ແຫ່ງຕ່າງໆຂອງຈີນສະເຫຼີມສະຫຼອງບຸນໄຫວ້ພະຈັນຢ່າງຟົດຟື້ນ
ຕາມຂ່າວສານຊິນຮວາ: ວັນທີ19 ກັນຍາແມ່ນບຸນໄຫວ້ພະຈັນບຸນປະເພນີຂອງຈີນ, ຢູ່ແຫ່ງຕ່າງໆຂອງຈີນ, ສະມາຊິກຄອບຄົວຕ່າງໆໄດ້ເຕົ້າໂຮມກັນແລະຮ່ວມກັນສະເຫຼີມສະຫຼອງບຸນໄຫວ້ພະຈັນຢ່າງຟົດຟື້ນ.
ຢູ່ໃນປ່າໄມ້ຈຸ້ຍຢົ້ວຂອງສວນສາທາລະນະຢົ້ວທານຫຼືແທ່ນໄຫວ້ພະຈັນສະໄໝບູຮານ ນະຄອນຫຼວງປັກກິ່ງ, ເຈ້ຍແດງທີ່ຂຽນຄຳອວຍພອນຕໍ່ຄອບຄົວແລະໝູ່ເພື່ອທຸກໆໃບໄດ້ມັດໃສ່ກິ່ງໄມ້ເຕັມປ່າ, ເຕັມໄປດ້ວຍບັນຍາກາດໃນຍາມບຸນໄຫວ້ພະຈັນທີ່ມ່ວນຊື່ນ.
ຢູ່ທຸກແຫ່ງຫົນໃນເຂດປະສົບໄພແຜ່ນດິນໄຫວລູຊ່ານ, ໃນຂະນະທີ່ສະເຫຼີມສະຫຼອງບຸນໄຫວ້ພະຈັນຕາມພະເພນີທ້ອງຖິ່ນ, ປະຊາຊົນເຂດປະສົບໄພກໍສືບຕໍ່ຄວາມດຸໝັ່ນເຮັດວຽກ, ເພື່ອສຸມກຳລັງສ້າງບ້ານແປງເມືອງຄືນໃໝ່.
ເພື່ອສົ່ງເສີມວັດທະນະທຳຮີດຄອງປະເພນີຂອງຈີນ, ນະຄອນຊາງຊ່າເທດສະບານແຂວງຫູນານໄດ້ຈັດຕັ້ງພະນັກງານໃສ່ຊຸດລາຊະວົງຮັ້ນແລະປະກອບພິທີບູຊາພະຈັນເພື່ອຂໍພອນເຊິ່ງເຕັມໄປດ້ວຍບັນຍາກາດອັນເຄັ່ງຂຶມ, ຕອນຄ່ຳມື້ບຸນໄຫວ້ພະຈັນ, ສວນສາທາລະນະຮວາງເຮີ້ໂຫຼວນະຄອນຫວູຮ້ານກໍໄກ້ເປີດປະຕູໃຫ້ປະຊາຊົນເຂົ້າໄປຊົມດວງຈັນ.
ໃນມື້ບຸນໄຫວ້ພະຈັນ, ປະຊາຊົນຜູ້ປະສົບໄພນ້ຳຖ້ວນຢູ່ເມືອງທົງຈ່ຽງແຂວງເຮ່ລົງຈ່ຽງໄດ້ຮັບການຈັດສັນຢູ່ອາຄານໃໝ່,ແລະໄດ້ຮັບເຂົ້າໜົມໄຫວ້ພະຈັນແລະເຄື່ອງສົງເຄາະຕ່າງໆ.
