ທ່ານຫຼິວຢຸນຊານ ກຳມະການປະຈຳກົມການເມືອງສູນກາງພັກຄອມມູນິດຈີນຢ້ຽມຢາມສັນທະວະໄມຕີກຳປູເຈຍຢ່າງເປັນທາງການ
(GMT+08:00) 2013-09-12 18:49:21 cri
ໂດຍຕອບສະໜອງຕາມຄຳເຊີນຂອງພັກປະຊາຊົນແລະພັກຟຸນຊິນເປັກຂອງກຳປູເຈຍ, ທ່ານຫຼິວຢຸນຊານ ກຳມະການປະຈຳກົມການເມືອງສູນກາງພັກ ເລຂາຄະນະເລຂາທິການສູນກາງພັກຄອມມູນິດຈີນໄດ້ດຳເນີນການຢ້ຽມຢາມສັນທະວະໄມຕີກຳປູເຈຍຢ່າງເປັນທາງການແຕ່ວັນທີ 11ຫາວັນທີ 12 ກັນຍານີ້, ໂດຍທີ່ທ່ານຫຼິວຢຸນຊານໄດ້ເຂົ້າເຝົ້າສົມເດັດໂນໂລດົມສີຫາໂມນີ ກະສັດກຳປູເຈຍຢູ່ນະຄອນຫຼວງພະນົມເປັນຂອງກຳປູເຈຍ,ພ້ອມດຽວກັນນັ້ນ,ທ່ານຍັງໄດ້ເຂົ້າຢ້ຽມຄຳນັບທ່ານຮຸນແຊນ ຮອງປະທານພັກປະຊາຊົນ, ນາຍົກລັດຖະມົນຕີ, ທ່ານເຮັງຊຳຣິນ ປະທານກິດຕິມະສັກພັກປະຊາຊົນ,ປະທານສະພາແຫ່ງຊາດ, ແລະທ່ານໂນໂລດົມ ອາລານ ຣາສມີ ປະທານພັກຟຸນຊິນເປັກກຳປູເຈຍ.
ໃນໄລຍະຢ້ຽມຢາມກຳປູເຈຍ, ທ່ານຫຼິວຢຸນຊານໄດ້ໄປທັດສະນະສຶກສາຢູ່ຮ້ານຂາຍປຶ້ມພາສາຈີນຊິນຈື່ທີ່ພະນົມເປັນ, ແລະໄດ້ເຂົ້າຮ່ວມພິທີມອບຮັບໂຮງໝໍສູນກາງມິດຕະພາບຈີນກຳປູເຈຍທີ່ມູນນິທິສັນຕິພາບແລະການພັດທະນາຈີນເປັນຜູ້ຊ່ວຍເຫຼືອກໍ່ສ້າງ, ທ່ານຍັງໄດ້ໂອ້ລົມກັບປະຊາຊົນໃນນະຄອນຫຼວງພະນົມເປັນຢ່າງສະໜິດສະໜົມ.
ໃນໄລຍະຢ້ຽມຢາມກຳປູເຈຍ, ທ່ານຫຼິວຢຸນຊານໄດ້ໄປທັດສະນະສຶກສາຢູ່ຮ້ານຂາຍປຶ້ມພາສາຈີນຊິນຈື່ທີ່ພະນົມເປັນ, ແລະໄດ້ເຂົ້າຮ່ວມພິທີມອບຮັບໂຮງໝໍສູນກາງມິດຕະພາບຈີນກຳປູເຈຍທີ່ມູນນິທິສັນຕິພາບແລະການພັດທະນາຈີນເປັນຜູ້ຊ່ວຍເຫຼືອກໍ່ສ້າງ, ທ່ານຍັງໄດ້ໂອ້ລົມກັບປະຊາຊົນໃນນະຄອນຫຼວງພະນົມເປັນຢ່າງສະໜິດສະໜົມ.
