ນາຍົກລັດຖະມົນຕີມະເລເຊຍສະແຫວງຫາການດຳລົງຕຳແໜ່ງປະທານພັກກຳອຳນາດອີກສະໄໝໜຶ່ງ
(GMT+08:00) 2013-09-20 16:27:55 cri
ວັນທີ 19 ກັນຍານີ້, ທ່ານນາຈິບ ຕຸນ ຣາຊັກ, ນາຍົກລັດຖະມົນຕີມະເລເຊຍປະກາດວ່າ, ທ່ານຈະສະແຫວງຫາການດຳລົງຕຳແໜ່ງປະທານພັກກຳອຳນາດອີກສະໄໝໜຶ່ງໃນການເລືອກຕັ້ງຂອງພັກອົງການແນວໂຮມເອກະພາບແຫ່ງຊາດມະເລເຊຍຫຼືUMNO ຊຶ່ງເປັນພັກກຳອຳນາດຂອງມະເລເຊຍທີ່ຈະຈັດຂຶ້ນໃນເດືອນຕຸລາໜ້ານີ້.
ທ່ານນາຈິບ ຕຸນ ຣາຊັກກ່າວວ່າ, ທ່ານໄດ້ທຳການຕົກລົງດັ່ງກ່າວພາຍໃຕ້ການສະໜັບສະໜູນແລະຄວາມໄວ້ເນື້ອເຊື່ອໃຈຈາກສະມາຊິກພັກຂັ້ນຮາກຖານ. ທ່ານກ່າວວ່າ, ອີງຕາມການຕ້ອນຮັບທີ່ທ່ານໄດ້ຮູ້,ສະມາຊິກພັກUMNOສ່ວນຫຼາຍຫວັງໃຫ້ທ່ານສືບຕໍ່ດຳລົງຕຳແໜ່ງປະທານພັກ, ອົງຄະນະພັກຂອງລັດຕ່າງໆຂອງມະເລເຊຍກໍ່ສະແດງວ່າສະໜັບສະໜູນທ່ານ.
UMNOແມ່ນພັກໃຫຍ່ອັນດັບໜຶ່ງໃນແນວໂຮມແຫ່ງຊາດສະຫະພັນພັກກຳອຳນາດມະເລເຊຍ, ທ່ານນາຈິບ ຕຸນ ຣາຊັກໄດ້ເຂົ້າຮັບຕຳແໜ່ງປະທານພັກUMNOແລະຂຶ້ນດຳລົງຕຳແໜ່ງນາຍົກລັດຖະມົນຕີໃນປີ 2009. ເດືອນພຶດສະພາປີນີ້, ສະຫະພັນພັກກຳອຳນາດທີ່ນຳພາໂດຍທ່ານນາຈິບ ຕຸນ ຣາຊັກໄດ້ຮັບໄຊຊະນະໃນການເລືອກຕັ້ງສະພາແຫ່ງຊາດ ແລະດຳລົງຕຳແໜ່ງນາຍົກລັດຖະມົນຕີມະເລເຊຍຊຸດໃໝ່ຕື່ມອີກວາລະໜຶ່ງ.