ກຳປັ່ນໂຮງໝໍ "ເຮີຜິງຟ່າງໂຈ່ວ"ຂອງກອງທັບເຮືອຈີນເດີນທາງໄປເຖິງອິນໂດເນເຊຍເພື່ອເຂົ້າຮ່ວມການລາດຕະເວນກວດສຸຂະພາບແລະປິ່ນປົວຮ່ວມຂອງກອງທັບເຮືອນາໆຊາດ
(GMT+08:00) 2013-09-10 16:27:41 cri
ຕາມຂ່າວCRI, ກຳປັ່ນໂຮງໝໍ "ເຮີຜິງຟາງໂຈ່ວ"ຫຼືPeace Arkຂອງກອງທັບເຮືອຈີນທີ່ກຳລັງປະຕິບັດໜ້າທີ່ "ພາລະກິດເພື່ອຄວາມກົມກຽວກັນ2013"ໄດ້ເດີນທາງໄປເຖິງໝູ່ເກາະລາບູຮານ ບາກີໂອ ທີ່ຫ່າງຈາກນະຄອນຫຼວງຈາກາກຕາຂອງອິນໂດເນເຊຍໄປທາງທິດຕາເວັນອອກ1500ກິໂລແມັດໃນເວລາ 9 ໂມງຂອງວັນທີ 10 ກັນຍານີ້ ເພື່ອເຂົ້າຮ່ວມກິດຈະກຳລາດຕະເວນກວດສຸຂະພາບແລະປິ່ນປົວພະຍາດຮ່ວມຂອງກອງທັບເຮືອອິນໂດເນເຊຍ,ຈີນແລະສິງກະໂປ.
ກຳປັ່ນໂຮງໝໍ"ເຮີຜິງຟາງໂຈ່ວ"ຂອງກອງທັບເຮືອຈີນເດີນທາງໄປໝູ່ເກາະລາບູຮານບາກີໂອຂອງອິນໂດເນເຊຍໃນຄັ້ງນີ້ແມ່ນມີຈຸດປະສົງເພື່ອເຂົ້າຮ່ວມກິດຈະກຳລາດຕະເວນກວດສຸຂະພາບແລະປິ່ນປົວພະຍາດຮ່ວມຂອງກອງທັບເຮືອຫຼາຍປະເທດທີ່ປະກອບດ້ວຍກຳປັ່ນໂຮງໝໍ "Soeharso"ຂອງອິນໂດເນເຊຍແລະກຳປັ່ນລຳລຽງສະເທີນນ້ຳສະເທີນບົກ "Endeavour"ຂອງສິງກະໂປ. ພາຍຫຼັງກິດຈະກຳທີ່ຈະດຳເນີນເປັນເວລາ 5 ວັນສິ້ນສຸດລົງແລ້ວ, ກຳປັ່ນໂຮງໝໍ "ເຮີຜິງຟ່າງໂຈ່ວ"ຈະເດີນທາງໄປຢ້ຽມຢາມສັນທະວະໄມຕີນະຄອນຫຼວງຈາກາກຕາຂອງອິນໂດເນເຊຍເປັນເວລາ 2 ວັນ.
ນັບຕັ້ງແຕ່ເລີ່ມປະຕິບັດໜ້າທີ່ເປັນຄັ້ງທຳອິດໃນເດືອນມິຖຸນາຜ່ານມາ, ກຳປັ່ນໂຮງໝໍ"ເຮີຜິງຟ່າງໂຈ່ວ"ໄດ້ສຳເລັດພາລະກິດຕ່າງໆຢ່າງຈົບງາມເປັນຕົ້ນແມ່ນ ການຢ້ຽມຢາມບຼູໄນແລະເຂົ້າຮ່ວມການຊ້ອມຮົບຮ່ວມເພື່ອຊ່ວຍເຫຼືອກູ້ໄພແບບມະນຸດສະທຳຂອງກອງປະຊຸມເປີດກວ້າງຂອງລັດຖະມົນຕີ ປ້ອງກັນປະເທດອາຊຽນບວກ8ປະເທດ, ການເດີນທາງໄປອ່າວອາເດັນເພື່ອໃຫ້ບໍລິການດ້ານການກວດສຸຂະພາບແລະປິ່ນປົວພະຍາດໃຫ້ກຳປັ່ນປ້ອງກັນການເດີນເຮືອຂອງປະເທດຕ່າງໆ, ການຢ້ຽມຢາມ6ປະເທດອາຊີເຊັ່ນມຽນມາແລະປະຕິບັດໜ້າທີ່ໃຫ້ການບໍລິການດ້ານການປິ່ນປົວພະຍາດແກ່ປະຊາຊົນຂອງປະເທດທີ່ໄປຢ້ຽມຢາມແລະອື່ນໆ.
ກຳປັ່ນໂຮງໝໍ"ເຮີຜິງຟາງໂຈ່ວ"ຂອງກອງທັບເຮືອຈີນເດີນທາງໄປໝູ່ເກາະລາບູຮານບາກີໂອຂອງອິນໂດເນເຊຍໃນຄັ້ງນີ້ແມ່ນມີຈຸດປະສົງເພື່ອເຂົ້າຮ່ວມກິດຈະກຳລາດຕະເວນກວດສຸຂະພາບແລະປິ່ນປົວພະຍາດຮ່ວມຂອງກອງທັບເຮືອຫຼາຍປະເທດທີ່ປະກອບດ້ວຍກຳປັ່ນໂຮງໝໍ "Soeharso"ຂອງອິນໂດເນເຊຍແລະກຳປັ່ນລຳລຽງສະເທີນນ້ຳສະເທີນບົກ "Endeavour"ຂອງສິງກະໂປ. ພາຍຫຼັງກິດຈະກຳທີ່ຈະດຳເນີນເປັນເວລາ 5 ວັນສິ້ນສຸດລົງແລ້ວ, ກຳປັ່ນໂຮງໝໍ "ເຮີຜິງຟ່າງໂຈ່ວ"ຈະເດີນທາງໄປຢ້ຽມຢາມສັນທະວະໄມຕີນະຄອນຫຼວງຈາກາກຕາຂອງອິນໂດເນເຊຍເປັນເວລາ 2 ວັນ.
ນັບຕັ້ງແຕ່ເລີ່ມປະຕິບັດໜ້າທີ່ເປັນຄັ້ງທຳອິດໃນເດືອນມິຖຸນາຜ່ານມາ, ກຳປັ່ນໂຮງໝໍ"ເຮີຜິງຟ່າງໂຈ່ວ"ໄດ້ສຳເລັດພາລະກິດຕ່າງໆຢ່າງຈົບງາມເປັນຕົ້ນແມ່ນ ການຢ້ຽມຢາມບຼູໄນແລະເຂົ້າຮ່ວມການຊ້ອມຮົບຮ່ວມເພື່ອຊ່ວຍເຫຼືອກູ້ໄພແບບມະນຸດສະທຳຂອງກອງປະຊຸມເປີດກວ້າງຂອງລັດຖະມົນຕີ ປ້ອງກັນປະເທດອາຊຽນບວກ8ປະເທດ, ການເດີນທາງໄປອ່າວອາເດັນເພື່ອໃຫ້ບໍລິການດ້ານການກວດສຸຂະພາບແລະປິ່ນປົວພະຍາດໃຫ້ກຳປັ່ນປ້ອງກັນການເດີນເຮືອຂອງປະເທດຕ່າງໆ, ການຢ້ຽມຢາມ6ປະເທດອາຊີເຊັ່ນມຽນມາແລະປະຕິບັດໜ້າທີ່ໃຫ້ການບໍລິການດ້ານການປິ່ນປົວພະຍາດແກ່ປະຊາຊົນຂອງປະເທດທີ່ໄປຢ້ຽມຢາມແລະອື່ນໆ.
