ກຳປັ່ນໂຮງໝໍ "ເຮີຜິງຟາງໂຈ່ວ"ຂອງກອງທັບເຮືອຈີນເດີນທາງໄປຮອດນະຄອນຫຼວງຈາກາກຕາແລະເລີ່ມຢ້ຽມຢາມສັນຖະວະໄມຕີອິນໂດເນເຊຍ
(GMT+08:00) 2013-09-19 14:58:30 cri
ຕາມຂ່າວCRI: ຕອນເຊົ້າວັນທີ 18 ກັນຍານີ້ຕາມເວລາທ້ອງຖິ່ນ, ກຳປັ່ນໂຮງໝໍ "ເຮີຜິງຟາງໂຈ່ວ"ຂອງກອງທັບເຮືອຈີນທີ່ກຳລັງປະຕິບັດໜ້າທີ່ "ພາລະກິດເພື່ອຄວາມກົມກຽວກັນ2013"ໄດ້ເດີນທາງໄປເຖິງທ່າກຳປັ່ນຕານຈຸງຊຶ່ງເປັນທ່າກຳປັ່ນສາກົນຂອງນະຄອນຫຼວງຈາກາກຕາຕາມຄຳເຊີນ, ເລີ່ມຢ້ຽມຢາມສັນຖະວະໄມຕີອິນໂດເນເຊຍເປັນເວລາ 2 ວັນ.
ເວລາ 10 ໂມງຂອງວັນທີ 18 ກັນຍານີ້, ທ່ານລີວຈ້ຽນຊ່າວ, ເອກອັກຄະລັດຖະທູດຈີນປະຈຳອິນໂດເນເຊຍ, ຜູ້ແທນກອງທັບເຮືອອິນໂດເນເຊຍ, ຊາວອິນໂດເນເຊຍເຊື້ອສາຍຈີນແລະຈີນຕ່າງດ້າວ, ບໍລິສັດຈີນທີ່ອິນໂດເນເຊຍແລະຜູ້ຕາງໜ້ານັກສຶກສາຈີນທີ່ຮຽນຢູ່ອິນໂດເນເຊຍໄດ້ເຂົ້າຮ່ວມພິທີຕ້ອນຮັບທີ່ຈັດຂຶ້ນຢູ່ທ່າກຳປັ່ນຕານຈຸງ. ກ່ອນໜ້ານີ້ ກຳປັ່ນໂຮງໝໍ "ເຮີຜິງຟາງໂຈ່ວ"ຂອງກອງທັບເຮືອຈີນໄດ້ເດີນທາງໄປເຖິງອ່າວໂຟຼຣິສຂອງອິນໂດເນເຊຍໃນວັນທີ 10 ກັນຍານີ້ຕາມຄຳເຊີນ, ເພື່ອໃຫ້ການບໍລິການດ້ານການປິ່ນປົວຢູ່ໝູ່ເກາະລາບູຮານ ບາໂຈ, ແລະໄດ້ເຂົ້າຮ່ວມງານສະເຫຼີມສະຫຼອງ SAIL KOMODO 2013 ແລະກິດຈະກຳການສວນສະໜາມທີ່ມີປະທານາທິບໍດີອິນໂດເນເຊຍເຂົ້າຮ່ວມໃນວັນທີ 14 ກັນຍານີ້. ພາຍຫຼັງໄດ້ເດີນທາງອອກຈາກນະຄອນຫຼວງຈາກາກຕາແລ້ວ, ກຳປັ່ນໂຮງໝໍ "ເຮີຜິງຟາງໂຈ່ວ"ຂອງກອງທັບເຮືອຈີນຈະເດີນທາງໄປກຳປູເຈຍຊຶ່ງເປັນປະເທດສຸດທ້າຍໃນການປະຕິບັດໜ້າທີ່ໃນຄັ້ງນີ້, ເພື່ອດຳເນີນການຢ້ຽມຢາມສັນຖະວະໄມຕີແລະການຮ່ວມມືດ້ານການປິ່ນປົວ.
ເວລາ 10 ໂມງຂອງວັນທີ 18 ກັນຍານີ້, ທ່ານລີວຈ້ຽນຊ່າວ, ເອກອັກຄະລັດຖະທູດຈີນປະຈຳອິນໂດເນເຊຍ, ຜູ້ແທນກອງທັບເຮືອອິນໂດເນເຊຍ, ຊາວອິນໂດເນເຊຍເຊື້ອສາຍຈີນແລະຈີນຕ່າງດ້າວ, ບໍລິສັດຈີນທີ່ອິນໂດເນເຊຍແລະຜູ້ຕາງໜ້ານັກສຶກສາຈີນທີ່ຮຽນຢູ່ອິນໂດເນເຊຍໄດ້ເຂົ້າຮ່ວມພິທີຕ້ອນຮັບທີ່ຈັດຂຶ້ນຢູ່ທ່າກຳປັ່ນຕານຈຸງ. ກ່ອນໜ້ານີ້ ກຳປັ່ນໂຮງໝໍ "ເຮີຜິງຟາງໂຈ່ວ"ຂອງກອງທັບເຮືອຈີນໄດ້ເດີນທາງໄປເຖິງອ່າວໂຟຼຣິສຂອງອິນໂດເນເຊຍໃນວັນທີ 10 ກັນຍານີ້ຕາມຄຳເຊີນ, ເພື່ອໃຫ້ການບໍລິການດ້ານການປິ່ນປົວຢູ່ໝູ່ເກາະລາບູຮານ ບາໂຈ, ແລະໄດ້ເຂົ້າຮ່ວມງານສະເຫຼີມສະຫຼອງ SAIL KOMODO 2013 ແລະກິດຈະກຳການສວນສະໜາມທີ່ມີປະທານາທິບໍດີອິນໂດເນເຊຍເຂົ້າຮ່ວມໃນວັນທີ 14 ກັນຍານີ້. ພາຍຫຼັງໄດ້ເດີນທາງອອກຈາກນະຄອນຫຼວງຈາກາກຕາແລ້ວ, ກຳປັ່ນໂຮງໝໍ "ເຮີຜິງຟາງໂຈ່ວ"ຂອງກອງທັບເຮືອຈີນຈະເດີນທາງໄປກຳປູເຈຍຊຶ່ງເປັນປະເທດສຸດທ້າຍໃນການປະຕິບັດໜ້າທີ່ໃນຄັ້ງນີ້, ເພື່ອດຳເນີນການຢ້ຽມຢາມສັນຖະວະໄມຕີແລະການຮ່ວມມືດ້ານການປິ່ນປົວ.
