ງານວາງສະແດງຮູບອັງກໍວັດທີ່ເປັນມໍລະດົກວັດທະນະທຳໂລກຂອງກຳປູເຈຍຈັດຂຶ້ນຢູ່ພະລາຊະວັງລະດູຮ້ອນປັກກິ່ງ
(GMT+08:00) 2013-09-15 14:02:11 cri
ທ່ານເຟີງໂຈຄູ້, ຮອງປະທານສະມາຄົມມິດຕະພາບຕໍ່ຕ່າງປະເທດປະຊາຊົນຈີນ, ທ່ານຈ້າວເຈ່ຍຊີ, ປະທານສະມາຄົມມິດຕະພາບຕໍ່ຕ່າງປະເທດປະຊາຊົນນະຄອນຫຼວງປັກກິ່ງ, ທ່ານນຸນ ຊີວົນ, ທີ່ປຶກສາທີ່ມີລະດັບຕຳແໜ່ງອຸປະທູດຂອງສະຖານທູດກຳປູເຈຍປະຈຳຈີນ, ທ່ານບັນ ນາຣິສ, ຫົວໜ້າກົມຄຸ້ມຄອງອັງໂກວັດກຳປູເຈຍໄດ້ເຂົ້າຮ່ວມພິທີເປີດງານຕາມຄຳເຊີນ, ນັກຂ່າວສື່ມວນຊົນຫຼາຍແຫ່ງຂອງຈີນ, ຜູ້ມັກຖ່າຍຮູບ, ຜູ້ຊົມໃນພະລາຊະວັງລະດູຮ້ອນໄດ້ເຂົ້າຮ່ວມພິທີໄຂງານ.
ງານວາງສະແດງເທື່ອນີ້ຈັດຢູ່ແຄມຝັ່ງຕາເວັນອອກຂອງໜອງຄຸ່ນມິງ ພະລາຊະວັງລະດູຮ້ອນ, ຈະເປີດຮອດວັນທີ 14 ຕຸລາປີນີ້. ລວມທັງໝົດແລ້ວໄດ້ວາງສະແດງຮູບຂອງປູຊະນີຍະສະຖານ 19 ແຫ່ງຂອງອັງໂກວັດແຂວງຊຽມຮຽບກຳປູເຈຍທີ່ຖືກຈັດເຂົ້າໃນບັນຊີລາຍຊື່ມໍລະດົກວັດທະນະທຳໂລກ, ລວມທັງອັງໂກວັດ, ວັດບັນເທຍສ໌ຣີ, ວັດປຼົມ, ວັດຕາແກ້ວທີ່ໜ່ວຍວິສະວະກອນຈີນຮັບຜິດຊອບການປະຕິສັງຂອນແລະວັດຈາວເຊີຍເທວະດາແລະໂທມມັນນົນເປັນຕົ້ນ. ຂ່າວແຈ້ງວ່າ, ໃນຖານະເປັນໂຄງການແລກປ່ຽນ "ປີມິດຕະພາບຈີນກຳປູເຈຍ", ເດືອນທັນວາປີນີ້, ພະລາຊະວັງລະດູຮ້ອນກໍ່ຈະຈັດກິດຈະກຳໂຄສະນາດ້ວຍຮູບຢູ່ວັດບັນເທຍສ໌ຣີຂອງອັງໂກວັດກຳປູເຈຍ.
