ທ່ານວາງອີ້ກ່າວວ່າ:ໃນການຢ້ຽມຢາມອາຊີກາງຂອງທ່ານຊີຈິ້ນຜີງ,ທ່ານໄປຮອດບ່ອນໃດ,ມິດຕະພາບກໍ່ຈະມີຢູ່ບ່ອນນັ້ນ
(GMT+08:00) 2013-09-14 15:50:36 cri
ຕາມຂ່າວສານຊີນຮວາ:ແຕ່ວັນທີ 3 ຫາວັນທີ 13 ກັນຍານີ້,ທ່ານຊີຈິ້ນຜີງ,ປະທານປະເທດຈີນໄດ້ເດີນທາງໄປຢ້ຽມຢາມທາງລັດຖະກິດຕໍ່ຕວກເມນີສະຖານ,ກາຊັກສະຖານ,ອຸສເບກີສະຖານ,ກຽກກິດສະຖານແລະໄດ້ເຂົ້າຮ່ວມກອງປະຊຸມສຸດຍອດອົງການຮ່ວມມືຊຽງໄຮທີ່ຈັດຂຶ້ນຢູ່ບິສເຄັກ,ນະຄອນຫຼວງກຽກກິດສະຖານ.ໃນເວລາທ່ານວາງອີ້,ລັດຖະມົນຕີວ່າການກະຊວງການຕ່າງປະເທດຈີນແນະນຳສະພາບກ່ຽວກັບການຢ້ຽມຢາມຄັ້ງນີ້,ທ່ານກ່າວວ່າ:ການຢ້ຽມຢາມຄັ້ງນີ້ມີເນື້ອໃນອຸດົມສົມບູນ,ມີເປົ້າໝາຍອັນຈະແຈ້ງ,ຕິດແທດຕົວຈິງແລະມີປະສິດທິຜົນສູງ,ມີຈຸດເດັ່ນຫຼາຍສົມຄວນ. 4 ປະເທດທີ່ທ່ານຊີຈິ້ນຜີງໄປຢ້ຽມຢາມນັ້ນລ້ວນແຕ່ເອົາໃຈໃສ່ໃນລະດັບສູງຕໍ່ການຢ້ຽມຢາມຂອງທ່ານຊີຈິ້ນຜີງໃນຄັ້ງນີ້,ແລະໄດ້ຈັດວາງເປັນພິເສດ,ໃຫ້ກຽດໃນລະດັບສູງສຸດ.ທ່ານຊີຈິ້ນຜີງໄປຮອດບ່ອນໃດ,ມິດຕະພາບກໍ່ຈະມີຢູ່ບ່ອນນັ້ນ,ຜົນສຳເລັດການຮ່ວມມືກໍ່ຈະໄດ້ຮັບຢູ່ບ່ອນນັ້ນ,ສາຍຕາຄວາມສົນໃຈຂອງສື່ມວນຊົນກໍ່ຈະສຸມໃສ່ຢູ່ບ່ອນນັ້ນ.
ທ່ານວາງອີ້ຍັງໄດ້ແນະນຳຜົນສຳເລັດໃນ 4 ດ້ານທີ່ໄດ້ຮັບໃນການຢ້ຽມຢາມຄັ້ງນີ້,ຄື:ໄດ້ຜູກມິດຕະພາບທີ່ສະໜິດແໜ້ນແລະສ້າງຄວາມໄວ້ເນື້ອເຊື່ອໃຈລະດັບສູງລະຫວ່າງປະມຸກລັດ;ໄດ້ຍົກລະດັບການພົວພັນລະຫວ່າງຈີນກັບປະເທດອາຊີກາງໃຫ້ສູງຂຶ້ນຢ່າງຮອບດ້ານ;ໄດ້ສະເໜີໂຄງຄວາມຄຶດຍຸດທະສາດກ່ຽວກັບການຮ່ວມສ້າງ"ເຂດເສດຖະກິດເສັ້ນທາງສາຍໄໝ";ໄດ້ຊຸກຍູ້ອົງການຮ່ວມມືຊຽງໄຮໃຫ້ມີການພັດທະນາຢ່າງປອດໃສແລະຕິດແທດຕົວຈິງ.
ທ່ານວາງອີ້ຍັງກ່າວວ່າ:ທ່ານຊີຈິ້ນຜີງໄປຢ້ຽມຢາມ 4 ປະເທດອາຊີກາງແລະເຂົ້າຮ່ວມກອງປະຊຸມສຸດຍອດອົງການຮ່ວມມືຊຽງໄຮ,ໄດ້ເປີດອະນາຄົດອັນໃໝ່ແຫ່ງການຮ່ວມມືດ້ວຍໄມຕີຈິດມິດຕະພາບຖານບ້ານໃກ້ເຮືອນຄຽງທີ່ດີຕໍ່ກັນໃນພາກພື້ນ,ໄດ້ເປີດໜ້າໃໝ່ແຫ່ງການແລກປ່ຽນແລະຖອດຖອນບົດຮຽນນຳກັນລະຫວ່າງອະລິຍະທຳທີ່ຕ່າງກັນ,ໄດ້ເປີດສັງກາດໃໝ່ແຫ່ງການພັດທະນາພ້ອມກັນຢູ່ຕາມເສັ້ນທາງສາຍໄໝ.ນີ້ມີຄວາມໝາຍອັນສຳຄັນແລະມີຜົນກະທົບຢ່າງເລິກເຊິ່ງຍາວໄກຕໍ່ຈີນໃນການເລັ່ງລັດບາດກ້າວເປີດປະຕູສູ່ທິດຕາເວັນຕົກ,ສ້າງສະພາບແວດລ້ອມອ້ອມຂ້າງອັນດີງາມ,ແລະປົກປັກຮັກສາແລະຂະຫຍາຍກາລະໂອກາດຍຸດທະສາດທີ່ສຳຄັນ.ຈີນຈະເລັ່ງລັດຜັນຂະຫຍາຍຜົນສຳເລັດຕ່າງໆທີ່ໄດ້ຮັບໃນການຢ້ຽມຢາມຄັ້ງນີ້,ຍຶດໝັ້ນປະຕິບັດຕາມທິດທາງນະໂຍບາຍການຕ່າງປະເທດທີ່ຖືກຕ້ອງປອງດອງກັນກັບປະເທດໃກ້ຄຽງ,ສ້າງຄວາມສະຫງົບແລະຜົນປະໂຫຍດໃຫ້ແກ່ປະເທດໃກ້ຄຽງ,ຍຶດໝັ້ນຍຸດທະສາດເປີດປະຕູທີ່ຕ່າງຝ່າຍຕ່າງມີຜົນປະໂຫຍດແລະພັດທະນາພ້ອມກັນ,ຊຸກຍູ້ວຽກງານການຕ່າງປະເທດທີ່ມີສີສັນພິເສດຂອງຈີນທີ່ເປັນປະເທດໃຫຍ່ຢ່າງໜັກແໜ້ນ,ໃຫ້ການບໍລິການ ແກ້ສອງເປົ້າໝາຍຮ້ອຍປີຂອງຈີນຄື:ເມື່ອຮອດວັນສ້າງຕັ້ງພັກກອມມູນິດຈີນຄົບຮອບ 100 ປີ,ສ້າງສັງຄົມທີ່ອິ່ມໜຳສຳລານໃຫ້ສຳເລັດຢ່າງຮອບດ້ານ;ເມື່ອຮອດວັນສະຖາປະນາສາທາລະລັດປະຊາຊົນຈີນຄົບຮອບ 100 ປີ,ສ້າງປະເທດຊາດໃຫ້ກາຍເປັນປະເທດສັງຄົມນິຍົມທີ່ທັນສະໄໝ ເຂັ້ມແຂງ ປະຊາທິປະໄຕ ມີອະລິຍະທຳແລະກົມກຽວກັນ,ແລະປະກອບສ່ວນທີ່ໃຫຍ່ກວ່າເກົ່າໃຫ້ແກ່ການປົກປັກຮັກສາສັນຕິພາບຂອງໂລກແລະຊຸກຍູ້ການພັດທະນາພ້ອມກັນ.
ທ່ານວາງອີ້ຍັງໄດ້ແນະນຳຜົນສຳເລັດໃນ 4 ດ້ານທີ່ໄດ້ຮັບໃນການຢ້ຽມຢາມຄັ້ງນີ້,ຄື:ໄດ້ຜູກມິດຕະພາບທີ່ສະໜິດແໜ້ນແລະສ້າງຄວາມໄວ້ເນື້ອເຊື່ອໃຈລະດັບສູງລະຫວ່າງປະມຸກລັດ;ໄດ້ຍົກລະດັບການພົວພັນລະຫວ່າງຈີນກັບປະເທດອາຊີກາງໃຫ້ສູງຂຶ້ນຢ່າງຮອບດ້ານ;ໄດ້ສະເໜີໂຄງຄວາມຄຶດຍຸດທະສາດກ່ຽວກັບການຮ່ວມສ້າງ"ເຂດເສດຖະກິດເສັ້ນທາງສາຍໄໝ";ໄດ້ຊຸກຍູ້ອົງການຮ່ວມມືຊຽງໄຮໃຫ້ມີການພັດທະນາຢ່າງປອດໃສແລະຕິດແທດຕົວຈິງ.
ທ່ານວາງອີ້ຍັງກ່າວວ່າ:ທ່ານຊີຈິ້ນຜີງໄປຢ້ຽມຢາມ 4 ປະເທດອາຊີກາງແລະເຂົ້າຮ່ວມກອງປະຊຸມສຸດຍອດອົງການຮ່ວມມືຊຽງໄຮ,ໄດ້ເປີດອະນາຄົດອັນໃໝ່ແຫ່ງການຮ່ວມມືດ້ວຍໄມຕີຈິດມິດຕະພາບຖານບ້ານໃກ້ເຮືອນຄຽງທີ່ດີຕໍ່ກັນໃນພາກພື້ນ,ໄດ້ເປີດໜ້າໃໝ່ແຫ່ງການແລກປ່ຽນແລະຖອດຖອນບົດຮຽນນຳກັນລະຫວ່າງອະລິຍະທຳທີ່ຕ່າງກັນ,ໄດ້ເປີດສັງກາດໃໝ່ແຫ່ງການພັດທະນາພ້ອມກັນຢູ່ຕາມເສັ້ນທາງສາຍໄໝ.ນີ້ມີຄວາມໝາຍອັນສຳຄັນແລະມີຜົນກະທົບຢ່າງເລິກເຊິ່ງຍາວໄກຕໍ່ຈີນໃນການເລັ່ງລັດບາດກ້າວເປີດປະຕູສູ່ທິດຕາເວັນຕົກ,ສ້າງສະພາບແວດລ້ອມອ້ອມຂ້າງອັນດີງາມ,ແລະປົກປັກຮັກສາແລະຂະຫຍາຍກາລະໂອກາດຍຸດທະສາດທີ່ສຳຄັນ.ຈີນຈະເລັ່ງລັດຜັນຂະຫຍາຍຜົນສຳເລັດຕ່າງໆທີ່ໄດ້ຮັບໃນການຢ້ຽມຢາມຄັ້ງນີ້,ຍຶດໝັ້ນປະຕິບັດຕາມທິດທາງນະໂຍບາຍການຕ່າງປະເທດທີ່ຖືກຕ້ອງປອງດອງກັນກັບປະເທດໃກ້ຄຽງ,ສ້າງຄວາມສະຫງົບແລະຜົນປະໂຫຍດໃຫ້ແກ່ປະເທດໃກ້ຄຽງ,ຍຶດໝັ້ນຍຸດທະສາດເປີດປະຕູທີ່ຕ່າງຝ່າຍຕ່າງມີຜົນປະໂຫຍດແລະພັດທະນາພ້ອມກັນ,ຊຸກຍູ້ວຽກງານການຕ່າງປະເທດທີ່ມີສີສັນພິເສດຂອງຈີນທີ່ເປັນປະເທດໃຫຍ່ຢ່າງໜັກແໜ້ນ,ໃຫ້ການບໍລິການ ແກ້ສອງເປົ້າໝາຍຮ້ອຍປີຂອງຈີນຄື:ເມື່ອຮອດວັນສ້າງຕັ້ງພັກກອມມູນິດຈີນຄົບຮອບ 100 ປີ,ສ້າງສັງຄົມທີ່ອິ່ມໜຳສຳລານໃຫ້ສຳເລັດຢ່າງຮອບດ້ານ;ເມື່ອຮອດວັນສະຖາປະນາສາທາລະລັດປະຊາຊົນຈີນຄົບຮອບ 100 ປີ,ສ້າງປະເທດຊາດໃຫ້ກາຍເປັນປະເທດສັງຄົມນິຍົມທີ່ທັນສະໄໝ ເຂັ້ມແຂງ ປະຊາທິປະໄຕ ມີອະລິຍະທຳແລະກົມກຽວກັນ,ແລະປະກອບສ່ວນທີ່ໃຫຍ່ກວ່າເກົ່າໃຫ້ແກ່ການປົກປັກຮັກສາສັນຕິພາບຂອງໂລກແລະຊຸກຍູ້ການພັດທະນາພ້ອມກັນ.
