ການຢ້ຽມຢາມນິວຢອກຂອງທ່ານໂຣຮານີ ປະທານາທິບໍດີອີຣານໄດ້ສະແດງອອກຄວາມຄ່ອງແຄ້ວທາງການຕ່າງປະເທດ ມີຫວັງສະເໜີອອກຂໍ້ສະເໜີອັນສຳຄັນໃນບັນຫານິວເຄຼຍອີຣານ
ຕາມຂ່າວcri: ອີງຕາມຂ່າວສານສາທາລະນະລັດອີສຣາມອີຣານລາຍງານໃນວັນທີ20 ກັນຍານີ້ວ່າ, ວັນທີ22 ກັນຍານີ້, ທ່ານຮາຊານ ໂຣຮານີຈະເດີນທາງໄປຢ້ຽມຢາມນິວຢອກ, ເພື່ອເຂົ້າຮ່ວມພິທີໄຂກອງປະຊຸມຂອງສະມັດຊາໃຫຍ່ສະຫະປະຊາຊາດຄັ້ງທີ 68. ສື່ມວນຊົນອີຣານກ່າວວ່າ, ການຢ້ຽມຢາມນິວຢອກຂອງທ່ານໂຣຮານີຈະເປັນການເຄື່ອນໄຫວການຕ່າງປະເທດອັນສຳຄັນທີ່ສຸດຫຼັງຈາກລັດຖະບານຊຸດໃໝ່ຂອງອີຣານສ້າງຕັ້ງຂຶ້ນເປັນຕົ້າມາ. ທ່ານອາດຈະສະເໜີຂໍ້ສະເໜີອັນສຳຄັນຂອງອີຣານໃນບັນຫານິວເຄຼຍ, ເພື່ອຍາດແຍ່ງໃຫ້ກ້າວເຖິງຂັ້ນເປັນເອກະສັນກັນກັບ 6 ປະເທດໂດຍໄວ.
ຕາມແນະນຳວ່າ, ທ່ານຣູຮານີຈະພົບປະທ່ານບັນກີມູນ ເລຂາທິການໃຫຍ່ສະຫະປະຊາຊາດ, ທ່ານຟຼັງຊົວ ໂອລັງດ໌ ປະທານາທິບໍດີຝັ່ງແລະທ່ານອື່ນໆຢູ່ນິວຢອກ, ຍັງຈະກ່າວຄຳປາໄສຢູ່ສະຖານທີ່ອັນສຳຄັນ 3 ແຫ່ງ. ນອກນີ້, ທ່ານໂຣຮານີຍັງໃຫ້ຄວາມສຳຄັນຫຼາຍ" ຕໍ່ການຕ່າງປະເທດທາງສື່ມວນຊົນ", ຈະໃຫ້ສຳພາດຕໍ່ສື່ມວນຊົນຂອງອາເມລິກາເປັນຕົ້ນ.
ນັກວິເຄາະເຫັນວ່າ, ນະໂຍບາຍໃໝ່ທາງການຕ່າງປະເທດຂອງອີຣານຈະໄດ້ຮັບຫຼາຍປານໃດມີຜົນຍັງຕ້ອງຄອຍຖ້າເບິ່ງ. ກ່ອນອື່ນ, ນະໂຍບາຍໃໝ່ທາງການຕ່າງປະເທດຂອງອີຣານປະເຊີນໜ້າກັບຄວາມກົດດັນພາຍໃນປະເທດ. ຖັດມາ, ຍ້ອນວ່າຂາດຄວາມໄວ້ເນື້ອເຊື່ອໃຈມາຫຼາຍປີ, ນະໂຍບາຍໃໝ່ທາງການຕ່າງປະເທດຂອງອີຣານຈະໄດ້ຮັບການຕອບຮັບອັງຕັ້ງໜ້າຈາກຝ່າຍຕາເວັນຕົກໃນລະດັບໃດຍັງມີຄວາມສົງໄສຢູ່.
