ແຕ່ປີນີ້ເປັນຕົ້ນມາ ກຳປັ່ນປ້ອງກັນຄວາມປອດໄພຂອງຈີນລາດຕະເວນຢູ່ນ່ານທະເລເກາະຕ້ຽວອີ 59 ເທື່ອ ໄດ້ປະສົບການທ້າທາຍເກາະຜິດຈາກຍີ່ປຸ່ນຫຼາຍເທື່ອ
(GMT+08:00) 2013-09-11 14:32:20 cri
ກົມທະເລແຫ່ງຊາດຈີນແຈ້ງໃຫ້ຮູ້ໃນວັນທີ 10 ກັນຍານີ້ວ່າ, ພາຍຫຼັງລັດຖະບານຍີ່ປຸ່ນໄດ້ປະກາດອັນທີ່ວ່າ "ຈັດຊື້"ເກາະຕ້ຽວອີ້ຂອງຈີນໃນເດືອນກັນຍາປີ 2012ເປັນຕົ້ນມາ, ກຳປັ່ນປະຕິບັດກົດໝາຍຂອງຈີນໄດ້ບັນລຸການລາດຕະເວນຕາມປົກກະຕິຢູ່ເຂດທະເລເກາະຕ້ຽວອີຢ່າງສຳເລັດຜົນ, ແລະໄດ້ຈັດຕັ້ງການລາດຕະເວນຢູ່ນ່ານທະເລເກາະຕ້ຽວອີໃນເວລາອັນຄວນ 59 ເທື່ອ, ໃນນັ້ນ,ກຳປັ່ນລາດຕະເວນເຂົ້າໃກ້ກັບເກາະຕ້ຽວອີທີ່ສຸດແມ່ນ 520 ແມັດ.
ຂ່າວແຈ້ງວ່າ, ໃນໄລຍະປະຕິບັດການລາດຕະເວນຢູ່ເກາະຕ້ຽວອີ, ຍີ່ປຸ່ນເຄີຍໄດ້ລ່ວງລະເມີດກົດລະບຽບການເດີນເຮືອສາກົນ, ໄດ້ເຂົ້າໃກ້ແລະທຳການທ້າທາຍເກາະຜິດກັບກຳປັ່ນຕິດຕາມກວດການທາງທະເລຂອງຈີນຫຼາຍເທື່ອ, ເພື່ອຢາກຂົ່ມຂູ່ແລະສະກັດກັ້ນບໍ່ໃຫ້ຈີນດຳເນີນການເຄື່ອນໄຫວ ປົກປັກຮັກສາອະທິປະໄຕແລະປະຕິບັດກົດໝາຍເທິງທະເລທີ່ເປັນປົກກະຕິ. ໂດຍແນໃສ່ການກະທຳຂອງຍີ່ປຸ່ນ, ກົມທະເລແຫ່ງຊາດຈີນໄດ້ຈັດຕັ້ງກຳປັ່ນຕິດຕາມກວດການທາງທະເລຂອງຈີນສືບຕໍ່ດຳເນີນການລາດຕະເວນແລະປະຕິບັດກົດໝາຍຢູ່ເຂດທະເລເກາະຕ້ຽວອີເພື່ອປົກປັກຮັກສາອະທິປະໄຕທາງດ້ານດິນແດນ, ໄດ້ສະແດງໃຫ້ເຫັນເຖິງອະທິປະໄຕແລະຜືນແຜ່ນດິນອັນຄົບຖ້ວນຂອງຈີນດ້ວຍການກະທຳຕົວຈິງ. ຍ້ອນໄດ້ຮັບຄວາມກົດດັນໃນສອງດ້ານຄື: ການຕໍ່ວ່າທັກທ້ວງທາງການທູດແລະການປະຕິບັດກົດໝາຍເທິງທະເລຈາກຈີນ, ພາຍຫຼັງມາ, ກຳປັ່ນປ້ອງກັນຄວາມປອດໄພຂອງຍີ່ປຸ່ນບໍ່ກ້າໃຊ້ການກະທຳທີ່ມີຄວາມອັນຕະລາຍທີ່ຮຸນແຮງຕໍ່ກຳປັ່ນປະຕິບັດກົດໝາຍຂອງຈີນອີກໃນເວລາກຳປັ່ນຂອງຈີນລາດຕະເວນແລະປະຕິບັດກົດໝາຍຢູ່ເຂດທະເລເກາະຕ້ຽວອີ.
ກົມທະເລແຫ່ງຊາດຈີນກ່າວວ່າ, ໃນຕໍ່ໜ້າ, ກົມທະເລແຫ່ງຊາດຈີນຈະຊຸກຍູ້ການປົກປັກຮັກສາອະທິປະໄຕທາງດ້ານດິນແດນແລະປະຕິບັດກົດໝາຍຢູ່ເກາະຕ້ຽວອີຢ່າງບໍ່ຢຸດຢັ້ງ, ເພື່ອປົກປັກຮັກສາອະທິປະໄຕແລະຜືນແຜ່ນດິນອັນຄົບຖ້ວນນັບທັງສິດແລະຜົນປະໂຫຍດທາງທະເລຂອງຊົນຊາດຈີນດ້ວຍການກະທຳຕົວຈິງ.
ຂ່າວແຈ້ງວ່າ, ໃນໄລຍະປະຕິບັດການລາດຕະເວນຢູ່ເກາະຕ້ຽວອີ, ຍີ່ປຸ່ນເຄີຍໄດ້ລ່ວງລະເມີດກົດລະບຽບການເດີນເຮືອສາກົນ, ໄດ້ເຂົ້າໃກ້ແລະທຳການທ້າທາຍເກາະຜິດກັບກຳປັ່ນຕິດຕາມກວດການທາງທະເລຂອງຈີນຫຼາຍເທື່ອ, ເພື່ອຢາກຂົ່ມຂູ່ແລະສະກັດກັ້ນບໍ່ໃຫ້ຈີນດຳເນີນການເຄື່ອນໄຫວ ປົກປັກຮັກສາອະທິປະໄຕແລະປະຕິບັດກົດໝາຍເທິງທະເລທີ່ເປັນປົກກະຕິ. ໂດຍແນໃສ່ການກະທຳຂອງຍີ່ປຸ່ນ, ກົມທະເລແຫ່ງຊາດຈີນໄດ້ຈັດຕັ້ງກຳປັ່ນຕິດຕາມກວດການທາງທະເລຂອງຈີນສືບຕໍ່ດຳເນີນການລາດຕະເວນແລະປະຕິບັດກົດໝາຍຢູ່ເຂດທະເລເກາະຕ້ຽວອີເພື່ອປົກປັກຮັກສາອະທິປະໄຕທາງດ້ານດິນແດນ, ໄດ້ສະແດງໃຫ້ເຫັນເຖິງອະທິປະໄຕແລະຜືນແຜ່ນດິນອັນຄົບຖ້ວນຂອງຈີນດ້ວຍການກະທຳຕົວຈິງ. ຍ້ອນໄດ້ຮັບຄວາມກົດດັນໃນສອງດ້ານຄື: ການຕໍ່ວ່າທັກທ້ວງທາງການທູດແລະການປະຕິບັດກົດໝາຍເທິງທະເລຈາກຈີນ, ພາຍຫຼັງມາ, ກຳປັ່ນປ້ອງກັນຄວາມປອດໄພຂອງຍີ່ປຸ່ນບໍ່ກ້າໃຊ້ການກະທຳທີ່ມີຄວາມອັນຕະລາຍທີ່ຮຸນແຮງຕໍ່ກຳປັ່ນປະຕິບັດກົດໝາຍຂອງຈີນອີກໃນເວລາກຳປັ່ນຂອງຈີນລາດຕະເວນແລະປະຕິບັດກົດໝາຍຢູ່ເຂດທະເລເກາະຕ້ຽວອີ.
ກົມທະເລແຫ່ງຊາດຈີນກ່າວວ່າ, ໃນຕໍ່ໜ້າ, ກົມທະເລແຫ່ງຊາດຈີນຈະຊຸກຍູ້ການປົກປັກຮັກສາອະທິປະໄຕທາງດ້ານດິນແດນແລະປະຕິບັດກົດໝາຍຢູ່ເກາະຕ້ຽວອີຢ່າງບໍ່ຢຸດຢັ້ງ, ເພື່ອປົກປັກຮັກສາອະທິປະໄຕແລະຜືນແຜ່ນດິນອັນຄົບຖ້ວນນັບທັງສິດແລະຜົນປະໂຫຍດທາງທະເລຂອງຊົນຊາດຈີນດ້ວຍການກະທຳຕົວຈິງ.
