ບົດວິຈານຂອງຂ່າວສານຊິນຮວາຂຽນວ່າ, ການເລືອກຕັ້ງທົ່ວໄປຂອງເຢຍລະມັນໄດ້ສົ່ງສັນຍານຕໍ່ເອີຣົບໃຫ້ຊາບວ່າຈະຮັກສາຄວາມໝັ້ນທ່ຽງແລະຄວາມຕໍ່ເນື່ອງຂອງນະໂຍບາຍ
(GMT+08:00) 2013-09-23 16:43:27 cri
ວັນທີ 22 ກັນຍານີ້ແມ່ນມື້ຈັດການເລືອກຕັ້ງທົ່ວໄປຂອງເຢຍລະມັນ,ຕາມຜົນການນັບບັດໃນເບື້ອງຕົ້ນສະແດງໃຫ້ເຫັນວ່າ,ພັກCDU/CSUທີ່ນຳພາໂດຍທ່ານນາງແອງເຈີລາ ເມີເກນ ນາຍົກລັດຖະມົນຕີເຢຍລະມັນໄດ້ຮັບຄະແນນສຽງປະມານ 42% , ໂດຍໄດ້ກາຍເປັນຜູ້ທີ່ໄດ້ຮັບຄະແນນສຽງຫຼາຍທີ່ສຸດໃນການເລືອກຕັ້ງລັດຖະສະພາເຢຍລະມັນ. ຂ່າວສານຊິນຮວາທີ່ເປັນຂ່າວສານແຫ່ງຊາດຈີນໄດ້ເປີດເຜີຍບົດວິຈານໂດຍຂຽນວ່າ, ເອີຣົບໄດ້ເອົາໃຈໃສ່ຢ່າງສູງຕໍ່ການເລືອກຕັ້ງທົ່ວໄປຂອງເຢຍລະມັນແບບບໍ່ເຄີຍມີມາກ່ອນ, ນີ້ໄດ້ສ່ອງແສງໃຫ້ເຫັນວ່າ, ນັບຕັ້ງແຕ່ເກີດວິກິດການໜີ້ສິນຢູ່ເອີຣົບເປັນຕົ້ນມາ, ເຢຍລະມັນໄດ້ມີຖານະບົດບາດສູງຂຶ້ນຕື່ມອີກຢູ່ເອີຣົບ, ການເລືອກຕັ້ງທົ່ວໄປຂອງເຢຍລະມັນໄດ້ສົ່ງສັນຍານຕໍ່ເອີຣົບວ່າຈະຮັກສາຄວາມໝັ້ນທ່ຽງຂອງນະໂຍບາຍ.
ບົດຄວາມຂຽນວ່າ,ການໄດ້ຮັບໄຊຊະນະໃນການເລືອກຕັ້ງຂອງພັກCDU/CSUໄດ້ສະແດງໃຫ້ເຫັນວ່າ, ແນວທາງກອບກູ້ຄ່າເງິນເອີໂຣທີ່ນຳພາໂດຍທ່ານນາງແອງເຈີລາ ເມີເກນໄດ້ຮັບຄວາມຢືນຢັນຈາກປະຊາຊົນສ່ວນໃຫຍ່ຂອງເຢຍລະມັນ. ລັດຖະບານຊຸດໃໝ່ຂອງເຢຍລະມັນຈະຮັກສາຄວາມຕໍ່ເນື່ອງຂອງນະໂຍບາຍຕ້ານວິກິດການເງິນເອີໂຣ ຄື ຮັກສາຄວາມໝັ້ນທ່ຽງຂອງຄ່າເງິນເອີໂຣ, ປະຕິບັດລະບຽບການສະກັດກັ້ນວິກິດການໜີ້ສິນ, ພະຍາຍາມບັນລຸເປົ້າໝາຍຫຼຸດຜ່ອນພາລະໜີ້ສິນ, ຄັດຄ້ານການເຊື່ອໂຍງເຂົ້າເປັນອັນໜຶ່ງອັນດຽວກັນຂອງໜີ້ສິນເອີຣົບແລະພັນທະບັດເອີຣົບ, ເພີ່ມທະວີກຳລັງແຂ່ງຂັນຂອງປະເທດໃນເຂດໃຊ້ເງິນເອີໂຣ, ຊຸກຍູ້ການເຕີບໂຕດ້ານເສດຖະກິດ.
ບົດຄວາມຂຽນວ່າ, ໃນສະເພາະໜ້ານີ້, ວິກິດການໜີ້ສິນເອີຣົບໄດ້ຜ່ອນຄາຍລົງໜ້ອຍໜຶ່ງ, ແຕ່ຍັງບໍ່ທັນສິ້ນສຸດລົງເທື່ອ, ສະພາບລວມຂອງວິກິດການຍັງຂ້ຽວຂາດຢູ່ຄືເກົ່າ. ໃນບໍ່ເທົ່າໃດປີຂ້າງໜ້ານີ້, ພາຍໃຕ້ການນຳພາຂອງເຢຍລະມັນ, ເຂດໃຊ້ເງິນເອີໂຣຈະສືບຕໍ່ກ້າວເດີນໄປຕາມເສັ້ນທາງຮັດກຸມແລະປັບປຸງວຽກງານການເງິນໃຫ້ໝັ້ນຄົງແລະການປະຕິຮູບໂຄງປະກອບເສດຖະກິດ.
ບົດຄວາມຂຽນວ່າ,ການໄດ້ຮັບໄຊຊະນະໃນການເລືອກຕັ້ງຂອງພັກCDU/CSUໄດ້ສະແດງໃຫ້ເຫັນວ່າ, ແນວທາງກອບກູ້ຄ່າເງິນເອີໂຣທີ່ນຳພາໂດຍທ່ານນາງແອງເຈີລາ ເມີເກນໄດ້ຮັບຄວາມຢືນຢັນຈາກປະຊາຊົນສ່ວນໃຫຍ່ຂອງເຢຍລະມັນ. ລັດຖະບານຊຸດໃໝ່ຂອງເຢຍລະມັນຈະຮັກສາຄວາມຕໍ່ເນື່ອງຂອງນະໂຍບາຍຕ້ານວິກິດການເງິນເອີໂຣ ຄື ຮັກສາຄວາມໝັ້ນທ່ຽງຂອງຄ່າເງິນເອີໂຣ, ປະຕິບັດລະບຽບການສະກັດກັ້ນວິກິດການໜີ້ສິນ, ພະຍາຍາມບັນລຸເປົ້າໝາຍຫຼຸດຜ່ອນພາລະໜີ້ສິນ, ຄັດຄ້ານການເຊື່ອໂຍງເຂົ້າເປັນອັນໜຶ່ງອັນດຽວກັນຂອງໜີ້ສິນເອີຣົບແລະພັນທະບັດເອີຣົບ, ເພີ່ມທະວີກຳລັງແຂ່ງຂັນຂອງປະເທດໃນເຂດໃຊ້ເງິນເອີໂຣ, ຊຸກຍູ້ການເຕີບໂຕດ້ານເສດຖະກິດ.
ບົດຄວາມຂຽນວ່າ, ໃນສະເພາະໜ້ານີ້, ວິກິດການໜີ້ສິນເອີຣົບໄດ້ຜ່ອນຄາຍລົງໜ້ອຍໜຶ່ງ, ແຕ່ຍັງບໍ່ທັນສິ້ນສຸດລົງເທື່ອ, ສະພາບລວມຂອງວິກິດການຍັງຂ້ຽວຂາດຢູ່ຄືເກົ່າ. ໃນບໍ່ເທົ່າໃດປີຂ້າງໜ້ານີ້, ພາຍໃຕ້ການນຳພາຂອງເຢຍລະມັນ, ເຂດໃຊ້ເງິນເອີໂຣຈະສືບຕໍ່ກ້າວເດີນໄປຕາມເສັ້ນທາງຮັດກຸມແລະປັບປຸງວຽກງານການເງິນໃຫ້ໝັ້ນຄົງແລະການປະຕິຮູບໂຄງປະກອບເສດຖະກິດ.
