ນາຍົກຈີນເຂົ້າຮ່ວມພິທີໄຂກອງປະຊຸມເວິທີປຶກສາຫາລືດາວົສ໌ລະດູຮ້ອນຄັ້ງທີ7ແລະກ່າວຄຳປາໄສພິເສດ
(GMT+08:00) 2013-09-12 09:28:40 cri
ຕາມຂ່າວສານຊິນຮວາ, ຕອນບ່າຍວັນທີ11ກັນຍານີ້, ທ່ານຫຼີເຄິ້ຊຽງ ນາຍົກລັດຖະມົນຕີຈີນໄດ້ເຂົ້າຮ່ວມພິທີໄຂກອງປະຊຸມເວທີປຶກສາຫາລືລະດູຮ້ອນດາວົສ໌ຄັ້ງທີ7 ທີ່ຈັດຂຶ້ນຢູ່ນະຄອນຕ້າຫຼຽນຂອງຈີນ, ແລະກ່າວຄຳປາໄສພິເສດ.
ໃນເວລາກ່າວຄຳປາໄສ, ທ່ານຫຼີເຄີ້ຊຽງກ່າວວ່າ, ວິກິດການການເງິນສາກົນທີ່ເກີດຂຶ້ນ5ປີແລ້ວ, ປັດຈຸບັນ, ສະຖານະການເສດຖະກິດໂລກຍັງສັບສົນຫຼາຍ. ຍ້ອນໄດ້ຮັບຜົນກະທົບຈາກຫຼາຍປັດໄຈ, ການເຕີບໂຕຂອງເສດຖະກິດຈີນໄດ້ຊ້າລົງ, ພາໃຫ້ຄົນທັງຫຼາຍສົນໃຈນຳຢ່າງກວ້າງຂວາງ. ແຕ່ການພັດທະນາເສດຖະກິດຂອງຈີນຍັງມີພື້ນຖານທີ່ດີ, ແລະພັດທະນາໄປຢ່າງໜັກແໜ້ນໃນດ້ານກວມລວມ.
ທ່ານຫຼີເຄີ້ຊຽງຊີ້ອອກວ່າ, ປັດຈຸບັນ, ການເຕີບໂຕເສດຖະກິດຂອງຈີນໄດ້ຮັກສາຢູ່ປະມານ7,5%, ໄດ້ ຊ້າກວ່າແຕ່ກ່ອນໜ້ອຍໜຶ່ງ, ແຕ່ເມື່ອສັງເກດຈາກຂອບເຂດທົ່ວໂລກແລ້ວເຫັນວ່າ, ຍັງເປັນຈັງຫວະເຕີບໂຕທີ່ສູງໃນອົງກອນເສດຖະກິດຕົ້ນຕໍຂອງໂລກ. ການຫັນເປັນແບບອຸດສາຫະກຳແລະການກໍ່ສ້າງຕົວເມືອງຂອງຈີນຍັງຢູ່ໃນໄລຍະຕົ້ນ, ແລະຍັງມີຄວາມບົ່ມຊ້ອນອັນມະຫາສານໃນດ້ານການພັດທະນາລະຫວ່າງພາກພື້ນແລະດ້ານການຕະຫຼາດ, ສະນັ້ນ, ຊຸກຍູ້ການປະຕິຮູບຕໍ່ໄປຍ່ອມຈະເຮັດໃຫ້ມີພະລັງຊີວິດໃໝ່. ພກເຮົາມີຄວາມສາມາດແລະມີເງື່ອນໄຂຮັກສາໃຫ້ເສດຖະກິດຈີນພັດທະນາຢ່າງປອດໃສແລະຕໍ່ເນື່ອງເປັນໄລຍະຍາວນານ, ແລ້ວເຮັດໃຫ້ມີໂອກາດປະກອບອາຊີບຫຼາຍຂຶ້ນແລະເຮັດໃຫ້ລາຍໄດ້ຂອງປະຊາຊົນເພີ່ມຂຶ້ນຢ່າງບໍ່ຢຸດຢັ້ງ, ປັບປຸງຊີວິດການເປັນຢູ່ຂອງປະຊາຊົນໃຫ້ດີຂຶ້ນ, ເຮັດໃຫ້ຜົນສຳເລັດດ້ານການປະຕິຮູບແລະການພັດທະນາສ້າງຜົນປະໂຫຍດໃຫ້ແກ່ປະຊາຊົນຢ່າງກວ້າງຂວາງ.
ທ່ານຫຼີເຄີ້ຊຽງຊີ້ອອກວ່າ, ໃນຖານະເປັນປະເທດໃຫຍ່ທີ່ພວມພັດທະນາ, ຈີນມີໜ້າທີ່ຮັບຜິດຊອບຂອງຕົນໃນວຽກງານສາກົນ, ຈີນຍິນດີປະກອບສ່ວນເພື່ອຊຸກຍູ້ໃຫ້ເສດຖະກິດໂລກພັດທະນາຢ່າງແຂງແຮງ, ຕໍ່ເນື່ອງແລະໝັ້ນທ່ຽງ. ແຕ່ໜ້າທີ່ຮັບຜິດຊອບແລະພັນທະຂອງຈີນຄວນສອດຄ່ອງກັບລະດັບການພັດທະນາຂອງຕົນ.
ສຸດທ້າຍ, ທ່ານຫຼີເຄີ້ຊຽງກ່າວວ່າ, ຄວາມອັດສະຈັນແຫ່ງການພັດທະນາຂອງຈີນໄດ້ກ້າວເຂົ້າສູ່ "ໄລຍະທີສອງ" ທີ່ຍົກຄຸນນະພາບ, ນິທານໃນໄລຍະທີສອງຈະມ່ວນກວ່າເກົ່າ. ທະແນມແຕ່ພວກເຮົາປະຕິບັດວຽກງານໄປຕາມເປົ້າໝາຍໄລຍະຍາວເປັນຢ່າງດີ, ແລະແກ້ໄຂບັນຫາທີ່ເກີດຂຶ້ນໃນປັດຈຸບັນໃຫ້ດີ, ຍຶດໝັ້ນເດີນຕາມເສັ້ນທາງປະຕິຮູບຢ່າງໝັ້ນໜຽວບໍ່ປ່ຽນແປງ, ຍ່ອມຈະຊຸກຍູ້ໃຫ້ພາລະກິດສ້າງສາສັງຄົມນິຍົມທີ່ມີສີສັນພິເສດຂອງຈີນໃຫ້ກ້າວໄປໜ້າຢ່າງບໍ່ຢຸດຢັ້ງ.
ໃນເວລາກ່າວຄຳປາໄສ, ທ່ານຫຼີເຄີ້ຊຽງກ່າວວ່າ, ວິກິດການການເງິນສາກົນທີ່ເກີດຂຶ້ນ5ປີແລ້ວ, ປັດຈຸບັນ, ສະຖານະການເສດຖະກິດໂລກຍັງສັບສົນຫຼາຍ. ຍ້ອນໄດ້ຮັບຜົນກະທົບຈາກຫຼາຍປັດໄຈ, ການເຕີບໂຕຂອງເສດຖະກິດຈີນໄດ້ຊ້າລົງ, ພາໃຫ້ຄົນທັງຫຼາຍສົນໃຈນຳຢ່າງກວ້າງຂວາງ. ແຕ່ການພັດທະນາເສດຖະກິດຂອງຈີນຍັງມີພື້ນຖານທີ່ດີ, ແລະພັດທະນາໄປຢ່າງໜັກແໜ້ນໃນດ້ານກວມລວມ.
ທ່ານຫຼີເຄີ້ຊຽງຊີ້ອອກວ່າ, ປັດຈຸບັນ, ການເຕີບໂຕເສດຖະກິດຂອງຈີນໄດ້ຮັກສາຢູ່ປະມານ7,5%, ໄດ້ ຊ້າກວ່າແຕ່ກ່ອນໜ້ອຍໜຶ່ງ, ແຕ່ເມື່ອສັງເກດຈາກຂອບເຂດທົ່ວໂລກແລ້ວເຫັນວ່າ, ຍັງເປັນຈັງຫວະເຕີບໂຕທີ່ສູງໃນອົງກອນເສດຖະກິດຕົ້ນຕໍຂອງໂລກ. ການຫັນເປັນແບບອຸດສາຫະກຳແລະການກໍ່ສ້າງຕົວເມືອງຂອງຈີນຍັງຢູ່ໃນໄລຍະຕົ້ນ, ແລະຍັງມີຄວາມບົ່ມຊ້ອນອັນມະຫາສານໃນດ້ານການພັດທະນາລະຫວ່າງພາກພື້ນແລະດ້ານການຕະຫຼາດ, ສະນັ້ນ, ຊຸກຍູ້ການປະຕິຮູບຕໍ່ໄປຍ່ອມຈະເຮັດໃຫ້ມີພະລັງຊີວິດໃໝ່. ພກເຮົາມີຄວາມສາມາດແລະມີເງື່ອນໄຂຮັກສາໃຫ້ເສດຖະກິດຈີນພັດທະນາຢ່າງປອດໃສແລະຕໍ່ເນື່ອງເປັນໄລຍະຍາວນານ, ແລ້ວເຮັດໃຫ້ມີໂອກາດປະກອບອາຊີບຫຼາຍຂຶ້ນແລະເຮັດໃຫ້ລາຍໄດ້ຂອງປະຊາຊົນເພີ່ມຂຶ້ນຢ່າງບໍ່ຢຸດຢັ້ງ, ປັບປຸງຊີວິດການເປັນຢູ່ຂອງປະຊາຊົນໃຫ້ດີຂຶ້ນ, ເຮັດໃຫ້ຜົນສຳເລັດດ້ານການປະຕິຮູບແລະການພັດທະນາສ້າງຜົນປະໂຫຍດໃຫ້ແກ່ປະຊາຊົນຢ່າງກວ້າງຂວາງ.
ທ່ານຫຼີເຄີ້ຊຽງຊີ້ອອກວ່າ, ໃນຖານະເປັນປະເທດໃຫຍ່ທີ່ພວມພັດທະນາ, ຈີນມີໜ້າທີ່ຮັບຜິດຊອບຂອງຕົນໃນວຽກງານສາກົນ, ຈີນຍິນດີປະກອບສ່ວນເພື່ອຊຸກຍູ້ໃຫ້ເສດຖະກິດໂລກພັດທະນາຢ່າງແຂງແຮງ, ຕໍ່ເນື່ອງແລະໝັ້ນທ່ຽງ. ແຕ່ໜ້າທີ່ຮັບຜິດຊອບແລະພັນທະຂອງຈີນຄວນສອດຄ່ອງກັບລະດັບການພັດທະນາຂອງຕົນ.
ສຸດທ້າຍ, ທ່ານຫຼີເຄີ້ຊຽງກ່າວວ່າ, ຄວາມອັດສະຈັນແຫ່ງການພັດທະນາຂອງຈີນໄດ້ກ້າວເຂົ້າສູ່ "ໄລຍະທີສອງ" ທີ່ຍົກຄຸນນະພາບ, ນິທານໃນໄລຍະທີສອງຈະມ່ວນກວ່າເກົ່າ. ທະແນມແຕ່ພວກເຮົາປະຕິບັດວຽກງານໄປຕາມເປົ້າໝາຍໄລຍະຍາວເປັນຢ່າງດີ, ແລະແກ້ໄຂບັນຫາທີ່ເກີດຂຶ້ນໃນປັດຈຸບັນໃຫ້ດີ, ຍຶດໝັ້ນເດີນຕາມເສັ້ນທາງປະຕິຮູບຢ່າງໝັ້ນໜຽວບໍ່ປ່ຽນແປງ, ຍ່ອມຈະຊຸກຍູ້ໃຫ້ພາລະກິດສ້າງສາສັງຄົມນິຍົມທີ່ມີສີສັນພິເສດຂອງຈີນໃຫ້ກ້າວໄປໜ້າຢ່າງບໍ່ຢຸດຢັ້ງ.
