ທ່ານສີຈິ້ນຜິງພົບປະເຈລະຈາກັບປະທານາທິບໍດີເວເນຊູເອລາ ເນັ້ນໜັກໃຫ້ຊຸກຍູ້ການພົວພັນຄູ່ຮ່ວມມືຍຸດທະສາດລະຫວ່າງຈີນ-ເວເນຊູເອລາຢ່າງບໍ່ຢຸດຢັ້ງ
(GMT+08:00) 2013-09-23 13:46:06 cri
ວັນທີ 22 ກັນຍານີ້ ຢູ່ຫໍສະພາປະຊາຊົນຈີນທີ່ນະຄອນຫຼວງປັກກິ່ງ ທ່ານສີຈິ້ນຜິງ ປະທານປະເທດຈີນໄດ້ພົບປະເຈລະຈາກັບທ່ານຣີຊາໂດ ມາດູໂຣ ປະທານາທິບໍດີເວເນຊູເອລາ. ປະມຸກລັດຂອງສອງປະເທດໄດ້ລົງເລິກແລກປ່ຽນຄວາມຄິດຄວາມເຫັນກ່ຽວກັບການເພີ່ມທະວີການພົວພັນຄູ່ຮ່ວມມືຍຸດທະສາດທີ່ພັດທະນາຮ່ວມກັນລະຫວ່າງຈີນ-ເວເນຊູເອລາ ພ້ອມດ້ວຍບັນຫາສາກົນແລະພາກພື້ນທີ່ກ່ຽວຂ້ອງ, ໄດ້ມີຄວາມຮັບຮູ້ເປັນເອກະສັນກັນຢ່າງກວ້າງຂວາງ.
ທ່ານສີຈິ້ນຜິງກ່າວວ່າ, ເວເນຊູເອລາແມ່ນປະເທດທີ່ສຳຄັນໃນເຂດອາເມລິກາລາຕິນ. ພາຍໃຕ້ຄວາມພະຍາຍາມຮ່ວມຂອງສອງຝ່າຍ, ການພົວພັນລະຫວ່າງສອງປະເທດໄດ້ຮັບການຂະຫຍາຍຕົວເປັນຢ່າງດີ. ຈີນສະແດງຄວາມຍ້ອງຍໍຕໍ່ທ່ານປະທານາທິບໍດີຣີຊາໂດ ມາດູໂຣ ແລະລັດຖະບານຊຸດໃໝ່ຂອງເວເນຊູເອລາທີ່ໄດ້ສືບຕໍ່ປະຕິບັດນະໂຍບາຍທີ່ມີໄມຕີຈິດມິດຕະພາບຕໍ່ຈີນທີ່ອະດີດປະທານາທິບໍດີວາງໄວ້, ຖືການຂະຫຍາຍການພົວພັນລະຫວ່າງຈີນ-ເວເນຊູເອລາເປັນເປົ້າໝາຍທາງການຕ່າງປະເທດທີ່ເປັນບູລິມະສິດ. ປະຈຸບັນ, ການພົວພັນລະຫວ່າງຈີນ-ເວເນຊູເອລາຢູ່ໃນໄລຍະສືບທອດອັນເກົ່າແລະຂະຫຍາຍອັນໃໝ່. ສອງຝ່າຍຄວນລົງເລິກການຮ່ວມມືທີ່ມີໄມຕີຈິດມິດຕະພາບແບບຕ່າງຝ່າຍຕ່າງມີຜົນປະໂຫຍດ, ຊຸກຍູ້ການພົວພັນຄູ່ຮ່ວມມືຍຸດທະສາດທີ່ພັດທະນາຮ່ວມກັນລະຫວ່າງຈີນ-ເວເນຊູເອລາໃຫ້ກ້າວຂຶ້ນສູ່ລະດັບໃໝ່ຢ່າງບໍ່ຢຸດຢັ້ງ.
ທ່ານຣີຊາໂດ ມາດູໂຣໄດ້ສະແດງຄວາມຂອບໃຈຕໍ່ການສະໜັບສະໜູນທີ່ລ້ຳຄ່າຂອງຈີນ, ໂດຍສະເພາະມິດຕະພາບທີ່ເປັນມູນເຊື້ອຕໍ່ທ່ານຮຸຍໂກຊາເວດ ອະດີດປະທານາທິບໍດີເວເນຊູເອລາທີ່ໄດ້ເຖິງແກ່ມໍລະນະກຳໄປແລ້ວ. ປະຊາຊົນເວເນຊູເອລາພວມເດີນຕາມເສັ້ນທາງຂອງທ່ານຮຸຍໂກຊາເວດ ແລະສືບຕໍ່ກ້າວໄປໜ້າ.
ພາຍຫຼັງການເຈລະຈາ, ປະມຸກລັດທັງສອງປະເທດໄດ້ຮ່ວມກັນເຂົ້າຮ່ວມພິທີເຊັນສັນຍາແລະລົງນາມໃນເອກະສານການຮ່ວມມືໃນຂົງເຂດຕ່າງໆເຊັ່ນ: ການລະດົມທຶນຮອນ, ວັດທະນະທຳ, ການສຶກສາ, ການຝຶກອົບຮົມ ແລະການໄປມາຫາສູ່ກັນລະຫວ່າງປະຊາຊົນໃຫ້ມີຄວາມສະດວກຍິ່ງຂຶ້ນເປັນຕົ້ນ.
ທ່ານສີຈິ້ນຜິງກ່າວວ່າ, ເວເນຊູເອລາແມ່ນປະເທດທີ່ສຳຄັນໃນເຂດອາເມລິກາລາຕິນ. ພາຍໃຕ້ຄວາມພະຍາຍາມຮ່ວມຂອງສອງຝ່າຍ, ການພົວພັນລະຫວ່າງສອງປະເທດໄດ້ຮັບການຂະຫຍາຍຕົວເປັນຢ່າງດີ. ຈີນສະແດງຄວາມຍ້ອງຍໍຕໍ່ທ່ານປະທານາທິບໍດີຣີຊາໂດ ມາດູໂຣ ແລະລັດຖະບານຊຸດໃໝ່ຂອງເວເນຊູເອລາທີ່ໄດ້ສືບຕໍ່ປະຕິບັດນະໂຍບາຍທີ່ມີໄມຕີຈິດມິດຕະພາບຕໍ່ຈີນທີ່ອະດີດປະທານາທິບໍດີວາງໄວ້, ຖືການຂະຫຍາຍການພົວພັນລະຫວ່າງຈີນ-ເວເນຊູເອລາເປັນເປົ້າໝາຍທາງການຕ່າງປະເທດທີ່ເປັນບູລິມະສິດ. ປະຈຸບັນ, ການພົວພັນລະຫວ່າງຈີນ-ເວເນຊູເອລາຢູ່ໃນໄລຍະສືບທອດອັນເກົ່າແລະຂະຫຍາຍອັນໃໝ່. ສອງຝ່າຍຄວນລົງເລິກການຮ່ວມມືທີ່ມີໄມຕີຈິດມິດຕະພາບແບບຕ່າງຝ່າຍຕ່າງມີຜົນປະໂຫຍດ, ຊຸກຍູ້ການພົວພັນຄູ່ຮ່ວມມືຍຸດທະສາດທີ່ພັດທະນາຮ່ວມກັນລະຫວ່າງຈີນ-ເວເນຊູເອລາໃຫ້ກ້າວຂຶ້ນສູ່ລະດັບໃໝ່ຢ່າງບໍ່ຢຸດຢັ້ງ.
ທ່ານຣີຊາໂດ ມາດູໂຣໄດ້ສະແດງຄວາມຂອບໃຈຕໍ່ການສະໜັບສະໜູນທີ່ລ້ຳຄ່າຂອງຈີນ, ໂດຍສະເພາະມິດຕະພາບທີ່ເປັນມູນເຊື້ອຕໍ່ທ່ານຮຸຍໂກຊາເວດ ອະດີດປະທານາທິບໍດີເວເນຊູເອລາທີ່ໄດ້ເຖິງແກ່ມໍລະນະກຳໄປແລ້ວ. ປະຊາຊົນເວເນຊູເອລາພວມເດີນຕາມເສັ້ນທາງຂອງທ່ານຮຸຍໂກຊາເວດ ແລະສືບຕໍ່ກ້າວໄປໜ້າ.
ພາຍຫຼັງການເຈລະຈາ, ປະມຸກລັດທັງສອງປະເທດໄດ້ຮ່ວມກັນເຂົ້າຮ່ວມພິທີເຊັນສັນຍາແລະລົງນາມໃນເອກະສານການຮ່ວມມືໃນຂົງເຂດຕ່າງໆເຊັ່ນ: ການລະດົມທຶນຮອນ, ວັດທະນະທຳ, ການສຶກສາ, ການຝຶກອົບຮົມ ແລະການໄປມາຫາສູ່ກັນລະຫວ່າງປະຊາຊົນໃຫ້ມີຄວາມສະດວກຍິ່ງຂຶ້ນເປັນຕົ້ນ.
