ໄທມີແຜນຈະປັບຫຼຸດພາສີນຳເຂົ້າສິນຄ້າຟຸມເຟືອຍ
(GMT+08:00) 2013-09-11 16:52:38 cri
ສື່ມວນຊົນໄທລາຍງານໃນວັນທີ 10 ກັນຍານີ້ວ່າ, ກະຊວງການເງິນໄທມີແຜນຈະປັບຫຼຸດພາສີນຳເຂົ້າສິນຄ້າຟຸມເຟືອຍບາງຊະນິດຢ່າງຫຼວງຫຼາຍຄື ຈະຫຼຸດອັດຕາພາສີນຳເຂົ້າສິນຄ້າຟຸມເຟືອຍບາງຊະນິດຈາກປະມານ 30% ທີ່ປະຕິບັດໃນປະຈຸບັນ ໃຫ້ເຫຼືອພຽງ 5%, ຈົນກະທັ້ງອາດຈະຍົກເວັ້ນພາສີທັງໝົດກໍ່ເປັນໄປໄດ້,ເພື່ອເຮັດໃຫ້ໄທກາຍເປັນສູນບໍລິໂພກດ້ານການຊື້ເຄື່ອງໃນພາກພື້ນແຫ່ງນີ້,ເພື່ອດຶງດູດນັກທ່ອງທ່ຽວຕ່າງປະເທດໃຫ້ຫຼາຍຂຶ້ນຕື່ມອີກ.
ຂໍ້ສະເໜີດັ່ງກ່າວນີ້ໄດ້ຮັບຄວາມຊົມເຊີຍຈາກຜູ້ປະກອບການທ່ອງທ່ຽວແລະນັກທຸລະກິດນຳເຂົ້າສິນຄ້າ. ທ່ານນາງພອນທິວາ ນາຄາໄສ ຮອງປະທານສະພາທຸລະກິດການທ່ອງທ່ຽວໄທກ່າວວ່າ, ການບໍລິໂພກດ້ານການຊື້ເຄື່ອງເປັນພາກສ່ວນສຳຄັນຂອງການທ່ອງທ່ຽວ. ພາສີນຳເຂົ້າສິນຄ້າຟຸມເຟືອຍໄດ້ຫຼຸດລົງຈະກາຍເປັນຈຸດເດັ່ນໃໝ່ໃນການດຶງດູດຄວາມສົນໃຈຈາກນັກທ່ອງທ່ຽວໃນການເດີນທາງໄປທ່ຽວປະເທດໄທ.
ແຫຼ່ງຂ່າວຈາກກະຊວງການເງິນຂອງໄທໃຫ້ຮູ້ວ່າ, ການປັບຫຼຸດພາສີສິນຄ້າຟຸມເຟືອຍຈະເຮັດໃຫ້ລັດຖະບານໄທເສຍລາຍຮັບຈາກການເກັບພາສີປະມານ100ລ້ານບາດຫຼືປະມານ3ລ້ານ1ແສນ1ໝື່ນໂດລາ. ແຕ່ວ່າຂຸມລາຍໄດ້ດັ່ງກ່າວນີ້ຈະສາມາດໄດ້ຮັບການທົດແທນຈາກລາຍຮັບທີ່ໄດ້ມາຈາກຈຳນວນນັກທ່ອງທ່ຽວຕ່າງປະເທດເພີ່ມຫຼາຍຂຶ້ນ.ນອກນີ້, ຄາດວ່າ,ນະໂຍບາຍດັ່ງກ່າວນີ້ຈະສາມາດກະຕຸ້ນການບໍລິໂພກພາຍໃນປະເທດໄທຢ່າງມີປະສິດທິຜົນ.
ຂໍ້ສະເໜີດັ່ງກ່າວນີ້ໄດ້ຮັບຄວາມຊົມເຊີຍຈາກຜູ້ປະກອບການທ່ອງທ່ຽວແລະນັກທຸລະກິດນຳເຂົ້າສິນຄ້າ. ທ່ານນາງພອນທິວາ ນາຄາໄສ ຮອງປະທານສະພາທຸລະກິດການທ່ອງທ່ຽວໄທກ່າວວ່າ, ການບໍລິໂພກດ້ານການຊື້ເຄື່ອງເປັນພາກສ່ວນສຳຄັນຂອງການທ່ອງທ່ຽວ. ພາສີນຳເຂົ້າສິນຄ້າຟຸມເຟືອຍໄດ້ຫຼຸດລົງຈະກາຍເປັນຈຸດເດັ່ນໃໝ່ໃນການດຶງດູດຄວາມສົນໃຈຈາກນັກທ່ອງທ່ຽວໃນການເດີນທາງໄປທ່ຽວປະເທດໄທ.
ແຫຼ່ງຂ່າວຈາກກະຊວງການເງິນຂອງໄທໃຫ້ຮູ້ວ່າ, ການປັບຫຼຸດພາສີສິນຄ້າຟຸມເຟືອຍຈະເຮັດໃຫ້ລັດຖະບານໄທເສຍລາຍຮັບຈາກການເກັບພາສີປະມານ100ລ້ານບາດຫຼືປະມານ3ລ້ານ1ແສນ1ໝື່ນໂດລາ. ແຕ່ວ່າຂຸມລາຍໄດ້ດັ່ງກ່າວນີ້ຈະສາມາດໄດ້ຮັບການທົດແທນຈາກລາຍຮັບທີ່ໄດ້ມາຈາກຈຳນວນນັກທ່ອງທ່ຽວຕ່າງປະເທດເພີ່ມຫຼາຍຂຶ້ນ.ນອກນີ້, ຄາດວ່າ,ນະໂຍບາຍດັ່ງກ່າວນີ້ຈະສາມາດກະຕຸ້ນການບໍລິໂພກພາຍໃນປະເທດໄທຢ່າງມີປະສິດທິຜົນ.
