ເສດຖະກິດໂລກຖົດຖອຍໄດ້ກະທົບເຖິງການສົ່ງອອກຂອງໄທ
(GMT+08:00) 2013-09-09 15:26:47 cri
ໜັງສືພິມລຽນເຮີຈາວປ້າວຂອງສິງກະໂປລາຍງານວ່າ: ຫວ່າງມໍ່ໆມານີ້, ທ່ານນາງຍິ່ງລັກ ຊິນນະວັດ, ນາຍົກລັດຖະມົນຕີໄທກ່າວວ່າ, ຍ້ອນວ່າເສດຖະກິດຂອງເອີລົບ, ອາເມລິກາແລະຄູ່ຮ່ວມການຄ້າທີ່ສຳຄັນອື່ນໆຂອງໄທໄດ້ຖົດຖອຍຫຼືເຕີບໂຕຊ້າລົງ, ມູນຄ່າການສົ່ງອອກຂອງໄທພວມມີທ່າອ່ຽງຫຼຸດຕ່ຳລົງ. ທ່ານນາງຍິ່ງລັກ ຊິນນະວັດໄດ້ໃຫ້ຄຳໝັ້ນສັນຍາວ່າ, ລັດຖະບານໄທຈະພະຍາຍາມຢ່າງຕັ້ງໜ້າເພື່ອເຊັນສັນຍາການຄ້າເສລີແລະປະຕິບັດນະໂຍບາຍອື່ນໆ, ເພື່ອຊຸກຍູ້ການສົ່ງອອກຂອງໄທ.
ທ່ານນາງຍິ່ງລັກ ຊິນນະວັດກ່າວຕື່ມວ່າ, ແຜນການກໍ່ສ້າງພື້ນຖານໂຄງການໃຫຍ່ຫຼາຍໂຄງການຖືກເລື່ອນເວລາດຳເນີນງານຫຼາຍເທື່ອ, ໄດ້ກະທົບເຖິງເສດຖະກິດຂອງໄທ, ສະນັ້ນນາງຈະເຕືອນໃຫ້ລັດຖະບານປະຕິບັດແຜນການເຫຼົ່ານີ້ໂດຍໄວ.