ຫຼາຍກວ່າ2ລ້ານຄັນເປັນເທື່ອທຳອິດ
(GMT+08:00) 2013-09-09 18:40:06 cri
ໜັງສືພິມຫຼຽນເຮີຈາວປ້າວຂອງສິງກະໂປລາຍງານວ່າ: ພາຍໃຕ້ສະພາບທີ່ເສດຖະກິດໂລກຊຸດໂຊມລົງ,ໂດຍສະເພາະແມ່ນຂະແໜງການຜະລິດລົດຍົນໄດ້ຮັບຜົນກະທົບຢ່າງຫຼວງຫຼາຍນັ້ນ, ຂະແໜງການຜະລິດລົດຍົນຂອງໄທໄດ້ພົ້ນເດັ່ນຂຶ້ນ, ຊຶ່ງປະລິມານການຜະລິດລົດຍົນໃນປີ2012ຜ່ານມາໄດ້ເພີ່ມຂຶ້ນຢ່າງຫຼວງຫຼາຍເຖິງ70%, ຫຼາຍກວ່າ2ລ້ານຄັນເປັນເທື່ອທຳອິດ.
ຕາມຕົວເລກຂອງອົງການບໍລິສັດຜະລິດລົດຍົນສາກົນທີ່ມີສຳນັກງານໃຫຍ່ຕັ້ງຢູ່ນະຄອນຫຼວງປາຣີຂອງຝະຣັ່ງ, ອຸດສາຫະກຳຜະລິດລົດຍົນຂອງໄທມີປະລິມານການຜະລິດເຖິງ 2ລ້ານ4ແສນ8ໝື່ນຄັນໃນປີ2012ຜ່ານມາ, ຊຶ່ງໄດ້ເພີ່ມຂຶ້ນຫຼາຍກວ່າປີ2011ເຖິງ 70%.
ອຸດສາຫະກຳລົດຍົນຂອງໄທເລີ່ມພັດທະນາມາແຕ່ຊຸມປີ1960. ຜ່ານການພັດທະນາມາເປັນເວລາ 50 ປີ, ຂະແໜງການລົດຍົນໄດ້ກາຍເປັນອຸດສາຫະກຳເສົາຄ້ຳອັນດັບໜຶ່ງຂອງໄທ ຊຶ່ງມີຍອດມູນຄ່າການຜະລິດກວມເອົາລວມຍອດຜະລິດຕະພັນພາຍໃນຫຼືGDPເຖິງ 10%, ການສົ່ງອອກລົດຍົນໄດ້ກວມຍອດມູນຄ່າການສົ່ງອອກຂອງໄທປະມານ50%. ເລີ່ມແຕ່ປີ2008ເປັນຕົ້ນມາ, ໄທໄດ້ຕັ້ງເປົ້າໝາຍການພັດທະນາຂະແໜງການລົດຍົນໄທໃຫ້ເປັນ "ເມືອງDetroitຕາເວັນອອກ", ນີ້ໄດ້ເຮັດໃຫ້ໄທກາຍເປັນຖານການຜະລິດລົດຍົນອາຊີທີ່ມີກຳລັງແຂ່ງຂັນສູງປະຈັກຕາຊາວໂລກ ແລະໄດ້ກ້າວເຂົ້າສູ່ຖັນແຖວ 10 ອັນດັບປະເທດຜູ້ຜະລິດລົດຍົນຂອງໂລກ.
ຕາມຕົວເລກຂອງອົງການບໍລິສັດຜະລິດລົດຍົນສາກົນທີ່ມີສຳນັກງານໃຫຍ່ຕັ້ງຢູ່ນະຄອນຫຼວງປາຣີຂອງຝະຣັ່ງ, ອຸດສາຫະກຳຜະລິດລົດຍົນຂອງໄທມີປະລິມານການຜະລິດເຖິງ 2ລ້ານ4ແສນ8ໝື່ນຄັນໃນປີ2012ຜ່ານມາ, ຊຶ່ງໄດ້ເພີ່ມຂຶ້ນຫຼາຍກວ່າປີ2011ເຖິງ 70%.
ອຸດສາຫະກຳລົດຍົນຂອງໄທເລີ່ມພັດທະນາມາແຕ່ຊຸມປີ1960. ຜ່ານການພັດທະນາມາເປັນເວລາ 50 ປີ, ຂະແໜງການລົດຍົນໄດ້ກາຍເປັນອຸດສາຫະກຳເສົາຄ້ຳອັນດັບໜຶ່ງຂອງໄທ ຊຶ່ງມີຍອດມູນຄ່າການຜະລິດກວມເອົາລວມຍອດຜະລິດຕະພັນພາຍໃນຫຼືGDPເຖິງ 10%, ການສົ່ງອອກລົດຍົນໄດ້ກວມຍອດມູນຄ່າການສົ່ງອອກຂອງໄທປະມານ50%. ເລີ່ມແຕ່ປີ2008ເປັນຕົ້ນມາ, ໄທໄດ້ຕັ້ງເປົ້າໝາຍການພັດທະນາຂະແໜງການລົດຍົນໄທໃຫ້ເປັນ "ເມືອງDetroitຕາເວັນອອກ", ນີ້ໄດ້ເຮັດໃຫ້ໄທກາຍເປັນຖານການຜະລິດລົດຍົນອາຊີທີ່ມີກຳລັງແຂ່ງຂັນສູງປະຈັກຕາຊາວໂລກ ແລະໄດ້ກ້າວເຂົ້າສູ່ຖັນແຖວ 10 ອັນດັບປະເທດຜູ້ຜະລິດລົດຍົນຂອງໂລກ.
