ການເຊື່ອມຈອດກັນລະຫວ່າງຈີນກັບອາຊຽນໄດ້ເລັ່ງລັດໄວຂຶ້ນຢ່າງຮອບດ້ານ
(GMT+08:00) 2013-09-10 19:03:01 cri
ຢູ່ໃນງານວາງສະແດງສິນຄ້າຈີນ-ອາຊຽນຄັ້ງທີ 10 ທີ່ຈັດຂຶ້ນຢູ່ນະຄອນນານນິງເຂດກວາງຊີຈີນໃນອາທິດຜ່ານມາ, ການເຊື່ອມຈອດກັນດ້ານຄົມມະນາຄົມແລະຂົງເຂດອື່ນໆໄດ້ກາຍເປັນເນື້ອໃນສຳຄັນທີ່ຜູ້ເຂົ້າຮ່ວມງານໄດ້ເອົາໃຈໃສ່ເປັນພິເສດ. ໃນຊຸມປີມໍ່ໆມານີ້, ເພື່ອຕອບສະໜອງກັບຄວາມຕ້ອງການດ້ານຄົມມະນາຄົມທີ່ມີຂຶ້ນຍ້ອນການຮ່ວມມືໃນຂົງເຂດຕ່າງໆລະຫວ່າງຈີນກັບອາຊຽນໄດ້ກ້າວສູ່ລວງເລິກ, ເສັ້ນທາງຄົມມະນາຄົມທີ່ສະດວກວ່ອງໄວແລະຮອບດ້ານຄືລວມທັງທາງບົກ,ທາງທະເລແລະທາງອາກາດລະຫວ່າງຈີນກັບອາຊຽນໄດ້ສ້າງຕັ້ງຂຶ້ນເປັນກ້າວໆ, ຄຽງຄູ່ກັບຂະບວນການເຊື່ອມຈອດກັນລະຫວ່າງປະເທດຕ່າງໆໄດ້ເລັ່ງລັດໄວຂຶ້ນແລະການຮ່ວມມືທາງທະເລໄດ້ຮັບການຊຸກຍູ້ພັດທະນາຂຶ້ນແລະອື່ນໆ, ປະຊາກອນຈຳນວນ1ຕື້900ລ້ານຄົນໃນພາກພື້ນແຫ່ງນີ້ຄາດວ່າຈະສາມາດຊົມໃຊ້ເງື່ອນໄຂການເດີນທາງດ້ວຍລະບົບຄົມມະນາຄົມທີ່ສະດວກວ່ອງໄວກວ່າເກົ່າ.
ທ່ານຢາງສວນຖາງ ລັດຖະມົນຕີວ່າການກະຊວງຄົມມະນາຄົມ ຂົນສົ່ງຈີນກ່າວວ່າ:ນັຍແຕ່ກົນໄກກອງປະຊຸມລັດຖະມົນຕີຄົມມະນາຄົມຈີນ-ອາຊຽນສ້າງຕັ້ງຂຶ້ນໃນປີ2012ຜ່ານມາ, ສອງຝ່າຍໄດ້ຍຶດໝັ້ນໃນການໃຊ້ວິທີທາງການສົນທະນາແລະການປຶກສາຫາລືຢ່າງສະເໝີຕົ້ນສະເໝີປາຍ,ໂດຍໄດ້ລົງເລິກດຳເນີນການຮ່ວມມືຕົວຈິງໃນດ້ານຕ່າງໆ, ຄວາມສະດວກວ່ອງໄວດ້ານຄົມມະນາຄົມລະຫວ່າງສອງຝ່າຍໄດ້ບັນລຸເຖິງລະດັບໃໝ່ໃນປະຫວັດສາດ, ຊຶ່ງໄດ້ອຳນວຍການຮັບປະກັນຢ່າງແຂງແຮງໃຫ້ແກ່ການພັດທະນາການຮ່ວມມືດ້ານເສດຖະກິດການຄ້າແລະປັບປຸງຊີວິດການເປັນຢູ່ຂອງປະຊາຊົນໃນພາກພື້ນແຫ່ງນີ້ໃຫ້ດີຂຶ້ນ, ວຽກງານຄົມມະນາຄົມ ຂົນສົ່ງໄດ້ກາຍເປັນຂົວຕໍ່ອັນສຳຄັນໃນການຜູກພັນຈີນກັບບັນດາປະເທດໃນອາຊຽນ.
ທ່ານຫຼິວເຈີ້ນມິນ ລັດຖະມົນຕີຊ່ວຍວ່າການກະຊວງການຕ່າງປະເທດຈີນໃຫ້ຮູ້ວ່າ, ພາຍໃຕ້ຄວາມພະຍາຍາມຮ່ວມຂອງຝ່າຍຕ່າງໆ, ການເຊື່ອມຈອດກັນລະຫວ່າງຈີນກັບອາຊຽນໄດ້ຮັບຄວາມຄືບໜ້າຢ່າງບໍ່ຢຸດຢັ້ງ, ສອງຝ່າຍໄດ້ຮ່ວມກັນວາງແຜນຍຸດທະສາດການຮ່ວມມືດ້ານຄົມມະນາຄົມຈີນ-ອາຊຽນແລະໃຫ້ການຊີ້ນຳໂດຍລວມແກ່ການຮ່ວມມືລະຫວ່າງສອງຝ່າຍ. ຝ່າຍຈີນໄດ້ສ້າງຕັ້ງກອງທຶນການລົງທຶນແລະການຮ່ວມມືຈີນ-ອາຊຽນທີ່ມີມູນຄ່າລວມທັງໝົດ10ຕື້ໂດລາ, ແລະໄດ້ປ່ອຍເງິນກູ້ສິນເຊື່ອຈຳນວນທັງໝົດ 25ຕື້ໂດລາໃຫ້ປະເທດອາຊຽນ,ເພື່ອສະໜັບສະໜູນໂຄງການຮ່ວມມືລະຫວ່າງສອງຝ່າຍທີ່ມີການກໍ່ສ້າງພື້ນຖານໂຄງລ່າງເປັນຕົ້ນຕໍ.
ໃນຖານະເປັນເຂດດ່ານໜ້າແຫ່ງການຮ່ວມມືລະຫວ່າງຈີນກັບອາຊຽນ, ໃນຊຸມປີມໍ່ໆມານີ້,ເຂດກວາງຊີຈີນໄດ້ຍຶດໝັ້ນປະຕິບັດຍຸດທະສາດຖືວຽກງານຄົມມະນາຄົມເປັນບູລິມະສິດ, ສຸມກຳລັງເຂົ້າໃນການສ້າງເຂດກວາງຊີໃຫ້ເປັນຊຸມທາງຄົມມະນາຄົມສັງລວມທີ່ຫັນໜ້າໄປສູ່ອາຊຽນ. ປັດຈຸບັນ, ເຂດກວາງຊີກຳລັງວາງແຜນກໍ່ສ້າງເສັ້ນທາງເຊື່ອມຕໍ່ກັບທາງຫຼວງສາກົນທີ່ເນັ່ງໄປສູ່ຫວຽດນາມແລະປະເທດໃນເຂດອະນຸພາກພື້ນແມ່ນ້ຳຂອງຊຶ່ງມີຈຸດເຊື່ອມຕໍ່ເຖິງ 12 ຈຸດ.
ທ່ານຢາງສວນຖາງ ລັດຖະມົນຕີວ່າການກະຊວງຄົມມະນາຄົມ ຂົນສົ່ງຈີນກ່າວວ່າ:ນັຍແຕ່ກົນໄກກອງປະຊຸມລັດຖະມົນຕີຄົມມະນາຄົມຈີນ-ອາຊຽນສ້າງຕັ້ງຂຶ້ນໃນປີ2012ຜ່ານມາ, ສອງຝ່າຍໄດ້ຍຶດໝັ້ນໃນການໃຊ້ວິທີທາງການສົນທະນາແລະການປຶກສາຫາລືຢ່າງສະເໝີຕົ້ນສະເໝີປາຍ,ໂດຍໄດ້ລົງເລິກດຳເນີນການຮ່ວມມືຕົວຈິງໃນດ້ານຕ່າງໆ, ຄວາມສະດວກວ່ອງໄວດ້ານຄົມມະນາຄົມລະຫວ່າງສອງຝ່າຍໄດ້ບັນລຸເຖິງລະດັບໃໝ່ໃນປະຫວັດສາດ, ຊຶ່ງໄດ້ອຳນວຍການຮັບປະກັນຢ່າງແຂງແຮງໃຫ້ແກ່ການພັດທະນາການຮ່ວມມືດ້ານເສດຖະກິດການຄ້າແລະປັບປຸງຊີວິດການເປັນຢູ່ຂອງປະຊາຊົນໃນພາກພື້ນແຫ່ງນີ້ໃຫ້ດີຂຶ້ນ, ວຽກງານຄົມມະນາຄົມ ຂົນສົ່ງໄດ້ກາຍເປັນຂົວຕໍ່ອັນສຳຄັນໃນການຜູກພັນຈີນກັບບັນດາປະເທດໃນອາຊຽນ.
ທ່ານຫຼິວເຈີ້ນມິນ ລັດຖະມົນຕີຊ່ວຍວ່າການກະຊວງການຕ່າງປະເທດຈີນໃຫ້ຮູ້ວ່າ, ພາຍໃຕ້ຄວາມພະຍາຍາມຮ່ວມຂອງຝ່າຍຕ່າງໆ, ການເຊື່ອມຈອດກັນລະຫວ່າງຈີນກັບອາຊຽນໄດ້ຮັບຄວາມຄືບໜ້າຢ່າງບໍ່ຢຸດຢັ້ງ, ສອງຝ່າຍໄດ້ຮ່ວມກັນວາງແຜນຍຸດທະສາດການຮ່ວມມືດ້ານຄົມມະນາຄົມຈີນ-ອາຊຽນແລະໃຫ້ການຊີ້ນຳໂດຍລວມແກ່ການຮ່ວມມືລະຫວ່າງສອງຝ່າຍ. ຝ່າຍຈີນໄດ້ສ້າງຕັ້ງກອງທຶນການລົງທຶນແລະການຮ່ວມມືຈີນ-ອາຊຽນທີ່ມີມູນຄ່າລວມທັງໝົດ10ຕື້ໂດລາ, ແລະໄດ້ປ່ອຍເງິນກູ້ສິນເຊື່ອຈຳນວນທັງໝົດ 25ຕື້ໂດລາໃຫ້ປະເທດອາຊຽນ,ເພື່ອສະໜັບສະໜູນໂຄງການຮ່ວມມືລະຫວ່າງສອງຝ່າຍທີ່ມີການກໍ່ສ້າງພື້ນຖານໂຄງລ່າງເປັນຕົ້ນຕໍ.
ໃນຖານະເປັນເຂດດ່ານໜ້າແຫ່ງການຮ່ວມມືລະຫວ່າງຈີນກັບອາຊຽນ, ໃນຊຸມປີມໍ່ໆມານີ້,ເຂດກວາງຊີຈີນໄດ້ຍຶດໝັ້ນປະຕິບັດຍຸດທະສາດຖືວຽກງານຄົມມະນາຄົມເປັນບູລິມະສິດ, ສຸມກຳລັງເຂົ້າໃນການສ້າງເຂດກວາງຊີໃຫ້ເປັນຊຸມທາງຄົມມະນາຄົມສັງລວມທີ່ຫັນໜ້າໄປສູ່ອາຊຽນ. ປັດຈຸບັນ, ເຂດກວາງຊີກຳລັງວາງແຜນກໍ່ສ້າງເສັ້ນທາງເຊື່ອມຕໍ່ກັບທາງຫຼວງສາກົນທີ່ເນັ່ງໄປສູ່ຫວຽດນາມແລະປະເທດໃນເຂດອະນຸພາກພື້ນແມ່ນ້ຳຂອງຊຶ່ງມີຈຸດເຊື່ອມຕໍ່ເຖິງ 12 ຈຸດ.
