ເສດຖະກິດຈີນມີທ່າອ່ຽງພັດທະນາທີ່ໝັ້ນທ່ຽງແລະຂະຫຍາຍຕົວໄປໃນທາງທີ່ດີ
(GMT+08:00) 2013-09-17 19:34:05 cri
ໃນກອງປະຊຸມຂ່າວທີ່ຈັດຂຶ້ນໃນວັນທີ 16 ກັນຍານີ້, ທ່ານເຊີ້ງລາຍຢຸ້ນ, ຫົວໜ້າກົມສະຖິຕິສັງລວມເສດຖະກິດແຫ່ງຊາດຂອງກົມສະຖິຕິແຫ່ງຊາດຈີນກ່າວວ່າ, ເມື່ອເບິ່ງຈາກຕົວເລກຂໍ້ມູນເສດຖະກິດໃນເດືອນສິງຫາປີນີ້ແລ້ວເຫັນວ່າ, ປັດໄຈທີ່ຕັ້ງໜ້າໃນການເຄື່ອນໄຫວຂອງເສດຖະກິດໃນປະຈຸບັນນັບລວມແລ້ວກຳລັງເພີ່ມຂຶ້ນ, ໄດ້ມີທ່າອ່ຽງພັດທະນາທີ່ໝັ້ນທ່ຽງແລະຂະຫຍາຍຕົວໄປໃນທາງທີ່ດີ, ໄດ້ສະແດງໃຫ້ເຫັນວ່າເສດຖະກິດຈີນໄດ້ມີການປ່ຽນແປງຢ່າງຕັ້ງໜ້າພາຍໃຕ້ການຊີ້ນຳຈາກນະໂຍບາຍການປະດິດສ້າງຕ່າງໆເຊັ່ນ: ເຮັດໃຫ້ມີການເຕີບໂຕຢ່າງໝັ້ນທ່ຽງ, ການປັບປຸງໂຄງປະກອບ ແລະຊຸກຍູ້ການປະຕິຮູບເປັນຕົ້ນ.
ທ່ານຢາງຊູ່ປິ່ງ, ຫົວໜ້າກົມຂໍ້ມູນຂ່າວສານຂອງສຳນັກຄົ້ນຄວ້າຂອງລັດຖະບານຈີນເຫັນວ່າ, ເສດຖະກິດຈີນສາມາດບັນລຸເປົ້າໝາຍການພັດທະນາທີ່ປອດໃສ, ຍາວນານແລະຕໍ່ເນື່ອງ, ແມ່ນມີຫຼັກຖານອ້າງອີງ, ກ່ອນອື່ນ, ຜ່ານການປະຕິຮູບແລະໄຂປະຕູສູ່ພາຍນອກເປັນເວລາ 30 ປີມານີ້, ຈີນໄດ້ສ້າງພື້ນຖານດ້ານເຕັກໂນໂລຊີແລະດ້ານວັດຖຸທີ່ດີ, ເຊິ່ງເປັນການສ້າງຂອບພື້ນຖານເສດຖະກິດຕະຫຼາດ, ນີ້ໄດ້ສ້າງພື້ນຖານທີ່ດີແກ່ການພັດທະນາຢ່າງຕໍ່ເນື່ອງແລະຍາວນານ, ຖັດມາ, ຈີນມີປະຊາກອນຈຳນວນຫຼວງຫຼາຍ, ການພັດທະນາລະຫວ່າງຕົວເມືອງແລະຊົນນະບົດແລະລະຫວ່າງເຂດແຄ້ວນຕ່າງໆບໍ່ດຸ່ນດ່ຽງກັນ, ຕະຫຼາດມີຄວາມຕ້ອງການຢ່າງຫຼວງຫຼາຍ. ສາມ, ການປະຕິຮູບທາງດ້ານໂຄງປະກອບມີທ່າອ່ຽງທີ່ບໍ່ສາມາດສະກັດກັ້ນໄດ້. ຈະສືບຕໍ່ນຳມາເຊິ່ງເງິນປັນຜົນຈາກການປະຕິຮູບຢ່າງບໍ່ຢຸດຢັ້ງ.
ທ່ານຢາງຊູ່ປິ່ງ, ຫົວໜ້າກົມຂໍ້ມູນຂ່າວສານຂອງສຳນັກຄົ້ນຄວ້າຂອງລັດຖະບານຈີນເຫັນວ່າ, ເສດຖະກິດຈີນສາມາດບັນລຸເປົ້າໝາຍການພັດທະນາທີ່ປອດໃສ, ຍາວນານແລະຕໍ່ເນື່ອງ, ແມ່ນມີຫຼັກຖານອ້າງອີງ, ກ່ອນອື່ນ, ຜ່ານການປະຕິຮູບແລະໄຂປະຕູສູ່ພາຍນອກເປັນເວລາ 30 ປີມານີ້, ຈີນໄດ້ສ້າງພື້ນຖານດ້ານເຕັກໂນໂລຊີແລະດ້ານວັດຖຸທີ່ດີ, ເຊິ່ງເປັນການສ້າງຂອບພື້ນຖານເສດຖະກິດຕະຫຼາດ, ນີ້ໄດ້ສ້າງພື້ນຖານທີ່ດີແກ່ການພັດທະນາຢ່າງຕໍ່ເນື່ອງແລະຍາວນານ, ຖັດມາ, ຈີນມີປະຊາກອນຈຳນວນຫຼວງຫຼາຍ, ການພັດທະນາລະຫວ່າງຕົວເມືອງແລະຊົນນະບົດແລະລະຫວ່າງເຂດແຄ້ວນຕ່າງໆບໍ່ດຸ່ນດ່ຽງກັນ, ຕະຫຼາດມີຄວາມຕ້ອງການຢ່າງຫຼວງຫຼາຍ. ສາມ, ການປະຕິຮູບທາງດ້ານໂຄງປະກອບມີທ່າອ່ຽງທີ່ບໍ່ສາມາດສະກັດກັ້ນໄດ້. ຈະສືບຕໍ່ນຳມາເຊິ່ງເງິນປັນຜົນຈາກການປະຕິຮູບຢ່າງບໍ່ຢຸດຢັ້ງ.
